សន្តិសុខសង្គម
ឆេះវិឡាកំពុងសាងសង់មួយកន្លែង យ៉ាងសន្ធោសន្ធៅ នៅខណ្ឌពោធិ៍សែនជ័យ
អគ្គិភ័យបានឆាបឆេះវិឡាដ៏ស្កឹមស្កៃមួយកន្លែង ដែលកំពុងសាងសង់ របស់ថៅកែក្រុមហ៊ុនចាស្មីន ហុយផ្សែងខ្មួលខ្មៅពេញអាកាស បង្កឲ្យភ្ញាក់ផ្អើល ហើយត្រូវកម្លាំងសមត្ថកិច្ចយករថយន្តពន្លត់អគ្គិភ័យជាច្រើនគ្រឿងចេញទៅជួយអន្តរាគមន៍ជាបន្តបន្ទាប់។
ហេតុការណ៍ខាងលើកើតឡើងកាលពីវេលាម៉ោង ៩ និង ២០ នាទីព្រឹក ថ្ងៃទី ២៤ ខែឧសភា ឆ្នាំ ២០២៣ ស្ថិតតាមផ្លូវបេតុង ភូមិកាកាប សង្កាត់កាកាបទី ២ ខណ្ឌពោធិ៍សែនជ័យ រាជធានីភ្នំពេញ។
សំណង់ភូមិគ្រឹះដ៏ស្កឹមស្កៃខាងលើកំពុងតែសាងសង់ ជារបស់ថៅកែក្រុមហ៊ុន Jasmine (JM) លក់ ផ្គត់ផ្គង់គ្រឿងសំណង់។
បើតាមប្រភពពីកម្មករបម្រើការងារនៅសំណង់ខាងលើបានឲ្យដឹងថា នៅជាន់ផ្នែកខាងលើ មានក្រុមជាងកំពុងផ្សារដែក ខណៈកំពុងធ្វើការងារ ស្រាប់តែទុស្សេចរន្តភ្លើង បង្កជាអគ្គិភ័យឆាបឆេះសម្ភារៈ ក្នុងអគារ ហុយផ្សែងខ្មួលខ្មៅពេញអាកាស។ ភ្លាមៗ ត្រូវបានកម្មករយកបំពង់ពន្លត់អគ្គិភ័យទៅបាញ់ តែមិនឈ្នះ ភ្លើងឆេះកាន់តែខ្លាំង ត្រូវបានកម្លាំងសមត្ថកិច្ចហៅរថយន្តពន្លត់អគ្គិភ័យចំនួន ១០ គ្រឿង មកពីអង្គភាព ៧១១ កងពលតូចលេខ ៧០ ចំនួន ២ គ្រឿង ,រថយន្តរបស់ស្នងការក្រុងភ្នំពេញ ចំនួន ៧ គ្រឿង, រថយន្តស្រាបៀរកម្ពុជាចំនួន ១ គ្រឿង បាញ់ទឹកពន្លត់ភ្លើងឲ្យរលត់ទៅវិញ។
គ្រោះអគ្គិភ័យខាងលើបណ្ដាលឲ្យខូចខាតគ្រឿងបំពាក់សម្ភារៈក្នុងភូមិគ្រឹះអស់មួយចំនួន៕
អត្ថបទ ៖ សុខា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ