អាជ្ញាធរដកបង្គោលភ្លើងដាំជ្រែងទប់នៅលើចិញ្ចើមផ្លូវលេខ ១៩៦២

អាជ្ញាធរសង្កាត់ក្រាំងធ្នង់ ខណ្ឌសែនសុខ នៅថ្ងៃទី នៅថ្ងៃទី ៣១ ខែសីហា បានដក បង្គោលភ្លើងដែលដាំជ្រែងទប់នៅចិញ្ចើមផ្លូវលេខ១៩៦២ ស្ថិតនៅខាងលិចវត្តក្រាំងធ្នង់ ភូមិត្រត្រពាំងជើងស្រុក សង្កាត់ក្រាំងធ្នង់ ខណ្ឌសែនសុខ ដើម្បីបញ្ចៀសគ្រោះថ្នាក់ដែលអាចកើត​ឡើងជាយ​ថាហេតុ។

​រដ្ឋបាលសង្កាត់ក្រាំងធ្នង់បានឱ្យដឹងថា បង្គោលភ្លើងមួយ​ដើមដែលដាំជ្រែងទប់​បង្គោលភ្លើង​នៅ​លើចិញ្ចើមផ្លូវលេខ ១៩៦២ ដើមឡើយដាំនៅលើចិញ្ចើមផ្លូវដី ប៉ុន្តែថ្មីៗនេះផ្លូវ​លេខ១៩៦២ ត្រូវបាន​ពង្រីកដោយចាក់បេតុងទំហំរហូត​១៤ម៉ែត្រ ហើយផ្លូវនេះចាប់ពីវត្តក្រាំង​ធ្នង់សំដៅទៅវត្តជុំទទួល​ម៉ៅកា​ដោយក្រុមហ៊ុនមួយផ្សេងទៀត ហើយក្រុមហ៊ុនមិនបានជូនដំណឹង​ពីផលប៉ះពាល់នឹងបង្គោល​ភ្លើងនេះមកអាជ្ញាធរសង្កាត់ ក្រាំងធ្នង់ឡើយ។

តាមការសាកសួរក្រោយ​ពីបានទទួលបានដំណឹង​ស្តីពីផលប៉ះពាល់ពីប្រជាពលរដ្ឋ ក្រុមហ៊ុនគាត់បានឆ្លើយថា​បានជូនដំណឹង ២ ទៅ ៣ ដង មកអាជ្ញាធរសង្កាត់ដែរ តែមិនសង្កាត់ក្រាំងធ្នង់ទេ គឺសង្កាត់​គោករកា ករណីជូនដំណឹងខុសសង្កាត់របស់ក្រុមហ៊ុនម៉ៅនេះទើបសង្កាត់ក្រាំងធ្នង់ មិនបានជ្រាបពីផល​ប៉ះពាល់ តែករណីនេះអាជ្ញាធរសង្កាត់ក្រាំងធ្នង់ និងសាលាខណ្ឌសែនសុខ បានសហការណ៍ចុះពិនិត្យដល់ទីតាំង និងបានរាយការណ៍ទៅខាងអគ្គីសនី នឹងចុះដក កាត់បង្គោល​ភ្លើង​ដែលជាផលប៉ះពាល់នេះចេញ ដើម្បីសុវត្ថិភាពប្រជាពលរដ្ឋអ្នកធ្វើដំណើរ៕