នៅវេលាម៉ោង១១និង៤៨នាទី ថ្ងៃទី២០ ខែមីនា លោក ចាន់ បណ្ឌិត អភិបាលរងខណ្ឌទួលគោក បានចុះណែនាំអប់រំម្ចាស់ទីតាំងហាង បេប៊ី អោតឡេត បន្ទាប់ពីបំពានលើចិញ្ចើមផ្លូវ ចាក់បេតុងហ៊ុំដើមឈើសាធារណៈចំនួន៤ដើម។

បើតាមរដ្ឋបាលខណ្ឌទួលគោកបានឲ្យដឹងថា អាជ្ញាធរតម្រូវឲ្យម្ចាស់ហាងត្រូវរុះរើបេតុងនោះចេញវិញ និងរៀបចំឲ្យមានសោភ័ណ្ឌភាពល្អដូចដើម ព្រមទាំងធ្វើកំណត់ហេតុណែនាំ មិនអនុញ្ញាតឲ្យមានការធ្វើបែបនេះម្តងទៀតឡើយ ក្នុងករណីម្ចាស់ហាងមិនសហការណ៍ និងធ្វើឲ្យប៉ះពាល់ ឬងាប់ដើមឈើខាងលើនេះ នឹងត្រូវទទួលខុត្រូវចំពោះមុខច្បាប់។

សូមបញ្ចាក់ថា ហាងបេប៊ីអោតឡេត ស្ថិតនៅផ្លូវលេខ២៨៩ ក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ បានយកបេតុងចាក់ហ៊ុំដើមឈើសាធារណៈចំនួន៤ដើម ដែលធ្វើឲ្យមហាជន ក៏ដូចជាអ្នកលេងបណ្ដាញសង្គមបង្ហោះចែកចាយ និងរិះគន់ផងដែរ៕