Connect with us

សន្តិសុខសង្គម

ចាប់ខ្លួនអ្នករត់ពន្ធម៉ូតូឆ្លងដែនខុសច្បាប់៥នាក់ នៅព្រំដែនកម្ពុជា-ថៃ​

បានផុស

នៅ

មុខសញ្ញា​រត់ពន្ធ​ម៉ូតូ​ឆ្លងដែន​ខុសច្បាប់​ចំនួន៥នាក់ ដែលជា​ជនជាតិ​ថៃ ត្រូវបាន​ឃាត់ខ្លួន​ក្បែរ​ខ្សែ​បន្ទាត់​ព្រំដែនកម្ពុជា-ថៃ ខណ​:​ដែល​ពួកគេ​កំពុង​ជិះ​ម៉ូតូ​ចំនួន៤គ្រឿង​មកកាន់​ព្រំដែន​កម្ពុជាដើម្បី​ប្រគល់អោយ​ឈ្មួញ និង​ទទួលយក​ប្រាក់កម្រៃ​ត្រឡប់​ទៅវិញ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរ​បញ្ជាក់ថា នៅវេលា​ម៉ោង៤និង៣០នាទី​ល្ងាច ថ្ងៃទី១១ ខែមករា ឆ្នាំ​២០២២ កម្លាំងយោធា​ថៃ កំពុង​ល្បាត​តាម​ខ្សែបន្ទាត់​ព្រំដែនក្នុងភូមិ​សាស្ត្រ ភូមិ​បាន​ស្រ​ង៉ែ ឃុំ​ទ័ព​ស្តេច ស្រុក​តា​ប្រាក់​យ៉ា ខេត្ត​ស្រះកែវ ក៏បាន​ប្រទះឃើញ​មាន​មនុស្ស​៤​នាក់កំពុង​ជិះ​ម៉ូតូ​៤​គ្រឿង តាម​បណ្តោយ​ផ្លូវ​លេខ៣៣០៨ ហើយ​បាន​បត់​ចុះ​តាម​វាលស្រែ ក្នុងទិសដៅ​ឆ្ពោះទៅកាន់​ខ្សែបន្ទាត់​ព្រំដែន​កម្ពុជា ត្រង់​ចន្លោះ​បង្គោល​ព្រំដែន​លេខ ០៨-០៩ មាន​ចម្ងាយ​ពី​ផ្លូវ​សិរី​ភិន ប្រមាណ៤០០ម៉ែត្រ ។​

ឃើញបែបនេះ កម្លាំងយោធា​ថៃ​បាន​ស្កាត់​ឃាត់​ដើម្បី​សាកសួរ ដោយ​នៅពេល​នោះដែរក៏មាន​មនុស្ស​ម្នា​ក់នៅ​ឈរ​ចាំមើល​ស្ថានការណ៍​ត្រង់ចំណុច​ខាងលើ​ ទើប​សមត្ថកិច្ច​ឃាត់​មនុ​ស្សបាន​៥​នាក់ និង​ម៉ូតូ​ចំនួន​៤​គ្រឿង​។​

ក្រោយពី​បាន​សាកសួរ ជនជាតិ​ថៃ​ទាំង​៥​នាក់បាន​សារភាពថា ពួកខ្លួន​គឺ​ស៊ីឈ្នួល​អោយ​ជនជាតិខ្មែរ​ម្នាក់​ឈ្មោះ​ ភាព ដោយ​គ្រាន់តែ​បើក​ម៉ូតូ​ពី​ចុង​ភូមិស្រ​ង៉ែ ទៅដល់​ព្រំដែន ទទួលបាន​កម្រៃ​ក្នុង​១​គ្រឿង២០០បាត ដោយឡែក​ពេល​យក​ឆ្លង​ព្រំដែន ឈ្មួញ​ខ្មែរ​គេ​ទាក់ទង​តាម​ព្រំដែន​ត្រូវ​អស់ហើយ​។​

បច្ចុប្បន្ន​ជនជាតិ​ថៃ​ទាំង​៥​នាក់ និង​ម៉ូតូ​៤​គ្រឿង ត្រូវបាន​បញ្ជូន​ទៅកាន់​អធិការដ្ឋានតម្រួត​ស្រុក​តា​ប្រាក់​យ៉ា​ហើយ ដើម្បី​សាកសួរ​បន្ត​។ ដោយឡែក​សម្រាប់​ភាគី​កម្ពុជា ក៏​ទំនងជា​មានការ​ត្រូវដង ត្រូវ​ផ្លែ​គ្នា​យ៉ាង​រលូន​ផងដែរ ទើប​ម៉ូតូ​ទាំងនេះ​អាច​ឆ្លង​ចូលមក​បាន ដូច្នេះ​គួរតែ​ថ្នាក់ដឹកនាំ​ពិនិត្យ​អោយ​មែន​ទែ​នទៅលើ​កម្លាំង​ដែល​ឈរជើង​តាម​ច្រករបៀង ដែល​ពួកគេ​អាច​ទទួលបាន​លាភ​សក្ការ​: និង​សើម​មាត់​រាល់ថ្ងៃ៕

អត្ថបទ៖ សោ និយម​រ័ត្ន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ វិនាទី មុន

រដ្ឋមន្រ្តីការបរទេសបង់ក្លាដែស កោតសរសើរពីចំនួនពលរដ្ឋដ៏ច្រើនបានចេញទៅបោះឆ្នោត ឃុំ-សង្កាត់

ព័ត៌មានជាតិ១១ នាទី មុន

ក្រសួងអប់រំប្រកាសទទួលស្គាល់សញ្ញាបត្របាក់​ឌុបសាលាអន្តរជាតិ អាយ ស៊ី អេស មានតម្លៃដូចសញ្ញាបត្រក្រសួងដែរ

ព័ត៌មានជាតិ១ ម៉ោង មុន

រដ្ឋមន្ត្រីការបរទេសបង់ក្លាដែស ចុះពិនិត្យផ្លូវមួយខ្សែ ដែលដាក់ឈ្មោះបិតាជាតិរបស់ខ្លួន

ព័ត៌មានជាតិ២ ម៉ោង មុន

រាជរដ្ឋាភិបាលបន្តដាក់ចេញវិធានការបន្ថែម សម្រាប់បន្តគ្រប់គ្រង និងគាំទ្រការងើបឡើងវិញ នៃវិស័យទេសចរណ៍

ព័ត៌មានជាតិ៣ ម៉ោង មុន

គណបក្ស​ប្រជាជនកម្ពុជា​បើកសន្និបាត​គណៈកម្មា​ធិការកណ្តាល​ពិនិត្យ​ការងារ​កន្លងមក​ និងលើក​ទិសដៅបន្ត

Sokha Hotels

ព័ត៌មានពេញនិយម