ព័ត៌មានជាតិ

កម្ពុជា-ថៃអនុញ្ញាតឱ្យពលរដ្ឋឆ្លងព្រំដែនប៉ោយបែតមុនបិទទាំងស្រុងចាប់ពីម៉ោង៨យប់នេះ

បានផុស

១២ ខែ មុន

នៅ

ថ្ងៃអង្គារ ២៤ មិថុនា ២០២៥

ដោយ

អាជ្ញាធរកម្ពុជា និងថៃ បានសម្របសម្រួលឱ្យពលរដ្ឋប្រទេសទាំងពីរនៅជាប់គាំងនៅព្រំដែនប៉ោយប៉ែតបានត្រលប់ទៅប្រទេសវិញចាប់ពីម៉ោង៥ ដល់ម៉ោង៨ យប់ថ្ងៃអង្គារ៍ ទី២៤ ខែមិថុនានេះមុននឹងបិទទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្ដីរាយការណ៍ពីភ្នាក់ងារកម្ពុជាថ្មីប្រចាំខេត្តបន្ទាយមានជ័យការបើកនេះគឺបន្ទាប់ពីមានការសម្របសម្រួលពីភាគីកម្ពុជា-ថៃដើម្បីបើកឱ្យពលរដ្ឋបានត្រលប់មកប្រទេសខ្លួនឯងវិញនិងត្រឹមតែថ្ងៃនេះប៉ុណ្ណោះ។ នៅម៉ោងនេះដូចគ្នារថយន្តក៏ត្រូវបានអនុញ្ញាតឱ្យត្រលប់ទៅប្រទេសវិញផងដែរ តែមិនអនុញ្ញាតឱ្យមានដឹកទំនិញនោះទេ។

គួរឱ្យដឹងផងដែរថា យោធាថៃបានសម្រេចដោយឯកតោភាគីបិទច្រកព្រំដែនទាំងអស់ជាមួយកម្ពុជាកាលពីថ្ងៃទី២៣ ខែមិថុនា ឆ្នាំ២០២៥ ដោយយកលេសថាកម្ពុជាឈ្លានពាន និងឆបោកតាមអនឡាញ ក្នុងពេលដែលអង្គការសហប្រជាជាតិដាក់លិខិតឱ្យរដ្ឋាភិបាលថៃបំភ្លឺពីការរីកស្គុះស្គាយនៃក្រុមឧក្រិដ្ឋកម្មអនឡាញក្នុងប្រទេសថៃ៕