Connect with us

សន្តិសុខសង្គម

ចាប់ខ្លួន​ស្ដ្រីម្នាក់​បង្កើតគណនី​ហ្វេសប៊ុករៀបគម្រោង​បោកលុយ​អ្នកលក់​អនឡាញ

បានផុស

នៅ

ករណីឆបោកប្រាក់ដោយក្លែងបន្លំគណីហ្វេសប៊ុកនៅចំណតរថយន្ត ផ្លូវ ៣៦៩ ភូមិដើមចាន់ សង្កាត់ច្បារអំពៅ២ខណ្ឌច្បារអំពៅ រាជធានីភ្នំពេញ កាលពីថ្ងៃទី ទី១៨ ខែកក្កដា ត្រូវបានសមត្ថកិច្ចបំបែកបានហើយឈានទៅចាប់ខ្លួនស្ត្រីម្នាក់។

ស្ត្រីជនរងគ្រោះឈ្មោះ ឡឹប អាមីណាស់ អាយុ ៣០ឆ្នាំ ជនជាតិ ខ្មែរឥស្លាម មុខរបរលក់ដូរ ស្នាក់នៅភូមិទួលងោគ ឃុំកំពង់ លួង ស្រុកពញាឮ ខេត្តកណ្តាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកឯ​ស្ត្រីជនសង្ស័យឈ្មោះ សៅ សុខេង អាយុ ១៨ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះលេខ៤២ ផ្លូវ ៣៦៩ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ។

មុនពេលកើតហេតុជនសង្ស័យ ២នាក់ ឈ្មោះ សៅ សុខេង និងឈ្មោះ ស្រីដាប្រើ Account Facebook ក្លែងក្លាយឈ្មោះ Ah Julia ឆាតចូល Page Account Facebook ជនរងគ្រោះ ឈ្មោះ Tati Online New ប្រើល្បិចកម៉្មង់ទិញខោអាវ តម្លៃ ១៥៨ ០០០រៀល។

បន្តិចក្រោយមកពួកជនសង្ស័យក៏ឆាតប្រាប់ ជនរងគ្រោះថា បានផ្ញើប្រាក់ចំនួន ១៥៨,០០០រៀល ចូលគណនីវីងជនរងគ្រោះរួចហើយ រួចជនរងគ្រោះក៏ឆាតប្រាប់ថា អត់ឃើញផ្ញើប្រាក់ចូលទេ ពួកជនសង្ស័យឆ្លើយថា ឈប់ទិញខោអាវ ហើយផ្ញើប្រាក់ចំនួន ១៥៨ ០០០រៀល មកឲ្យវិញ បើមិនឲ្យទេនឹងបង្ហោះក្នុងបណ្តាញសង្គមហ្វេសប៊ុកឱ្យខ្មាស់គេ។

ពេលនោះជនរងគ្រោះមានការសង្ស័យជាករណីឆបោកប្រាក់ ក៏ឆាតទៅពួកជនសង្ស័យធ្វើជាសុំលេខទូរសព្ទដៃទាក់ទង ដើម្បីយកប្រាក់ទៅប្រគល់ឲ្យពួកជនសង្ស័យ និងណាត់ជួបគ្នានៅចំណចរថយន្តផ្សារច្បារអំពៅ ផ្លូវ ៣៦៩ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ។

លុះដល់ម៉ោង ២ រសៀលថ្ងៃដដែលជនរងគ្រោះឃាត់ខ្លួនបានជនសង្ស័យម្នាក់ឈ្មោះ សៅ សុខេង សួរនាំដឹងរឿងហេតុខាងលើ ក៏នាំជនសង្ស័យឈ្មោះ សៅ សុខេង រួមនិងវត្ថុតាងទូរស័ព្ទដៃ ០១គ្រឿង យកមកប្រគល់ឲ្យសមត្ថកិច្ចប៉ុស្តិ៍ច្បារអំពៅ២ ធ្វើការសាកសួរ៕

អត្ថបទ៖ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម