ព័ត៌មានជាតិ
រដ្ឋលេខាធិការក្រសួងព័ត៌មានឆ្លងកូវីដ មិនមានជាប់ពាក់ព័ន្ធជាមួយមនុស្សច្រើនគ្នាទេ
អ្នកនាំពាក្យក្រសួងព័ត៌មាន លោក ផុស សុវណ្ណ មានប្រសាសន៍ប្រាប់កម្ពុជាថ្មី នៅថ្ងៃទី ០៧ ខែមេសា ឆ្នាំ ២០២១នេះថា លោក ម៉ៅ អាយុទ្ធ រដ្ឋលេខាធិការក្រសួងព័ត៌មាន ដែលមានវិជ្ជមានជំងឺកូវីដ១៩ មិនមានជាប់ពាក់ព័ន្ធជាមួយមនុស្សច្រើននោះទេ ដោយសារតែលោក បំពេញការងារនៅក្រៅក្រសួងព័ត៌មាន ចាប់តាំងពីលោកទទួលបានសេចក្តីសម្រេចរបស់ រដ្ឋាភិបាលឲ្យដឹកនាំថតឯកសារភាពយន្តរបស់សម្តេចតេជោ ហ៊ុន សែន។
លោកផុស សុវណ្ណប្រាប់ថា ព័ត៌មានដែលលោកទទួលបានគឺលោក ម៉ៅ អាយុទ្ធ មានជាប់ពាក់ព័ន្ធតែជាមួយជំនួយការរបស់លោកផ្ទាល់តែប៉ុណ្ណោះ គឺតាំងពី១១ ថ្ងៃមុន។
លោក ផុស សុវណ្ណបានប្រាប់ថា នៅថ្ងៃទី០១ ខែមេសា លោកម៉ៅ អាយុទ្ធ បានត្រឡប់មកក្រសួងព័ត៌មានបម្រុងចាក់វ៉ាក់សាំង ប៉ុន្តែដោយសារស្ថានភាពសុខភាពរបស់លោក រាងខ្សោយ គ្រូពេទ្យផ្តល់យោបល់ឲ្យលោកត្រឡប់ទៅផ្ទះវិញ ហើយក៏មិនឃើញនរណាបានជិតដិតជាមួយគាត់ទេ ដោយសារតែថ្ងៃនោះ ជាថ្ងៃដែលក្រសួងចាប់ផ្តើមចាក់វ៉ាក់សាំងទៅឲ្យមន្ត្រី ដូច្នេះមន្ត្រីក្រសួងគ្រប់ផ្នែកត្រូវណែនាំឲ្យរក្សាគម្លាត។
លោក ផុស សុវណ្ណបញ្ជាក់ថា “នៅក្រសួងព័ត៌មានមិនមានអ្វីគួរឲ្យបារម្ភទេ ដោយសារតែថ្ងៃ១ មេសាថ្ងៃដែលគាត់ចូលមកជាថ្ងៃដែលក្រសួងចាប់ផ្តើមចាក់វ៉ាក់សាំងទៅឲ្យមន្ត្រីទាំងអស់នៅក្នុងក្រសួង ដូច្នេះមន្ត្រីក្រសួងគ្រប់ផ្នែកទាំងអស់ត្រូវបានណែនាំឲ្យរក្សាគម្លាតពីគ្នាតាមការណែនាំរបស់ក្រសួងសុខាភិបាល”។
លោកបន្តថា “ឥឡូវនេះយើងអត់ទាន់មានឃើញអីទេ ហើយប្រសិនបើក្រសួងសុខាភិបាល ឬក៏ផ្នែកណាពាក់ព័ន្ធដែលថា បានទទួលព័ត៌មានពាក់ព័ន្ធដែលបានទទួលព័ត៌មានពីគាត់មកថាត្រូវស្រាវជ្រាវយ៉ាងម៉េចយើងនឹងរង់ចាំអនុវត្តតាមវិធានការរបស់ក្រសួងសុខាភិបាលដែលត្រូវណែនាំបន្តទៀត”៕
អត្ថបទ៖ ឡេង ដេត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ