Connect with us

សន្តិសុខសង្គម

សមត្ថកិច្ចទម្លាយរឿងពិតលម្អិតអំពីអតីតស្វាមីសម្លាប់ប្រពន្ធចោលកូនតូចឱ្យកំព្រា

បានផុស

នៅ

ភ្នំពេញ៖ ករណីឃាតកម្មអតីតប្តីបាញ់សម្លាប់ប្រពន្ធ កាលពីវេលាម៉ោង១៤:១៥នាទីរសៀល ថ្ងៃទី១០ ខែមិថុនា នៅក្នុងផ្ទះលេខ១៤០៣A ផ្លូវជាតិលេខ២ ភូមិទួលរកាសង្កាត់ចាក់អង្រែក្រោមខណ្ឌមានជ័យ រាជធានីភ្នំពេញ ត្រូវបានសមត្ថកិច្ចបញ្ជាក់ប្រាប់ថា កើតឡើងពីការប្រចណ្ឌរបស់ប្តីដែលខឹងនិងអតីតភរិយាបានទាក់ទង​ស្នេហាជាមួយបុរសជនជាតិចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ត្រី ស៊ូ សារុំ នាយនគរបាលប៉ុស្តិ៍ចាក់អង្រែក្រោមបានឲ្យដឹងថា ករណីឃាតកម្មនេះ គឺបង្កឡើងដោយ​អតីតប្តីឈ្មោះ ជា អូន អាយុ ២៥ឆ្នាំមុខរបរនៅផ្ទះនឹងមានទីលំនៅផ្ទះលេខ៤១៧ ភូមិរោងចក្រសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ដោយឡែក ជនរងគ្រោះជាភរិយាឈ្មោះ នូ សុខនីតា ហៅ ស៊ីវ អេង អាយុ ២២ឆ្នាំ ស្នាក់នៅផ្ទះកើតហេតុខាងលើ និងមានស្រុកកំណើតនៅភូមិរលាំងគ្រើល ឃុំត្រពាំងសាប ស្រុកបាទីខេត្តតាកែវ។

លោកនាយប៉ុស្តិ៍បានឲ្យដឹងថា មុនពេលកើតហេតុជនសង្ស័យ ជា អូន បានជិះម៉ូតូសេ ១២៥ ពណ៌ខ្មៅ ពាក់ស្លាកលេខ កណ្តាល ១D ៥០២២ មកផ្ទះអតីតប្រពន្ធ។ ពេលមកដល់ជនសង្ស័យបានហៅប្រពន្ធចូលបន្ទប់ ហើយសុំជានាគ្នាវិញ ប៉ុន្តែប្រពន្ធមិនព្រមសោះ ជាហេតុធ្វើជនសង្ស័យខឹងក៏ដកកាំភ្លើងខ្លីពីចង្កេះអាម៉េបញ្ចូលគ្រាប់រួចបាញ់ចំជញ្ជាំង១គ្រាប់ និង១គ្រាប់បាញ់សំដៅក្បាលប្រពន្ធបណ្តាលឲ្យស្លាប់ភ្លាមៗ ឯរូបគេ ក៏បានបាញ់ក្បាលខ្លួនឯងតែគ្រាប់មិនផ្ទុះ ទើបក្រុមគ្រួសារស្ត្រីរងគ្រោះ ចូលទៅចាប់រួចរាយការណ៍ជូនសមត្ថកិច្ចឲ្យមកនាំខ្លួនជនសង្ស័យចាត់ការតាមផ្លូវច្បាប់។

សមត្ថកិច្ច បានឲ្យដឹងទៀតថា ប្តីប្រពន្ធមួយគូនេះ បាននាំគ្នាមកសាលាសង្កាត់ចាក់អង្រែក្រោមដើម្បីឲ្យមន្ត្រីអាជ្ញាធរ​ជួយដឹង​ឮពីការសុំលែងលះ​គ្នាចាប់ពីពេលដែលពួកគេ នៅសាលាសង្កាត់ កាលពីពាក់កណ្តាលខែ មីនាឆ្នាំ២០២២។ ក្រោយលែងលះគ្នារួច អតីតប្តីហាក់មិនទាន់ដាច់ចិត្ត គឺចេះតែព្យាយាមសុំសម្របសម្រួលប៉ុន្តែប្រពន្ធមិនព្រម។

បើតាមសមត្ថកិច្ច កាំភ្លើងខ្លីដែលជនសង្ស័យយកទៅបាញ់សម្លាប់អតីតប្រពន្ធនោះ គឺបានទិញពីជនមិន​ស្គាល់មុខ(តាមរយៈហ្វេសប៊ុក)ក្នុងតម្លៃ៦៥០ដុល្លារ។ រីឯជនសង្ស័យពុំមែនជាកម្លាំងសមត្ថកិច្ចឡើយ។

នៅចំពោះមុខសមត្ថកិច្ចជនសង្ស័យបានបញ្ជាក់ថា រូបគេមិនឲ្យប្រពន្ធខ្លួនបានទៅលើអ្នកណាឡើយ។ បើពុំនោះគឺមាន​តែស្លាប់រៀងៗខ្លួន។ ចំណែកសពជនរងគ្រោះត្រូវបានដឹកយកទៅស្រុកកំណើតខាងឪពុកឈ្មោះ នូ ផុន ស្ថិតនៅ​ភូមិរលាំងគ្រើលឃុំត្រពាំងសាប ស្រុកបាទីខេត្តតាកែវ នារសៀលថ្ងៃកើតហេតុ ដើម្បីធ្វើបុណ្យតាមប្រពៃណី៕ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៧ ម៉ោង មុន

នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត

ព័ត៌មានជាតិ១៩ ម៉ោង មុន

ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក

សន្តិសុខសង្គម១៣ ម៉ោង មុន

អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប

ជីវិតកម្សាន្ដ១៨ ម៉ោង មុន

គេរិះគន់បំផ្លាញវប្បធម៌ ឯម រៀម ឆ្លើយតបថា អ្នកដៀលប្រមាថខ្លះ រកតែកងជើងអប្សរាម្ខាងដាក់តាំងផ្ទះគ្មាន

ព័ត៌មានជាតិ២១ ម៉ោង មុន

ទំនប់​ស្ទាក់ទឹក​​ស្អាត​ដ៏​ធំមួយ​​​លើ​ភ្នំ​បូកគោ បញ្ចប់​សាងសង់​នៅ​ ២ ខែ​ទៀត ​អាច​ផ្ទុក​ទឹក​បាន ១ លាន​​ម៉ែត្រ​គីប​

Sokha Hotels

ព័ត៌មានពេញនិយម