កីឡា
លោក វ៉ាត់ ចំរើន បញ្ជាក់ពីការចូលរួមប្រកួតកីឡាស៊ីហ្គេមនៅថៃ ជាការបង្កើនសន្តិភាព
កម្ពុជាបានសម្រេចបញ្ជូនប្រតិភូ និងអត្តពលិកចូលរួមប្រកួតកីឡាអាស៊ីអាគ្នេយ៍ (ស៊ីហ្គេម) លើកទី៣៣ ចាប់ពីថ្ងៃទី៩ ដល់ ថ្ងៃទី២០ ខែធ្នូ ឆ្នាំ ២០២៥ នៅប្រទេសថៃ ស្របពេលវិបត្តិព្រំដែនកម្ពុជា-ថៃកំពុងផុសស្រួយនៅឡើយ។
លោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជា បានប្រាប់សារព័ត៌មាន«កម្ពុជាថ្មី»ថា កីឡាមានគោលការណ៍មិត្តភាព សាមគ្គីភាព និងសន្តិភាព ដូច្នេះកម្ពុជាឈរលើគោលទាំងនេះជាធំសម្រាប់ការចូលរួមប្រកួតកីឡាស៊ីហ្គេម លើកទី៣៣ នៅប្រទេសថៃ ដូចរាល់ដង។
លោកមានប្រសាសន៍ថា ៖«កីឡាស៊ីហ្គេម រៀងរាល់ ២ ឆ្នាំម្តង គឺយើងចូលរួមដូចរាល់ដង គ្មានមូលហេតុអ្វីទេ។ យើងចូលរួមធម្មតា ពីព្រោះកីឡាមានគោលការណ៍របស់វា។ កីឡាជាវេទិកា ជាព្រឹត្តិការណ៍មិត្តភាព សាមគ្គីភាព យោគយល់គ្នា និងសន្តិភាព ដូច្នេះយើងយកគោលគំនិតនេះជាធំ»។
លោកអគ្គលេខាធិការនៃគណៈកម្មាធិការជាតិអូឡាំពិកកម្ពុជា បានបញ្ជាក់ថា ៖«ម្ចាស់ផ្ទះថៃ គេរៀបចំសន្តិសុខ សណ្តាប់ធ្នាប់ដល់កម្ពុជា។ គេធានាសុវត្ថិភាពដល់យើង។ ក្តីបារម្ភរបស់យើងគឺគ្មានអ្វីទេ ក្រៅតែពីខិតខំហ្វឹកហាត់ ហើយទៅចូលរួមប្រកួតធម្មតាដើម្បីបង្កើនមិត្តភាពឡើងវិញរវាងប្រជាជនអាស៊ាន ក៏ដូចជាមួយម្ចាស់ផ្ទះដែរ។ យើងអត់មានគំនិតរើសអើងដែលខុសពីគោលការណ៍អន្តរជាតិឡើយ។ មូលហេតុអ្វី អត់មានទេ មានតែថា យើងត្រូវចូលរួម ក្រោយពីរាជរដ្ឋាភិបាលបានផ្តល់ការអនុញ្ញាត»។
តាមការគ្រោងទុក កម្ពុជា នឹងបញ្ជូនកីឡាចំនួន ២១ ប្រភេទទៅចូលរួមប្រកួតកីឡាស៊ីហ្គេម លើកទី៣៣ ដែលម្ចាស់ផ្ទះ ថៃ បានសម្រេចដាក់ចំនួន ៥៧៤វិញ្ញាសា លើកីឡាចំនួន ៥០ប្រភេទ ដែលទីកន្លែងប្រកួតមាននៅទីក្រុងបាងកក ខេត្តឈុនបូរី និង ខេត្តសង់ខ្លា។ ពិធីបើក-បិទ ជាផ្លូវការប្រារព្ធនៅពហុកីឡដ្ឋានជាតិ Rajamangala Stadium៕
អត្ថបទ៖ វីរបុត្រ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ