សន្តិសុខសង្គម
ក្មេងទំនើង ១ ក្រុម ដេញវាយយុវជន ៦ នាក់ បណ្ដាលឲ្យរបួសធ្ងន់ ២ នាក់
យុវជន ១ ក្រុម មានគ្នា ៦ នាក់ ជិះម៉ូតូដើរលេងពេលរាត្រី ត្រូវក្រុមក្មេងទំនើង ១ ក្រុម ប្រដាប់ដោយកាំបិតផ្គាក់ មួកសុវត្ថិភាព ដុំថ្ម ដេញវាយកាប់ បណ្ដាលឲ្យរងរបួស ២ នាក់។
ហេតុការណ៍នេះបានកើតឡើងកាលពីវេលាម៉ោង ១១ និង ៥០ នាទី ថ្ងៃទី ៣ ខែមករា ឆ្នាំ ២០២៥ នៅចំណុចក្បែរស្ថានីយប្រេងតូតាល់ ផ្លូវឌួងងៀប កែងផ្លូវ ២០០៤ ស្ថិតក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ។
តាមប្រភពពីក្រុមយុវជនរងគ្រោះ បានរៀបរាប់ថា ពួកគេមានគ្នា ៦ នាក់ ជិះម៉ូតូ ២ គ្រឿង ចេញពីម្តុំផ្លូវវេងស្រេង (ចោមចៅ) ខណៈជិតមកដល់ចំណុចកើតហេតុស្រាប់តែមានក្រុមក្មេងទំនើងជាច្រើននាក់ ជិះម៉ូតូ ៤ គ្រឿង ស្រែកឲ្យឈប់ៗ។ ពេលនោះ ដោយពួកគេភ័យខ្លាច ជិះបណ្ដើរ ក៏ដួលម៉ូតូនៅចំណុចស្ថានីយប្រេងតូតាល់ ឌួងងៀប ភ្លាមៗ ក្រុមក្មេងទំនើងនោះ ក៏ស្ទុះរត់សំដៅយកមួកសុវត្ថិភាពដេញវាយមួយប្រាវ រួចក្រុមក្មេងទំនើងក៏ចេញទៅវិញ។
ប្រភពដដែលបន្តថា ក្រោយមកក៏ឃើញក្រុមក្មេងទំនើងដដែលមកវិញម្តងទៀត ប្រដាប់ដោយ កាំបិតផ្គាក់ ដុំថ្ម ដាវ សម្រុកកាប់ប្រហារលើក្រុមយុវជនរងគ្រោះម្តងទៀត បណ្តាលឲ្យរបួសធ្ងន់ ២ នាក់ និងកាប់ដាច់ស្លាកលេខ។
ក្រុមយុវជនរងគ្រោះបានបន្តទៀតថា កាំបិតផ្គាក់របស់ក្រុមទំនើងបានជ្រុះ ភ្លាមនោះ យុវជនរងគ្រោះម្នាក់ បានរើសដេញវាយបកទៅវិញ ទើបក្រុមជនបង្កនាំគ្នារត់ឡើងម៉ូតូចេញទៅបាត់អស់។
ក្រោយកើតហេតុមួយសន្ទុះ នគរបាលមូលដ្ឋាន បានមកអន្តរាគមន៍សួរនាំយកជនរងគ្រោះ និងវត្ថុតាងកាំបិតផ្គាក់ចំនួន ១ ទៅដាក់ពាក្យបណ្ដឹងនៅប៉ុស្តិ៍នគរបាលអូរបែកក្អម។ ដោយឡែកជនរងគ្រោះដែលរងរបួសបានបញ្ជូនទៅមន្ទីរពេទ្យដើម្បីព្យាបាល៕
អត្ថបទ ៖ សំណាង
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ