សន្តិសុខសង្គម

បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ

បានផុស

២ years មុន

នៅ

ថ្ងៃអាទិត្យ ២៥ សីហា ២០២៤

ដោយ

បុរសម្នាក់ កាន់កាំបិតដេញកាប់គេពេញផ្លូវ រួចដើរចូលផ្ទះលក់ចាប់ហួយមួយកន្លែង ត្រូវម្ចាស់ផ្ទះដកកាំភ្លើងខ្លីបាញ់ជើងខាងឆ្វេងចំនួន ០១ គ្រាប់ បញ្ជូនទៅមន្ទីរពេទ្យសង្គ្រោះភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ផ្ទុះអាវុធបង្កការភ្ញាក់ផ្អើលខាងលើនេះបានកើតឡើង កាលពីវេលាម៉ោង ៨ និង ៣០ នាទី ព្រឹកថ្ងៃទី ២៥ ខែសីហា ឆ្នាំ ២០២៤ ស្ថិតតាមបណ្ដោយផ្លូវបេតុង ៥១ ប៊េតេ ភូមិសន្សំកុសល សង្កាត់បឹងទំពុនទី ១ ខណ្ឌមានជ័យ រាជធានីភ្នំពេញ។

បើតាមប្រភពព័ត៌មាននៅកន្លែងកើតហេតុបានប្រាប់ឲ្យដឹងថា មុនកើតហេតុគេឃើញបុរសដែលសង្ស័យប្រើថ្នាំលើសកម្រិតកាន់កាំបិតស្រែកឡូឡា ដេញកាប់អ្នកភូមិផ្អើលពេញផ្លូវ ប៉ុន្តែមិនមាននរណាហ៊ានចូលឃាត់នោះឡើយ។ លុះមួយសន្ទុះក្រោយមក បុរសខាងលើ ក៏ដើរចូលក្នុងផ្ទះលក់ចាប់ហួយមួយកន្លែង ដោយពាក់ម៉ាស់បិទមុខជិត ហើយទាញយកកាំបិតកាប់លើរបស់របររបស់ម្ចាស់ផ្ទះ ជាហេតុធ្វើឲ្យបុរសជាមន្ត្រីនគរបាលម្នាក់ ដកកាំភ្លើងបាញ់ ចំនួន ០២ គ្រាប់ ឡើងលើមេឃ ដើម្បីបំភ័យ ដោយសារតែបុរសកាន់កាំបិតមិនខ្លាច ទើបរូបគាត់ប្រើសិទ្ធការពារក្រុមគ្រួសាររបស់គាត់ដែលកំពុងនៅក្នុងផ្ទះ។ ក្នុងនោះ មន្ត្រីនគរបាលខាងលើ ក៏បានបាញ់សំដៅទៅជើងខាងឆ្វេងចំនួន ០១ គ្រាប់ទៀត បណ្ដាលឲ្យបុរសកាន់កាំបិតរូបនោះ រងរបួសធ្ងន់ ដើរលែងរួច ហើយលូនត្រលប់ទៅផ្ទះវិញ មួយសន្ទុះក្រោយមក ក្រុមគ្រួសារបានយករថយន្តដឹកបញ្ជូនទៅកាន់មន្ទីរពេទ្យភ្លាមៗ។

តាមការបង្ហើបប្រាប់ពីសមត្ថកិច្ចបានឲ្យដឹងថា បុរសម្នាក់ដែលបានប្រើកាំភ្លើងបាញ់នោះ គឺជាមន្ត្រីនគរបាលព្រហ្មទណ្ឌក្រសួងមហាផ្ទៃ។

ក្រោយកើតហេតុ បុរសជាមន្ត្រីនគរបាល បានចូលខ្លួនទៅកាន់ប៉ុស្តិ៍នគរបាលបឹងទំពុនទី ១ ដើម្បីធ្វើការសាកសួរតាមនីតិវិធី៕

អត្ថបទ ៖ រដ្ឋា

Related Topics:ខណ្ឌមានជ័យ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា