កីឡា
ការប្រកួតកីឡាវាយកូនហ្គោល ជើងឯកវឌ្ឍនៈឡេជិន មានប្រាក់រង្វាន់សរុបជាង កន្លះលានដុល្លារ
ព្រឹត្តិការណ៍ប្រកួតកីឡាវាយកូនហ្គោលអន្តរជាតិ«ជើងឯកវឌ្ឍនៈឡេជិន»ដែលប្រជុំដោយវីរបុរសកីឡាករវាយកូនហ្គោល លំដាប់ពិភពលោកឆ្នើមៗលើកដំបូងនៅប្រទេសកម្ពុជាមានប្រាក់រង្វាន់សរុបរហូតដល់ ៥៥ម៉ឺនដុល្លារអាមេរិក។
ជើងឯកវឌ្ឍនៈឡេជិន នឹងរៀបចំនៅលើទីលានកីឡាវាយកូនហ្គោល វឌ្ឍនៈ ហ្គោល រីហ្សត ដោយមានការចូលរួមប្រកួតពីកីឡាវាយកូនហ្គោលល្បីៗមានដូចជាលោក Michael Campbell ម្ចាស់ជើងឯក U.S Open ឆ្នាំ ២០០៥។ លោក David Fichardt ជាម្ចាស់ជើងឯកទ្វីបអឺរ៉ុប European Tour ៥សម័យកាល។ លោក Phillip Price ជាម្ចាស់ជើងឯក Legends Tour ៣សម័យកាល និងម្ចាស់ជើងឯក Order of Merit។ លោក Hend ជាម្ចាស់ជើងឯក DP World Tour ៣សម័យកាលជាដើម។
លោក James Durkin តំណាង វឌ្ឍនៈ ហ្គោល រីហ្សត បានបង្ហាញនៅក្នុងបទបង្ហាញដល់អ្នកសារព័ត៌មានកាលពីថ្ងៃទី១៧ ខែតុលា ឆ្នាំ ២០២៥ ថា ព្រឹត្តិការណ៍នេះគ្រោងចំណាយថវិកាអស់ប្រមាណជាង ១លានដុល្លារអាមេរិក ក្នុងនោះប្រាក់រង្វាន់សរុប ៥៥ម៉ឺនដុល្លារអាមេរិក ដែលនឹងផ្តល់ជូនជ័យលាភីទៅតាមចំណាត់ថ្នាក់។
លោកបន្ថែមថា ព្រឹត្តិការណ៍កីឡាវាយកូនហ្គោលអន្តរជាតិដ៏ធំលើកដំបូងនេះមិនត្រឹមតែផ្សព្វផ្សាយក្នុងប្រទេសកម្ពុជាប៉ុណ្ណោះទេ ប៉ុន្តែនឹងផ្សាយទៅកាន់ទ្វីបអាស៊ី អឺរ៉ុប សហរដ្ឋអាមេរិក និងបណ្តាប្រទេសផ្សេងៗដើម្បីឲ្យឃើញពីសក្តានុពលកម្ពុជា តាមរយៈប្រព័ន្ធផ្សព្វផ្សាយធំៗនៅលើពិភពលោកដូចជាជា Sky Sports, GOLF, CANEL+, VIASAT SPORT និង Super Sport ជាដើម។
នៅក្នុងចំណោមវីរបុរសកីឡាករវាយកូនហ្គោលដ៏ល្បីៗដែលនឹងចូលរួម មានលោក លោក Michael Campbell ដែលបានឈ្នះពានរង្វាន់ U.S Open ជាពានរង្វាន់កីឡាវាយកូនហ្គោលធំបំផុតនៅក្នុងពិភពលោក។
កាលពីឆ្នាំ ២០០៥ ព្រឹត្តិការណ៍ប្រកួត U.S Open មានកីឡាករចំនួន ១៥៦នាក់មកពីទូទាំងពិភពលោក ហើយមានការប្រកួត៤ជុំ។ នៅជុំចុងក្រោយមានកីឡាករតែ១០នាក់ប៉ុណ្ណោះ ហើយលោក Michael Campbell ធ្វើបានល្អបំផុតយកឈ្នះលើកំពូលកីឡាករវាយកូនហ្គោលលេខ ១ លើលោកគឺកីឡាករ Tiger Woods ដើម្បីក្លាយជាម្ចាស់ជើងឯកក្នុងព្រឹត្តិការណ៍បំផុតសម្រាប់អាជីពរបស់លោកដោយទទួលបានប្រាក់រង្វាន់ ១.១៧០.០០០ដុល្លារអាមេរិក ហើយលោក Tiger Woods ទទួលបានចំណាត់ថ្នាក់លេខ២។
ឥឡូវនេះបុរសសញ្ជាតិនូវែលហ្សេឡង់-អូស្ត្រាលី នឹងមកចូលរួមប្រកួតកីឡាវាយកូនហ្គោលអន្តរជាតិ«ជើងឯកវឌ្ឍនៈឡេជិន» ចាប់ពីថ្ងៃទី១៧ ដល់ទី២៣ ខែវិច្ឆិកា ឆ្នាំ ២០២៥ នៅរាជធានីភ្នំពេញ៕
អត្ថបទ៖ វីរបុត្រ
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ