សន្តិសុខសង្គម
ស្នងការរាជធានី បញ្ចេញកម្លាំងល្បាតដើម្បីពង្រឹងសន្តិសុខ និងបង្ក្រាបក្មេងទំនើង
លោកឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនៃស្នងការដ្ឋាននគរបាលរាជធានីភ្នំពេញ នាយប់ថ្ងៃទី២៣ ខែឧសភា ឆ្នាំ២០២៤ បានបញ្ជាឲ្យកម្លាំងអន្តរាគមន៍ពិសេស នៃស្នងការដ្ឋាននគរបាលរាជធានីភ្នំពេញ ដឹកនាំដោយលោកឧត្តមសេនីយ៍ទោ តឹង សុធី ស្នងការរង ចាប់ផ្តើមចេញល្បាតត្រួតពិនិត្យពង្រឹងការងារសន្តិសុខ នៅគ្រប់គោលដៅមានហានិភ័យកើតបទល្មើស ដើម្បីបង្ការ និងបង្រ្កាបក្មេងទំនើង។ ការបញ្ចេញកម្លាំងអន្តរាគមន៍ដើម្បីពង្រឹងសន្តិសុខ និងបង្ក្រាបក្មេងទំនើងនេះ គឺធ្វើឡើងបន្ទាប់ពីសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បញ្ជាឱ្យអភិបាលរាជធានីខេត្ត និងកម្លាំងមានសមត្ថកិច្ចទាំងអស់ ត្រូវចាត់វិធានការដោយគ្មានការលើកលែងចំពោះក្រុមក្មេងទំនើង ដែលកំពុងបង្កអសន្តិសុខនៅក្នុងសង្គមយ៉ាងអណាធិបតេយ្យ។
![](https://www.kampucheathmey.com/wp-content/uploads/2024/05/444480644_998657274954385_3904856263502383555_n-1024x768.jpg)
ជាមួយគ្នានេះ នៅយប់ថ្ងៃទី២៣ឧសភានេះដែរ កម្លាំងនគរបាលខណ្ឌចំនួន៨ រួមមានខណ្ឌទួលគោក ខណ្ឌសែនសុខ ខណ្ឌមានជ័យ ខណ្ឌ៧មករា ខណ្ឌជ្រោយចង្វារ ខណ្ឌចំការមន ខណ្ឌដូនពេញ និងខណ្ឌបឹងកេងកង បានសហការពីកម្លាំងនាយកដ្ឋាននគរបាលព្រហ្មនៃអគ្គស្នងការដ្ឋាននគរបាលជាតិ បានចេញល្បាត ត្រួតពិនិត្យគោលដៅនានាដើម្បីឆែករកអាវុធ ដាវ កាំបិត បើសិនឃើញមានលាក់ទុក នឹងត្រូវឃាត់ខ្លួនយកមកសួរនាំ។
សូមជម្រាបថា កាលពីថ្ងៃទី២៣ ខែឧសភា ឆ្នាំ២០២៤ ក្នុងពិធីប្រកាសដាក់ឱ្យអនុវត្តផែនទីបង្ហាញផ្លូវឆ្ពោះទៅការគ្របដណ្តប់សុខភាពជាសកលនៅកម្ពុជា ឆ្នាំ២០២៤- ២០៣៥ សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាទៅអភិបាលនៃគណៈអភិបាលរាជធានី-ខេត្តទាំងអស់ ជាមួយនឹងសមត្ថកិច្ចពាក់ព័ន្ធ ត្រូវតែរឹតបន្ដឹង និងចាត់វិធានការឱ្យម៉ឺងម៉ាត់បំផុតចំពោះក្រុមក្មេងទំនើង ជាពិសេសក្រុមដាវសាំម៉ូរ៉ៃ។
![](https://www.kampucheathmey.com/wp-content/uploads/2024/05/442399833_998619141624865_1480615755177557362_n-1024x768.jpg)
ការចេញបទបញ្ជាយ៉ាងម៉ឺងម៉ាត់នេះ គឺធ្វើឡើងស្របពេលដែលសម្ដេចកត់សម្គាល់ឃើញថា ក្នុងរយៈពេលប៉ុន្មានថ្ងៃនេះ មានករណីកាប់គ្នាបានកើតឡើងជាបន្តបន្ទាប់ ដែលបានបង្កឱ្យមានរបួសស្នាម បំផ្លាញទ្រព្យសម្បត្តិ និងធ្វើឱ្យមានការភិតភ័យដល់ប្រជាពលរដ្ឋ។ សម្ដេចធិបតី បានបញ្ជាឱ្យអាជ្ញាធរមានសមត្ថកិច្ចទាំងអស់ ត្រូវធ្វើឱ្យបានម៉ឺងម៉ាត់ចំពោះក្មេងទំនើង ទាំងវិធានការរដ្ឋបាលក្នុងការបង្ការទប់ស្កាត់ ទាំងវិធានការអនុវត្តច្បាប់ ដោយគ្មានការបន្ធូរបន្ថយ និងគ្មានការលើកលែង ដើម្បីការពារសណ្ដាប់ធ្នាប់សាធារណៈ សន្តិសុខសង្គម៕
![](https://www.kampucheathmey.com/wp-content/uploads/2024/05/445002809_998657374954375_5653612614365874425_n-1024x768.jpg)
![](https://www.kampucheathmey.com/wp-content/uploads/2024/05/444486348_998657461621033_7466709819250355220_n-1024x768.jpg)
![](https://www.kampucheathmey.com/wp-content/uploads/2024/05/444481094_998657568287689_8840873492637960303_n-1024x768.jpg)
![](https://www.kampucheathmey.com/wp-content/uploads/2024/05/444467226_998657644954348_8099917788860870329_n-1024x768.jpg)
![](https://www.kampucheathmey.com/wp-content/uploads/2024/05/442399197_998657284954384_597896948771676695_n-1024x768.jpg)
![](https://www.kampucheathmey.com/wp-content/uploads/2024/05/444944842_998619031624876_4313075278579232485_n-1024x584.jpg)
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ១២ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ