Connect with us

សន្តិសុខសង្គម

ក្រុមប្រឹក្សាជាតិដើម្បីកុមារ ស្នើតុលាការចាត់វិធានការ ជនប្រើហិង្សាលើកុមារី កេង ស្រីកា

បានផុស

នៅ

គណៈកម្មការការពារកុមារថ្នាក់ជាតិ នៃក្រុមប្រឹក្សាជាតិកម្ពុជាដើម្បីកុមារ (ក.ជ.ក) នៅថ្ងៃទី ២៤ ខែឧសភានេះ បានចេញសេចក្តីថ្លែងការណ៍ ថ្កោលទោសដាច់អហង្កា មិនអាចទទួលយកបានដាច់ខាត់ចំពោះការប្រព្រឹត្តិអំពើហិង្សាដោយចេតនាយ៉ាង ឃោរឃៅ ព្រៃផ្សៃ អមនុស្សធម៌ ដែលបង្កឡើងដោយឈ្មោះ ចាន់ ធីតា ភេទស្រី អាយុ៣៧ឆ្នាំ ស្នាក់នៅផ្ទះជួល លេខ១៣ ផ្លូវ២១៩ ក្រុម២២ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ ទៅលើកុមារីឈ្មោះ កេង ស្រីកា អាយុ ៥ឆ្នាំ ជាកុមារបម្រើតាមផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ ក្រុមប្រឹក្សាជាតិកម្ពុជាដើម្បីកុមារ ស្នើតុលាការចាត់វិធានការផ្លូវច្បាប់ឱ្យបានតឹងរឹងចំពោះជនប្រើហិង្សាក្មេងស្រី កេង ស្រីកា ផងដែរ។

គណៈកម្មការការពារកុមារថ្នាក់ជាតិ នៃក្រុមប្រឹក្សាជាតិកម្ពុជាដើម្បីកុមារ បានលើកឡើងក្នុងសេចក្តីថ្លែងការណ៍ថា យើងមានក្តីរន្ធត់តក់ស្លុត ដោយបានសម្ដែងនូវក្តីអាណិតអាសូរក្រៃលែងចំពោះកុមារីដ៏កំសត់នេះ ដែលទទួលរងគ្រោះដោយអំពើ ហិង្សាយ៉ាងព្រៃផ្សៃ អមនុស្សធម៌ ហើយយល់ឃើញថា អំពើនេះបានរំលោភបំពានយ៉ាងធ្ងន់ធ្ងរទៅលើសិទ្ធិកុមារ ជាពិសេស សិទ្ធិទទួលបាននូវកិច្ចការពារ ដែលប្រទេសកម្ពុជាបានផ្តល់សច្ចាប័ន និងមានចែងក្នុងរដ្ឋធម្មនុញ្ញនៃព្រះរាជាណាចក្រកម្ពុជាកន្លងមក។

ពាក់ព័ន្ធនឹងអំពើហិង្សា អមនុស្សធម៌នេះ គណៈកម្មការការពារកុមារថ្នាក់ជាតិ នៃក្រុមប្រឹក្សាជាតិកម្ពុជាដើម្បីកុមារ ដែល ជាស្ថាប័នសម្របសម្រួលលើការងារសិទ្ធិកុមារ បានអំពាវនាវ និងទទូចដល់សមត្ថកិច្ច អាជ្ញាធរគ្រប់លំដាប់ថ្នាក់ ជាពិសេស ស្ថាប័នតុលាការ សូមចាត់វិធានការតាមនីតិវិធីច្បាប់ ដែលមានជាធរមាន និងដាក់ទោសយ៉ាងតឹងរឹង បំផុតចំពោះជនសង្ស័យនេះ ដើម្បីកុំឱ្យអំពើដ៏អាក្រក់នេះកើតមានក្នុងសង្គមជាតិយើងបន្តទៀត។

សូមបញ្ជាក់ថា ស្ត្រីឈ្មោះ ចាន់ ធីតា ដែលជាជនសង្ស័យបានយកក្មេងស្រីឈ្មោះ កេង ស្រីកា អាយុ៥ឆ្នាំ ឱ្យមកបម្រើការនៅផ្ទះ និងជួយមើលថែកូនខ្លួនអាយុ ២ឆ្នាំ ហើយនៅវេលាយប់ថ្ងៃទី២៣ ខែឧសភា ឆ្នាំ២០២២ ក៏មានករណីប្រព្រឹត្តិអំពើហិង្សាលើក្មេងស្រី កេង ស្រីកា នេះកើតឡើង។ ដោយសារការប្រព្រឹត្តអំពើទារុណកម្មដែលធ្វើឲ្យក្មេងស្រី កេង ស្រីកា មិនអាចទ្រាំទ្របាន ទើបកុមារីជាជនរងគ្រោះបានសម្រេចចិត្តរត់ចេញក្រៅផ្ទះ ដើម្បីឱ្យញាតិជិតខាងជួយ ដែលករណីនេះត្រូវបានរាយការណ៍ដល់សមត្ថកិច្ចខណ្ឌទួលគោក។ ខណៈនេះជនសង្ស័យត្រូវបានឃាត់ខ្លួន ដើម្បីបន្តនីតិវិធីតាមផ្លូវច្បាប់។

គណៈកម្មការការពារកុមារថ្នាក់ជាតិ នៃក្រុមប្រឹក្សាជាតិកម្ពុជាដើម្បីកុមារ បានសម្ដែងការកោតសរសើរ និងថ្លែងអំណរគុណចំពោះសមត្ថកិច្ច គ្រប់លំដាប់ថ្នាក់ចំពោះចំណាត់ការតាមផ្លូវច្បាប់ និងទាន់ពេលវេលាលើករណីនេះ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៧ ម៉ោង មុន

ភ្លៀង​មួយ​មេ​ធំ​លាយឡំ​និង​ខ្យល់​រន្ទះបាញ់​ដើម​អាកាស្យា​បណ្ដាល​ឲ្យ​សិស្ស​០៦​នាក់​ដួល​សន្លប់

ព័ត៌មានជាតិ៧ ម៉ោង មុន

ឧបនាយករដ្ឋមន្ត្រី ប្រាក់ សុខុន ប្រាប់​ពី​សមិទ្ធិផល​ធំៗ​ចំនួន​៤ ដែល​ក្រុមការងារ​ការទូត​សេដ្ឋកិច្ច​សម្រេចបាន

ព័ត៌មានជាតិ៧ ម៉ោង មុន

ឧបនាយករដ្ឋមន្ត្រី ប្រាក់ សុខុន កោត សរសើរ​ទំនាក់ទំនង​កម្ពុជា​-​ទួ​ក​គី

សន្តិសុខសង្គម៨ ម៉ោង មុន

ដឹក​ដី​ចាក់​លំនៅឋាន ដោយ​គ្រាប់​ផ្លោង​មក​ជា​មួយ ៩ គ្រាប់

សន្តិសុខសង្គម៩ ម៉ោង មុន

ចាប់ខ្លួន​ជំនួយការ​ឧកញ៉ា​ម្នាក់ បញ្ជូន​ទៅ​តុលាការ​ពាក់​ព័ន្ធ​នឹង​លុយ​ជាង​២១​ម៉ឺន​ដុល្លារ

Sokha Hotels

ព័ត៌មានពេញនិយម