ក្រោយភ្លៀងធ្លាក់ជាប់ៗគ្នា អាជ្ញាធរសង្កាត់ចោមចៅទី៣ ចុះស្ដារប្រឡាយ៦០០ម៉ែត្រ

បន្ទាប់ពីមានភ្លៀងធ្លាក់ជាបៗគ្នារយៈពេលប៉ុន្មានមកថ្ងៃនេះ ធ្វើឲ្យតំបន់មួយចំនួនមានការស្ទះនូវចរន្ដទឹក។ ដើម្បីបញ្ចៀសនៃការជន់លិចដោយជំនន់ទឹកភ្លៀង នាព្រឹកថ្ងៃទី៣១ ខែឧសភា ឆ្នាំ២០២៥នេះ លោក​ វ៉ា​ សាវឿន​ ចៅសង្កាត់ចោមចៅទី៣​ បានដឹកនាំកម្លាំង និងគ្រឿងចក្រចុះស្ដារប្រឡាយមួយខ្សែប្រវែង៦០០ម៉ែត្រ នៅខាងក្រោយសាលាបឋមសិក្សា​ ហ៊ុនសែន ជម្ពូវ័ន​ រហូតទៅដល់ស្ថានីប្រេងឥន្ទនៈសមប្រាថ្នា​ ចម្ងាយ៦០០ម៉ែត្រ​ ក្នុងភូមិព្រៃព្រីងខាងត្បូង២ សង្កាត់ចោមចៅទី៣​ ខណ្ឌពោធិ៍សែនជ័យ។

លោក​ វ៉ា​ សាវឿន​ ចៅសង្កាត់ចោមចៅទី៣​ បានឲ្យដឹងថា​ ការយកគ្រឿងចក្រចុះស្ដារនៅពេលនេះ គឺបន្ទាប់ពីប៉ុន្មានថ្ងៃនេះមានភ្លៀងធ្លាក់ជាប់ៗគ្នា ធ្វើឲ្យតំបន់មួយចំនួនស្ទះចរន្ដទឹកហូរ ដោយសារល្បាប់ ភក់​ និងស្មៅដែលនៅក្នុងប្រឡាយ។

ជាមួយគ្នានេះលោក​ វ៉ា​ សាវឿន​​ ក៏សំណូមពរដល់ប្រជាពលរដ្ឋទាំងអស់ក្នុងភូមិព្រៃព្រីងខាងត្បូង២ មេត្តាវិចខ្ចប់ទុកដាក់សំរាមឲ្យបានត្រឹមត្រូវកុំបោះចោលពាសវាលពាសកាល ដែលធ្វើឲ្យសំរាមទាំងនោះធ្លាក់ ឬហេីរចូលប្រឡា​យ និងមាត់លូបង្កការកកស្ទះនូវចរន្តទឹកហូរ៕

អត្ថបទ៖ សុខា