សន្តិសុខសង្គម
ឆេះរថយន្តមួយគ្រឿង ខណៈម្ចាស់រវល់ដងដង្កូវទឹកយកឲ្យត្រីស៊ី
បុរសម្នាក់ បើករថយន្តមួយគ្រឿង ម៉ាកហុងដា CRV ឈប់ចតនៅលើមាត់ប្រឡាយ រួចដើរទៅដួសដង្កូវទឹក ដើម្បីទុកឲ្យត្រីស៊ី លុះមួយសន្ទុះក្រោយមក ក៏ក្រឡេកមើលរថយន្ត ស្រាប់តែមានភ្លើងឆេះផ្នែកខាងមុខយ៉ាងសន្ធោសន្ធៅ ទើបស្រែកឆោឡោ បង្កការភ្ញាក់ផ្អើលដល់ប្រជាពលរដ្ឋនាំគ្នាយកបំពង់ពន្លត់អគ្គិភ័យបាញ់ និងដងទឹកជះពន្លត់ទើបរលត់ទៅវិញ។
ហេតុការណ៍នេះបានកើតឡើងកាលពីវេលាម៉ោងជាង ៦ ព្រឹក ថ្ងៃទី ១២ ខែកក្កដា ឆ្នាំ ២០២៤ នេះ ស្ថិតនៅតាមប្រឡាយអមផ្លូវរថភ្លើង ភូមិព្រៃសាលា សង្កាត់កាកាបទី ២ ខណ្ឌពោធិ៍សែនជ័យ រាជធានីភ្នំពេញ។
តាមសម្ដីម្ចាស់រថយន្ត បានឲ្យដឹងថា រថយន្តរបស់គាត់ម៉ាកហុងដា CRV ពណ៌ទឹកប្រាក់ ពាក់ស្លាកលេខភ្នំពេញ 2N-1708 រងការខូចខាត ១ កំណាត់មុខ ទាំងស្រុង ហើយការឆាបឆេះនោះ សង្ស័យបណ្ដាលមកពីឆ្លងចរន្តភ្លើង ប្លុកម៉ាស៊ីនរថយន្ត។
ដោយឡែកបើតាមប្រភពពីកន្លែងកើតហេតុ បានឲ្យដឹងថា នៅមុនពេលកើតហេតុ បុរសខាងលើ បានបើករថយន្តឈប់ចតនៅមាត់ប្រឡាយ បន្ទាប់មកគាត់ចុះពីរថយន្ត ហើយដើរដួសដង្កូវទឹក ដើម្បីយកទៅឲ្យត្រីស៊ីនៅឯផ្ទះ។ លុះមួយសន្ទុះក្រោយមក ស្រាប់តែរថយន្តមានអណ្ដាតភ្លើងឆេះនៅផ្នែកខាងមុខយ៉ាងសន្ធោសន្ធៅបាត់ទៅហើយ ទើបគាត់ស្រែកឆោឡោ បង្កការភ្ញាក់ផ្អើល។
ប្រភពដដែល បានឲ្យដឹងបន្តទៀតថា ពេលនោះប្រជាពលរដ្ឋបាននាំគ្នាជួយយកបំពង់ពន្លត់អគ្គិភ័យទៅបាញ់ពន្លត់អស់ ១ បំពង់ និងដងទឹកប្រឡាយជះ ទើបរលត់ទៅវិញ។ ក្រោយពេលកើតហេតុម្ចាស់រថយន្ត បានហៅរថយន្តផ្សេងទៀត ទៅអូសយករថយន្តខ្លួនដែលរងការខូចខាត ដើម្បីជួសជុលឡើងវិញដោយខ្លួនឯង៕
អត្ថបទ ៖ សំណាង
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ