សន្តិសុខសង្គម
ជំងឺសរសៃប្រសាទរើឡើងវាយប្រពន្ធស្លាប់ក្នុងថ្លុកឈាម
ភ្នំពេញ ៖ ស្ត្រីចំណាស់ម្នាក់ កំពុងដេកនៅក្នុងបន្ទប់ជាន់ឡៅតឿ គ្រាដែលកូនចៅមិននៅផ្ទះ ស្រាប់តែប្តីដែលជាមនុស្សមានជំងឺសរសៃប្រសាទ ប្រដាប់ដោយដែកទីបឡើងទៅវាយ ផុងលលាដ៍រហូតដល់ស្លាប់ ហើយដើរចាកចេញពីផ្ទះគេចខ្លួនបាត់ លុះកូនចៅចូលដល់ក្នុងផ្ទះ ឃើញស្ងាត់ឡើងមើលក្នុងបន្ទប់ ឃើញម្តាយរបួសបែកផុងក្បាល ទើបឆោឡោ ផ្អើលអ្នកជិតខាង ហៅក្រុមសង្គ្រោះឲ្យជួយ ពិនិត្យជាក់ស្តែង ជនរងគ្រោះបានស្លាប់បាត់ទៅហើយ។

ហេតុការណ៍ភ្ញាក់ផ្អើលកាលពីវេលាម៉ោង៣និង៥០នាទីរសៀល ថ្ងៃទី២៧ ខែមករា ឆ្នាំ២០២៣ នៅផ្ទះល្វែង ផ្លូវបេតុងខាងក្រោយផ្សារជម្ពូវ័ន ស្ថិតក្នុងភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនសម្លាប់ប្រពន្ធខ្លួនឯង ឈ្មោះ សៀង សេត អាយុ៥៩ឆ្នាំ ជាមនុស្សសរសៃប្រសាទ ច្រើនឆ្នាំមកហើយ ធ្លាប់ព្យាបាលនៅមន្ទីរពេទ្យ និងប្រើប្រាស់ថ្នាំ ទើបតែអស់ថ្នាំ៣ថ្ងៃ មុនកើតហេតុនេះទេ។ ចំណែកស្ត្រីរងគ្រោះជាប្រពន្ធ មានឈ្មោះ លី សុភា អាយុ៥៤ឆ្នាំ ។ គ្រួសារខាងលើ មានកូន២នាក់ ប្រុស១នាក់ ស្រី១នាក់ និងចៅប្រុស១នាក់ រស់នៅផ្ទះកើតហេតុ គ្នា៦នាក់ ជាក្រុមគ្រួសារ។

តាមការបំភ្លឺពីកូនប្រុស បានឲ្យដឹងថា ឪពុករបស់ខ្លួន មានជំងឺប្រចាំកាយ ប្រព័ន្ធប្រសាទ ច្រើនឆ្នាំមកហើយ គាត់លេបថ្នាំប្រចាំថ្ងៃ តែ៣ថ្ងៃមកនេះ អស់ថ្នាំលេប ហើយអាការៈឃើញដូចធម្មតា មិនទាន់នាំទៅមន្ទីរពេទ្យរុស្ស៊ី-ផង ស្រាប់តែកើតរឿងបែបនេះតែម្តង គ្រាដែកកូនចៅមិននៅផ្ទះ។
បើតាមកូនស្រីរបស់ជនរងគ្រោះ បានឲ្យដឹងថា ក្រោយពីហូបបាយថ្ងៃត្រង់រួច កូនចៅនាំគ្នាជាប់រវល់ចេញទៅធ្វើការ ម្តាយនៅដេកសម្រាកក្នុងបន្ទប់ជាន់ឡៅតឿ លុះចូលមកដល់ផ្ទះ ឃើញស្ងាត់បាត់ឪពុក ម្តាយ ក៏ឡើងទៅតាមហៅរកនៅបន្ទប់ឡៅតឿ ស្រាប់តែប្រទះឃើញម្តាយ របួសបែកផុងលលាដ៍ក្បាលហូតឈាមជោគឥដ្ឋ ទើបដឹងថា ឪពុក គាត់ជាមនុស្សសរសៃប្រសាទ ជំងឺរើធ្វើទុក្ខ ទើបវាយម្តាយបែបនេះ ដោយមិនអស់ចិត្ត ហៅក្រុមសង្គ្រោះឲ្យជួយ តែពិនិត្យជាក់ស្តែង ម្តាយបានស្លាប់បាត់ទៅហើយ ។

បើតាមអ្នកភូមិវិញ បានឲ្យដឹងថា នៅវេលាម៉ោង១និង៣០នាទីរសៀលថ្ងៃទី២៧ ខែមករា ឆ្នាំ២០២៣នេះ គេឃើញបុរសជាប្តី ដើរចេញពីផ្ទះ មានកាន់ដែកទីបមួយកំណាត់ផង តែគ្មានអ្នកណាចាប់អារម្មណ៍ ព្រោះថាមួយរយៈនេះ គាត់មានអាការៈធម្មតា ទាល់តែកូនចៅចូលដល់ផ្ទះទើបដឹងរឿងបែបនេះ។

ករណីហិង្សា ប្តីវាយប្រពន្ធរហូតដល់ស្លាប់ខាងលើ ត្រូវបានសមត្ថកិច្ចមូលដ្ឋាន សមត្ថកិច្ចជំនាញ ចុះទៅពិនិត្យ កោសល្យវិច័យ ឃើញថាស្លាប់ដោយសារវត្ថុរឹង វាយសំពង របួសបែកផុងលលាដ៍ក្បាល រហូតប្រគល់សាកសពជូនក្រុមគ្រួសារ ចាត់ចែងរៀបចំធ្វើបុណ្យតាមប្រពៃណី ។ ចំណែកបុរសជាប្តីដើរគេចចាកចេញទៅបាត់ សមត្ថកិច្ចកំពុងតាមស្វែងរក និងអនុវត្តតាមនីតិវិធី ៕
ដោយ ៖ សុខា


-
ព័ត៌មានជាតិ៤ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ២៣ ម៉ោង ago
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ