Connect with us

សន្តិសុខសង្គម

ប្រទះឃើញ​សាកសព​បុរស​ជន​ជាតិ​ចិន​ម្នាក់​ស្លាប់​សង្ស័យ​ធ្លាក់​ពីលើអគារ​ជាន់ទី ១៣

បានផុស

នៅ

សាកសពបុរសជនជាតិចិនម្នាក់​គេប្រទះឃើញដេកស្លាប់ផ្កាប់មុខ​ដោយមានស្នាមរបួស​នៅលើរាង​កាយ។​ករណីនេះគេសង្ស័យថា ជនរងគ្រោះអាចធ្លាក់ពីលើអគារសណ្ឋាគារស៊ីយ៉ាធូហូថែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចមូលដ្ឋានបានឲ្យដឹងថា ករណីប្រទះឃើញមនុស្សស្លាប់នេះ បានកើតមានឡើងនៅម៉ោង​ប្រមាណ៨ព្រឹក ថ្ងៃទី២៥ ខែមេសា ឆ្នាំ២០២២។ ទីតាំងកើតហេតុនេះស្ថិតនៅសណ្ឋាគារ ស៊ីយ៉ាធូ (ក្រោយសណ្ឋាគារប៉ារីសចាស់) ក្រុមទី៣ ភូមិ៣ សង្កាត់លេខ២ ក្រុង-ខេត្តព្រះសីហនុ។ សពជនរងគ្រោះមាន ឈ្មោះ GUI YUNFANG មិនទាន់ដឹងអាយុប៉ុន្មាន។

សមត្ថកិច្ចបានឲ្យដឹងថា នៅកន្លែងកើតហេតុគេឃើញសពជនរងគ្រោះ ដេកស្លាប់ផ្កាប់មុខនៅលើបន្ទះក្តា និងកៅស៊ូតង់ សពស្លៀកខោជើងវែង និងពាក់អាវយឺត បើពិនិត្យមើលជាក់ស្តែងនៅលើដៃទាំង២ មានស្នាមអារ​ដាច់សាច់ឆ្នូតៗជាច្រើនកន្លែង។ សមត្ថកិច្ចបានឲ្យដឹងទៀតថា តាមការសន្និដ្ឋានបឋម ជនរងគ្រោះ​អាចធ្លាក់ពីលើអគារសណ្ឋាគារ ស៊ីយ៉ាធូ ជាន់ទី ១៣ បន្ទប់លេខ ១៣១១ បណ្តាលឱ្យ​ស្លាប់នៅ​នឹង​កន្លែង​កើតហេតុ។

ទោះបីជាយ៉ាងណាករណីនេះក្រុមសមត្ថកិច្ចជំនាញ នឹងធ្វើការស្រាវជ្រាវដើម្បីរកមូលហេតុពិតជាបន្តទៀត។

សាកសពជនរងគ្រោះសមត្ថកិច្ចបានដឹកយកទៅរក្សាទុកនៅសាលរក្សាសពនៅមន្ទីពេទ្យបង្អែកខេត្តព្រះសីហនុដើម្បីពិនិត្យនិងស្រាវជ្រាវបន្ថែមទៀត៕

អត្ថបទ៖ ស៊ុយ ចាន់ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម