ឃាតកម្មអារ ក ស្ដ្រីម្នាក់ នៅសង្កាត់ចោមចៅ​សមត្ថកិច្ច​មិនទាន់បំបែកសំណុំរឿង

អស់រយៈពេលជិត ៣ ខែមកហើយ ពាក់ព័ន្ធករណីអំពើឃាតកម្មដែលជនដៃដល់ចូលទៅអារ.ក ស្ដ្រីម្នាក់ នៅសង្កាត់ចោមចៅ ​សមត្ថកិច្ចនៅមិនទាន់អាចបំបែកសំណុំរឿងបាននៅឡើយ។

ករណីឃាតកម្មខាងលើបានកើតឡើង ​កាលពីវេលាម៉ោង១១ និង២៥ នាទីព្រឹកថ្ងៃទី ០៥ ​ខែតុលា ឆ្នាំ២០២៣ នៅផ្ទះ​ជនរងគ្រោះ ក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ​ប្រព្រឹត្តដោយជនសង្ស័យមិនស្គាល់អត្តសញ្ញាណ​យកកាំបិត​ចុងស្រួចអារ.កស្ត្រីរងគ្រោះស្លាប់ក្នុងថ្លុកឈាមប្លន់យកទូរស័ព្ទម៉ាក OPPOមួយគ្រឿង​ហើយគេចខ្លួន​បាត់ដោយសុវត្តិភាព។

​ស្ត្រីជនរងគ្រោះ ឈ្មោះ ឈឹម ស្រីមុំ អាយុ៤០ឆ្នាំ មុខរបរលក់ដូរ ស្នាក់នៅផ្ទះកើតហេតុក្នុងភូមិទួល​ពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។

រហូតមកដល់ពេលនេះអស់រយៈពេលជិត៣ខែទៅហើយសមត្ថកិច្ចមិនទាន់បំបែកសំណុំរឿងនេះបាននៅឡើយទេ។

ពលរដ្ឋរងចាំមើលថាតើ អធិការនគរបាលខណ្ឌពោធិ៍សែនជ័យ និងកម្លាំងសមត្ថកិច្ចពាក់ព័ន្ធ អាចបំបែកសំណុំរឿងនេះបានដែររឺយ៉ាងណា ដើម្បីរកយុត្តិធម៌ជូនគ្រួសាររងគ្រោះ៕

អត្ថបទ៖ សុខា