សន្តិសុខសង្គម
ស្នងការរាជធានី បង្កើតក្រុមការងារស្រាវជ្រាវត្រួតពិនិត្យបង្ក្រាបល្បែងស៊ីសងខុសច្បាប់ និងក្លិបកម្សាន្ដដែលផ្ដល់ទីតាំងប្រើប្រាស់គ្រឿងញៀន
លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនៃស្នងការដ្ឋាននគរបាលរាជធានីភ្នំពេញ កាលពីថ្ងៃទី១៥ ខែកុម្ភៈ ឆ្នាំ២០២៤ បានសម្រេចបង្កើតក្រុមការងារចុះត្រួតពិនិត្យស្រាវជ្រាវបង្ក្រាបល្បែងស៊ីសងខុសច្បាប់គ្រប់ប្រភេទ និងក្លិបកម្សាន្ដដែលផ្ដល់ទីតាំងប្រើប្រាស់សារធាតុញៀន។ នេះបើតាមការឲ្យដឹងពីលោកវរសេនីយ៍ឯក សំ វិច្ឆិកា អ្នកនាំពាក្យស្នងការដ្ឋាននគរបាលរាជធានីភ្នំពេញកាលពីល្ងាចថ្ងៃទី១៥កុម្ភៈ។
![](https://www.kampucheathmey.com/wp-content/uploads/2024/02/photo_2024-02-16_08-19-31-1024x682.jpg)
ការបង្កើតក្រុមការងារចុះស្រាវជ្រាវត្រួតពិនិត្យបង្ក្រាបល្បែងស៊ីសងខុសច្បាប់ និងក្លិបកម្សាន្ដដែលផ្ដល់ទីតាំងប្រើប្រាស់សារធាតុញៀននេះ បានធ្វើឡើងនៅក្នុងកិច្ចប្រជុំផ្សព្វផ្សាយផែនការដាក់ជូនលោកស្នងការរង នាយការិយាល័យពាក់ព័ន្ធ និងលោកអធិការខណ្ឌទាំង១៤ ដើម្បីចុះអនុវត្តឲ្យមានប្រសិទ្ធិភាព ក្រោមការណែនាំរបស់ប្រមុខរាជរដ្ឋាភិបាល។
![](https://www.kampucheathmey.com/wp-content/uploads/2024/02/photo_2024-02-16_08-19-20-1024x682.jpg)
នៅក្នុងកិច្ចប្រជុំលោកឧត្ដមសេនីយ៍ឯក ជួន ណារិន្ទ បានបញ្ជាឲ្យលោកស្នងការរង នាយការិយាល័យ និងលោកអធិការខណ្ឌទាំង១៤ ត្រូវបង្ក្រាបល្បែងផ្សងសំណាងដែលគ្មានច្បាប់អនុញ្ញាត ល្បែងផ្សងសំណាងហួសសុពលភាពអាជ្ញាបណ្ណ និងល្បែងផ្សងសំណាងស្របច្បាប់តែធ្វើអាជីវកម្មខុសទីតាំងអាជ្ញាបណ្ណ និងបង្កើតក្រុមការងារចុះត្រួតពិនិត្យស្រាវជ្រាវបង្ក្រាបល្បែងស៊ីសងខុសច្បាប់ និងក្លិបកម្សាន្ដដែលលួចផ្ដល់ទីតាំងប្រើប្រាស់សារធាតុញៀនផងដែរ។
![](https://www.kampucheathmey.com/wp-content/uploads/2024/02/photo_2024-02-14_18-53-17-1-1024x682.jpg)
សូមរំលឹកថា កាលពីថ្ងៃទី១៤ ខែកុម្ភៈ ឆ្នាំ២០២៤ លោក ឃួង ស្រេង អភិបាលនៃគណអភិបាលរាជធានីភ្នំពេញ បានបើកកិច្ចប្រជុំបន្ទាន់មួយជាមួយអភិបាលខណ្ឌទាំង១៤ និងប្រធានផ្សារទាំង២៥ ដោយមិនអនុញ្ញាតឲ្យមានល្បែងស៊ីសងខុសច្បាប់គ្រប់ប្រភេទ មាននៅក្នុងមូលដ្ឋានរបស់ខ្លួនឡើយ។
![](https://www.kampucheathmey.com/wp-content/uploads/2024/02/photo_2024-02-14_18-53-15-2-1-1024x682.jpg)
បើតាមលោក ឃួង ស្រេង ចំពោះអាជីវកម្មឆ្នោតផ្សងសំណាងចំនួន១០ក្រុមហ៊ុន ក្នុងនោះក្រុមហ៊ុនឆ្នោតផ្សងសំណាងចំនួន៦ ស្មើនឹងជាង៦០ទីតាំង ដែលហួសសុពលភាព គឺមិនអនុញ្ញាតឲ្យបន្តបើកអាជីវកម្មទៀតទេ។ ប៉ុន្តែបើក្រុមហ៊ុនទាំងនោះ នៅតែបន្តអាជីវកម្មរបស់ខ្លួន អាជ្ញាធររាជធានីភ្នំពេញនឹងធ្វើការបង្ក្រាបជាបន្ទាន់ ព្រោះជាទីតាំងដែលខុសច្បាប់ ហើយចំពោះទីតាំងថ្មីគឺមិនអនុញ្ញាតឲ្យមានទៀតទេ៕
អត្ថបទ៖ សុខុម
![](https://www.kampucheathmey.com/wp-content/uploads/2024/02/photo_2024-02-14_18-53-18-1-1024x682.jpg)
![](https://www.kampucheathmey.com/wp-content/uploads/2024/02/photo_2024-02-14_18-53-12-2-1-1024x682.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ២ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម២ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានជាតិ៣ ថ្ងៃ ago
សម្ដេច ហ៊ុន សែន អះអាងច្បាស់ៗថា គ្មានទេកិច្ចព្រមព្រៀងកាត់ដីឱ្យទៅវៀតណាម