Connect with us

នយោបាយ

សម្តេច ហ៊ុន សែន៖ «រុស្ស៊ី នឹងមានការខឹងសម្បារចំពោះយើង ក៏ប៉ុន្តែយើងជារដ្ឋអធិបតេយ្យ យើងមានសិទ្ធិនឹងធ្វើសកម្មភាព ដើម្បីការពារសច្ចធម៌»

បានផុស

នៅ

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអះអាងថា កម្ពុជា មានភាពចាំបាច់ក្នុងការចូលរួមជាមួយប្រទេសដទៃទៀត ធ្វើការថ្កោលទោសការធ្វើសង្រ្គាមរបស់រុស្ស៊ីនៅក្នុងប្រទេសអ៊ុយក្រែន។ សម្តេចតេជោ សង្ឃឹមថា រុស្ស៊ីនឹងយល់ពីបញ្ហានេះ ហើយសម្តេចអះអាងទៀតថា រុស្ស៊ី នឹងមានការខឹងសម្បារចំពោះកម្ពុជា ក៏ប៉ុន្តែកម្ពុជា ជារដ្ឋអធិបតេយ្យ កម្ពុជា មានសិទ្ធិនឹងធ្វើសកម្មភាព ដើម្បីការពារសច្ចៈធម៌។ នេះបើយោងតាមប្រសាសន៍របស់សម្តេចតេជោ ហ៊ុន សែន ដែលអង្គភាពអ្នកនាំពាក្យរាជរដ្ឋាភិបាលកម្ពុជាយកមកបង្ហោះឲ្យដឹងលើទំព័រហ្វេសប៊ុកកាលពីយប់ថ្ងៃព្រហស្បតិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះមុខបញ្ហាសង្រ្គាមនៅអ៊ុយក្រែនដ៏ក្តៅគគុកនេះ សម្តេចនាយករដ្ឋមន្រ្តីកម្ពុជា បានលើកឡើងថា កម្ពុជា មានការចាំបាច់ ដើម្បីបញ្ចេញនូវសកម្មភាពក្នុងក្របខណ្ឌអាស៊ានផង និងក្នុងក្របខណ្ឌជាកម្ពុជាខ្លួនឯងផង។ ក្នុងក្របខណ្ឌអាស៊ាន គឺកម្ពុជា កំពុងតែពិភាក្សាជាមួយសមាជិកអាស៊ានដទៃទៀត ដើម្បីនឹងចេញសេចក្តីថ្លែងការណ៍អំពាវនាវឱ្យមានការឈប់បាញ់ ព្រោះបើមិនមានការឈប់បាញ់ទេ ជីវិតមនុស្ស ទ្រព្យសម្បត្តិ នឹងត្រូវបន្តស្លាប់ និងបំផ្លិចបំផ្លាញ ហើយធ្វើឱ្យការចរចានោះមិនអាចឈានទៅមុខបាន។ ដូច្នេះ កម្ពុជា ត្រូវតែសម្តេច ដើម្បីនឹងធ្វើការអំពាវនាវឱ្យមានបទឈប់បាញ់មួយ ដែលនេះជាការចង់បានសម្រាប់ការចរចាមួយ ក្នុងការរកដំណោះស្រាយក្នុងនាមអាស៊ាន។

សម្តេចតេជោ ហ៊ុន សែន បានអះអាងថា ក្នុងនាមកម្ពុជា ប្រទេសជាច្រើននៅក្នុងពិភពលោក កំពុងតែថ្កោលទោសទៅលើការធ្វើសង្គ្រាមពីសំណាក់រុស្ស៊ីទៅកាន់អ៊ុយក្រែន។ សម្រាប់កម្ពុជា គឺកម្ពុជា ក៏ត្រូវគិតអំពីគោលជំហរឱ្យបានច្បាស់។ ដោយមានការស្នើសុំពីជប៉ុន បារាំង អាល្លឺម៉ង់ និងផ្នែករបស់សហរដ្ឋអាមេរិក ហើយដោយយល់ឃើញថា វាមានការចាំបាច់ កម្ពុជាបានសម្រេចធ្វើ co-sponsor ជាមួយនឹងប្រទេសដទៃទៀត ដើម្បីចូលរួមនៅក្នុងមហាសន្និបាតអង្គការសហប្រជាជាតិ ដែលនេះ គឺជាជំហរដោយឡែករបស់កម្ពុជា។

សម្តេចតេជោ មានប្រសាសន៍ថា ៖ «សង្ឃឹមថា មិត្តរុស្ស៊ីរបស់យើងនឹងយល់ ព្រោះអ្វីដែលបានធ្វើក្នុងរយៈពេលកន្លងទៅ គឺកម្ពុជាយើងផ្ទុយនឹងគោលការណ៍របស់កម្ពុជាយើងលើនយោបាយការបរទេស ក្នុងនោះ គឺយើងមិនគាំទ្រឱ្យមានការបំបែករដ្ឋ នេះជាចំណុចទី ១។ ឯចំណុចទី ២ គឺយើងមិនគាំទ្រទៅលើការប្រើប្រាស់កំលាំង និងការត្រៀមដើម្បីប្រើប្រាស់កំលាំង ឬគំរាមកំហែងនូវការប្រើប្រាស់កំលាំង ដូច្នេះពិតណាស់ថា រុស្ស៊ី នឹងមានការខឹងសម្បារចំពោះយើង ក៏ប៉ុន្តែយើងជារដ្ឋអធិបតេយ្យ យើងមានសិទ្ធិនឹងធ្វើសកម្មភាព ដើម្បីការពារសច្ចៈធម៌ ហើយយើងក៏ត្រូវមានការទទួលខុសត្រូវក្នុងឋានៈជាសមាជិកអង្គការសហប្រជាជាតិផងដែរ​»៕

ដោយ ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម