Connect with us

សន្តិសុខសង្គម

ទឹកជំនន់នៅប៉ែកខាងកើតខេត្តបន្ទាយមានជ័យស្រកចុះបន្តិច តែសមត្ថកិច្ចនៅតែបន្តជម្លៀសប្រជាពលរដ្ឋទៅទីទួលសុវត្ថិភាព

បានផុស

នៅ

លោក អ៊ំ រាត្រី អភិបាលខេត្តបន្ទាយមានជ័យ នៅព្រឹកថ្ងៃទី ២៧ ខែកញ្ញានេះបានដឹកនាំកម្លាំងចម្រុះចុះពិនិត្យស្ថានភាពទឹកជំនន់ពីស្ទឹងស្រែង និងស្ទឹងក្រឡាញ់នៅប៉ែកខាងកើត ស្រុកព្រះនេត្រព្រះ និងភ្នំស្រុក បានពិនិនិត្យឃើញថា ទឹកចាប់ផ្តើមស្រកចុះបន្តិចវិញហើយ ប៉ុន្តែប្រជាពលរដ្ឋកម្លាំងចម្រុះនៅបន្តជម្លៀសទៅទីទួលសុវត្ថិភាពផលប៉ះពាល់ទូទៅបាន​កើនឡើងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លុច ផ មេឃុំទឹកជោរ ប្រាប់អ្នកយកព័ត៍មានឲ្យដឹងថា ថ្ងៃទី២៧ ខែកញ្ញា ឆ្នាំ២០២២ ស្ថានភាពទឹកជំនន់ពីស្ទឹងខាងលើបានស្រកបន្តិចវិញហើយ ប៉ុន្តែនៅមានបញ្ហាប៉ះពាល់៥ភូមិលើ១៨ភូមិ ភូមិទាំងនោះទឹកនៅមិន​ទាន់​ស្រកនៅឡើយ ជម្រៅទឹកនៅតាមផ្លូវនៅត្រឹមចង្កេះនិងភ្លៅមនុស្សចាស់ក្នុងនោះមាននៅក្នុងភូមិ ១ភូមិស្មាច់ ២ភូមិប៉ោយចារ ៣ភូមិ តាខែក ៤ភូមិ គោកកី ភូមិ៥ ទន្លាប់ ប្រជាជនទាំង៥ភូមិនេះធ្វើដំណើរ ដោយទឹកលិចម៉ូតូស្មើកែប នៅឡើយពួកគេជាប់គាំងក្នុងលំនៅឋាននិងភូមិដែលត្រាំទឹកចូលរយ:ពេលជិត១សប្តាហ៍ហើយ ត្បិតពិបាកចេញ ចូលពីភូមិមកផ្លូវជាតិ​លេខ៦ ទឹកបន្តលិចជ្រៅនៅម្ដុំពីផ្លូវជាតិលេខ៦អា ទៅភូមិឡោទេ និងផ្លូវ២ទៀតដែលធ្លាប់ធ្វើដំណើរចេញចូលក៏លិចខ្លាំងទៅមិនរួចផងដែរ។

ចំណែកលោកជូ បុត្រ អភិបាលស្រុកភ្នំស្រុកប្រាប់ឲ្យដឹងដែរថា ស្ថានភាពទឹកជំនន់នៅទូទាំងស្រុក ពិសេសនៅប៉ែកខាងកើតភូមិសាស្ត្រស្រុក បានស្រកចុះបន្តិចហើយ មកទល់ពេលនេះ ហើយការប៉ះពាល់លើគ្រួសារប្រជាពលរដ្ឋ និងផ្ទៃដីស្រែ ចម្ការ និងលើហេដ្ឋារចនាសម្ព័ន្ធសាធារណ: ឯកជនបានកើនឡើង។

ក្នុងនោះប៉ះពាល់លើ១០ភូមិ នៃ៤ឃុំ ពលរដ្ឋជាង២.០០០គ្រួសារ ពលរដ្ឋ១.៥០២គ្រួសារ មនុស្សរាយ៦.៥៨០គ្រួសារ ស្រី៣.៣១៩នាក់ ជម្លៀសទៅកាន់ទីទួលសុវត្ថិភាពចំនួន១៣៦គ្រួសារមនុស្សរាយ៣៣៤នាក់ស្រី១៦៨នាក់។

ប៉ះពាល់ដំណាំស្រូវ ១៣.៨៥៤ហិកតា ដំឡូងមី៤៩០ហិចតា មណ្ឌលសុខភាព១ សាលារៀន១៦សាលា វត្ត៥ ទឹកហូរកាត់ផ្លូវលើ៦២ខ្សែ ប្រវែង៤៧.៣៥៥ម៉ែត្រ។ ក្នុងឃុំស្ពានស្រែង ស្រះជីក ភ្នំដី ប៉ះពាល់ខ្លាំងជាងគេ។

ក្នុងនោះ លោកអ៊ុ រាត្រី និងជាប្រធានគណ:កម្មាធិការខេត្តគ្រប់គ្រងគ្រោះមហន្តរាយខេត្តបានដឹកនាំក្រុមការងារកងកម្លាំង អាជ្ញាធរ សួរសុខទុក្ខ និងផ្តល់ស្បៀងអាហារជូនបងប្អូនប្រជាពលរដ្ឋរងគ្រោះទឹកជំនន់នៅឃុំទឹកជោរ ស្រុកព្រះនេត្រព្រះ ខេត្តបន្ទាយមានជ័យ។

ក្នុងនោះលោកបាន សម្តែងការសោកស្តាយចំពោះការខូចខាតផលដំណាំ ទ្រព្យសម្បត្តិ របស់ពុកម៉ែបងប្អូន លោកបានធ្វើការផ្តាំផ្ញើរដល់ពុកម៉ែបងប្អូនថែរក្សាសុខភាព មានអ្វីកើតឡើងជាយថាហេតុសូមរាយការណ៍ជូនអាជ្ញាធរកងកម្លាំង។
លោកបានយកអំណោយទៅចែកបងប្អូនប្រជាពលរដ្ឋដែលរងគ្រោះដោយទឹកជំនន់ក្នុងឃុំទឹកជោរ ជួបការលំបាកខ្លាំងចំនួន៣០គ្រួសារ ដោយទទួលបានសម្ភារៈប្រើប្រាស់និងគ្រឿងឧបភោគបរិភោកមួយឃីត និងថវិកា ៦០.០០០ រៀល គ្រួសារ ភូមិថ្មី ២០គ្រួសារភូមិទឹកជោរ១០គ្រួសារ។

សូមបញ្ជាក់ថា ប៉ែកខាងកើតនៃស្រុកព្រះនេត្រព្រះនិងភ្នំស្រុកបានទទួលរងគ្រោះទឹកជំនន់ដែលធ្លាក់មកពីខេត្តឧត្តរមានជ័យ តាមស្ទឹងស្រែង និងស្ទឹងក្រឡាញ់ នោះគឺទឹកភ្លៀងដែលបង្កពីបាតុភូតវិសម្ពាធទាប និងឥទ្ធិពលនៃព្យុះមូសុងក្នុងតំបន់នោះទេ៕

អត្ថបទ៖ វ៉ាន់ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១២ នាទី មុន

លោក បៃដិន ចាំតែអង្គុយចរចាជាមួយ ពូទីន ប៉ុណ្ណោះ បើ រុស្ស៊ី ចង់បញ្ចប់​សង្គ្រាមនៅ អ៊ុយក្រែន

ព័ត៌មានជាតិ១៨ នាទី មុន

សម្ដេចតេជោ ស្នើរដ្ឋបាលមូលដ្ឋានអាស៊ានគាំទ្រដល់ «កិច្ចព្រមព្រៀងបៃតងអាស៊ាន» សំដៅចូលរួមកសាងទីក្រុងឆ្លាតអាស៊ាន

អាជីព២២ នាទី មុន

ស្ថាបនិកមីល្ពៅប្រកាសឈប់ផលិតមីល្ពៅ​ទាំងសោកស្ដាយ បន្ទាប់ពីដំណើរការ​ ៤ ឆ្នាំ​

ព័ត៌មានជាតិ២៣ នាទី មុន

ប្រធានវិញ្ញាសា​ប្រឡងទុតិយភូមិ រៀបចំដឹកជញ្ជូនទៅកាន់បណ្ដារាជធានី-ខេត្ត យ៉ាងហ្មត់ចត់

កីឡា២៧ នាទី មុន

ប្រមុខគុនល្បុក្កតោ ៖ «ជោគជ័យដ៏ធំធេងនេះ គឺជាការរួមគ្នាជាធ្លុងមួយ ក្នុងការតស៊ូមតិយ៉ាងយូរ មិនតិចជាង ១ ទសវត្សរ៍»

Sokha Hotels

ព័ត៌មានពេញនិយម