Connect with us

សន្តិសុខសង្គម

ឡោមព័ទ្ធចាប់មុខសញ្ញាប្លន់យ៉ាងសកម្ម និងអ្នកទទួលផលចោរកម្ម រកឃើញម៉ូតូពាក់ព័ន្ធ៥គ្រឿង

បានផុស

នៅ

មុខសញ្ញាប្លន់ និងលូចដ៏សកម្មម្នាក់នៅក្នុងទឹកដីស្រុកក្រគរ ខេត្តពោធិ៍សាត់ ត្រូវបាននគរបាលត្រៀមចាំមួយយប់ពេញ​ទើបឈានទៅធ្វើការចាប់ខ្លួនបានក្រោយពីធ្វើសកម្មភាពលួច​និងប្លន់ទ្រព្យសម្បត្តិប្រជាពលរដ្ឋជា​បន្តបន្ទាប់ដ៏កក្រើកនៅក្នុងទឹកដីស្រុកក្រគរ រូចហើយបន្តទៅឆែកឆេរ និងឃាត់ខ្លួនមុខសញ្ញាម្នាក់ទៀតដែលបានទទួលផលចោរកម្មដកហូតម៉ូតូជាច្រើនគ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះសមត្ថកិច្ចអធិការដ្ឋាននគរស្រុកក្រគរ បានឡោមព័ទ្ធត្រៀមនៅផ្ទះជនមុខសញ្ញាចាប់ពីក្បាលព្រលប់ថ្ងៃទី០៩ រយៈពេលមួយយប់ រហូតដល់ព្រឹកព្រលឹមថ្ងៃទី១០ ខែកក្កដា ឆ្នាំ២០២២ ស្ថិតក្នុងភូមិផ្សារ ឃុំអន្លង់ត្នោត ស្រុកក្រគរ ខេត្តពោធិ៍សាត់ទើបឃាត់ខ្លួនបាន។

បើតាមលោក សារឿន សារ៉ាវុធ អធិការនគរបាលស្រុកក្រគរ បានប្រាប់ឱ្យដឹងថា មុខសញ្ញាសង្ស័យនោះមានឈ្មោះ ប៉ិល សុភ័ណ្ឌ ភេទប្រុស អាយុ៤១ឆ្នាំ រស់នៅក្នុងភូមិផ្សារ ឃុំអន្លង់ត្នោត ស្រុកក្រគរ ខេត្តពោធិ៍សាត់។

លោកអធិការបានបន្តថា ជនសង្ស័យរូបនេះជាមុខសញ្ញាប្លន់និងលូចផងទៅតាមកាលៈទេសៈ ដោយសមត្ថកិច្ចផ្នែកខាងជំនាញបានតាមប្រមាញ់យូមកហើយ ប៉ុន្តែគ្មានភស្តុតាងគ្រប់គ្រាន់ ដើម្បីដាក់បន្ទុកទៅលើជនសង្ស័យនេះ ប៉ុន្តែថ្មីៗនេះមុនពេលចាប់ខ្លួន ជនសង្ស័យបានធ្វើសកម្មភាពលួចនិងប្លន់ម៉ូតូជាបន្តបន្ទាប់ចំនួន០៣គ្រឿង នៅក្នុងនោះរួមមានម៉ូតូម៉ាកស្កុបពីមួយគ្រឿង ម៉ូតូម៉ាកវ៉េវមួយគ្រឿងនិងម៉ូតូ dream មួយគ្រឿងដែលធ្វើសកម្មភាពនេះស្ថិតនៅ៣ទីតាំងផ្សេងៗគ្នា ដោយប្រើត្រឹមរយៈពេលតែមួយយប់ប៉ុណ្ណោះ ហើយក៏មានពាក្យបណ្ដឹងពីជនរងគ្រោះទើបខាងសមត្ថកិច្ចឈានដល់ព័ទ្ធចាប់បានជនសង្ស័យនៅនឹងផ្ទះបញ្ជូនអធិការដ្ឋាន។

លោកអធិការបានបញ្ជាក់បន្ថែមថា បន្ទាប់មកសមត្ថកិច្ចបាននាំខ្លួនជនសង្ស័យទៅចង្អុលបង្ហាញទីតាំងជនដែលបានទទួលផលចោរកម្មនៅជិតរង្វង់មូលផ្ទិល ក្នុងសង្កាត់ព្រៃញី ក្រុងពោធិ៍សាត់ និងដោយមានការសហការជាមួយកម្លាំងនគរបាលក្រុងពោធិ៍សាត់ ជាមួយកម្លាំងនៃស្នងការដ្ឋាននគរបាលខេត្តពោធិ៍សាត់។ ដែលដឹកនាំដោយលោកឧត្តមសេនីយ៍ត្រី ម៉ូ លីដា ស្នងការរងទទួលផែនព្រហ្មទណ្ឌ បានឆែកឆេរនិងដកហូតម៉ូតូចំនួន០៥គ្រឿងក្នុងនោះរួមមាន ម៉ូតូសណ្ដោងរ៉ឺម៉កមួយគ្រឿងផងដែរ និងធ្វើការឃាត់ខ្លួនអ្នកទទួលផលចោរកម្មម្នាក់ឈ្មោះ ឡាយ រដ្ឋា ភេទប្រុស អាយុ៣៤ឆ្នាំ រស់នៅភូមិសាលាគំរូ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់។ រូចហើយបញ្ជូនមកអធិការដ្ឋាននគរបាលស្រុកក្រគរដើម្បីសួរចម្លើយបន្ថែម ដើម្បីកសាងសំណុំរឿងបញ្ជូនបន្តទៅសាលាដំបូងខេត្តចាត់ការតាមផ្លូវច្បាប់៕

អត្ថបទ៖ លាន គ្រន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម