សន្តិសុខសង្គម

គោ៨ក្បាលត្រូវរន្ទះបាញ់ងាប់នៅក្នុងស្រុកបរិបូណ៌

បានផុស

៣ years មុន

នៅ

ថ្ងៃសៅរ៍ ៨ មេសា ២០២៣

ដោយ

សត្វគោ៨ក្បាលរបស់ប្រជាពលរដ្ឋត្រូវបានរន្ទះបាញ់ងាប់នៅពាក់កណ្ដាលអាធ្រាត ស្ថិតនៅក្នុងភូមិកំពង់អួរ ឃុំឃុនរ៉ង់ ស្រុកបរិបូណ៌។ លោកមេភូមិកំពង់អួរបានប្រាប់តាមទូរស័ព្ទឱ្យដឹងថា នៅវេលាម៉ោង០១ និង០០នាទី រំលងអាធ្រាត្រឈានចូលថ្ងៃទី ០៨ ខែមេសា ឆ្នាំ២០២៣ មានភ្លៀងមួយមេយ៉ាងខ្លាំង លាយ ឡំ និងផ្គររន្ទះផង បានធ្វើឲ្យសត្វគោចំនួន ០៨ ក្បាលដេកក្នុងក្រោលត្រូវរន្ទះបាញ់ងាប់នៅ និងកន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកមេភូមិបានបញ្ជាក់ថា ហ្វូងគោ ដែលនៅក្នុងក្រោលទាំងអស់មានជា ង២០ក្បាល តែត្រូវរន្ទះបាញងាប់ចំនួន៨ក្បាល ក្រៅពីនោះពុំមានគ្រោះថ្នាក់អ្វីឡើយ។ លោកបញ្ជាក់ទៀតថា សត្វគោទាំង អស់នេះម្ចាស់នៅភូមិសេរី ឃុំខុនរ៉ង ដោយម្ចាស់បានធ្វើក្រោលឱ្យគោដេកនៅមុខវត្តកំពង់អួររាល់យប់ថ្ងៃដែលមានចម្ងាយពីផ្ទះម្ចាស់ប្រមាណជា២គីឡូម៉ែត្រ ដើម្បីជាការងាយស្រួលឃ្វាលផងដែរ។

ក្នុងហេតុការណ៍ខាងលើនេះ ម្ចាស់គោមានការសោកស្ដាយយ៉ាងខ្លាំង តែនេះវាជាគ្រោះធម្មជាតិដែលមិនអាចដឹងមុន ហើយការបាត់បង់សត្វគោ៨ក្បាលនេះ គឺជាខាតបង់មួយមានទំហំធំផងដែរសម្រាប់ប្រជាកសិករនៅស្រុកស្រែ។ ក្នុងនាមលោកជាអាជ្ញាធរមានតែការចូលរួមសោក ស្ដាយជាមួយនឹងម្ចាស់គោតែប៉ុណ្ណោះ។

លោកសូមអំពាវនាវដល់បងប្អូនប្រជាពលរដ្ឋយើងនៅក្នុងភូមិស្រុកតាមទីជនបទទាំងអស់ ត្រូវមានការប្រុងប្រយ័ត្នខ្ពស់ទាំងអស់គ្នាព្រោះរដូវវស្សាជិតចូលមកដល់ហើយ គ្រោះធម្មជាតិ ទាំងភ្លៀង ផ្គរ រន្ទះ ខ្យល់កន្រ្តាក់ពិតជាកើតមានដែលយើងត្រូវតែមានការប្រុងប្រយ័ត្នគ្រប់គ្នា៕

អត្ថបទ៖ ឈៀងថារិទ្ធ

Related Topics:រន្ទះបាញ់