Connect with us

សន្តិសុខសង្គម

រយៈពេល៣ថ្ងៃ ស្នងការរាជធានីបង្ក្រាបក្រុមក្មេងទំនើងជិត៣០នាក់ និងកសាងសំណុំរឿងបញ្ជូនទៅតុលាការ

បានផុស

នៅ

ក្នុងរយៈពេល៣ថ្ងៃនៃប្រតិបត្តិការបង្ក្រាបក្រុមក្មេងទំនើងប្រមូលផ្ដុំគ្នានៅពេលយប់ កម្លាំងស្នងការដ្ឋាននគរបាលរាជធានីភ្នំពេញ សហការជាមួយកម្លាំងនាយកដ្ឋាននគរបាលព្រហ្មទណ្ឌនៃអគ្គស្នងការដ្ឋាននគរបាលជាតិ បានបង្ក្រាប​ និងឃាត់ខ្លួនក្រុមក្មេងទំនើងសរុបចំនួន២៩នាក់ រួមទាំងវត្ថុតាងមួយចំនួន និងបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីអនុវត្តនីតិវិធីច្បាប់។ នេះបើតាមការបញ្ជាក់របស់លោកវរសេនីយ៍ឯក សំ វិច្ឆិកា អ្នកនាំពាក្យស្នងការដ្ឋាននគរបាលរាជធានីភ្នំពេញ ប្រាប់ កម្ពុជាថ្មី កាលពីរសៀលថ្ងៃទី២៦ឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក សំ វិច្ឆិកា បានបញ្ជាក់ថា ក្នុងរយៈពេល៣ថ្ងៃចាប់ពីថ្ងៃទី២៣ ដល់ថ្ងៃទី២៥ ខែឧសភា ឆ្នាំ២០២៤ កម្លាំងស្នងការដ្ឋាននគរបាលរាជធានីភ្នំពេញ សហការជាមួយកម្លាំងនាយកដ្ឋាននគរបាលព្រហ្មទណ្ឌអគ្គស្នងការនគរបាលជាតិ និងកម្លាំងគណបញ្ជាការឯកភាពខណ្ឌ បានចុះធ្វើរដ្ឋបាលត្រួតពិនិត្យលើមុខសញ្ញាក្រុមក្មេងទំនើងប្រមូលផ្ដុំគ្នានៅពេលយប់ដែលមានលាក់ទុកដាវ កាំបិត ខណៈខណ្ឌមានជ័យបង្ក្រាបបានពីរករណីដោយក្រុមក្មេងទាំងនោះបានកាន់កាំបិតផ្គាក់ និងកាំបិតប៉័ងតោដែលមានបំណងបង្ករបួសស្នាមដល់គូទំនាស់ដែលធ្លាប់វាយប្រហារពួកគេ។

អ្នកនាំពាក្យស្នងការរាជធានីភ្នំពេញ បញ្ជាក់ថា ក្នុងរយៈពេល៣ថ្ងៃនៃប្រតិបត្តិការបង្ក្រាបក្រុមក្មេងទំនើងនេះ​សង្កេតឃើញថា ភាពប្រមូលផ្ដុំ និងការដើរលេងនៅពេលរបស់ក្រុមក្មេងទំនើងមានការថយចុះ និងស្ងប់ស្ងាត់ ខណៈដែលកម្លាំងនៅតែបន្តអនុវត្តបន្ថែមទៀត និងដាក់ចេញវិធានការមួយចំនួនទៀតផងដែរ។

លោកវរសេនីយ៍ឯក សំ វិច្ឆិកា បន្ថែមថា ក្រៅពីចុះត្រួតពិនិត្យក្រុមក្មេងទំនើងនៅពេលយប់ កម្លាំងជំនាញក៏បានចុះត្រួតពិនិត្យកន្លែងលក់ដូរដាវសាំម៉ូរ៉ៃ កន្លែងកែច្នៃលក់ដូរអាវុធខុសច្បាប់ និងសហការជាមួយនាយកសាលាមួយចំនួនដើម្បីធ្វើរដ្ឋបាលត្រួតពិនិត្យលើមុខសញ្ញាដែលសង្ស័យជាក្រុមក្មេងទំនើងពីការលាក់ទុកអាវុធដូចជាកាំបិត ឬដាវកែច្នៃជាដើម។ លោកបន្ថែមថា កម្លាំងនឹងបន្តការប្រើប្រាស់នូវវិធានការជំនាញ និងវិធានការអនុវត្តច្បាប់តឹងរ៉ឹង មោះម៉ុតដើម្បីអនុវត្តលើក្រុមក្មេងទំនើងដែលបង្កការអុកឡុកធ្វើឲ្យប៉ះពាល់ដល់សន្តិសុខសណ្ដាប់ធ្នាប់សាធារណៈ និងធ្វើឲ្យពលរដ្ឋមានការភ័យខ្លាច៕

អត្ថបទ៖ សុខុម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ៧ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ៨ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម១០ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ១១ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១៤ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១៨ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ២០ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ១៥ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម