កីឡា

សហព័ន្ធបាល់ទះពិភពលោក បានសរសើរពីភាពរីកចម្រើន និងចំនួនអ្នកគាំទ្រលើសលុបក្នុងតេជោលីគ

បានផុស

៥ នាទី មុន

នៅ

ថ្ងៃពុធ ៨ កក្កដា ២០២៦

ដោយ

អំឡុងវគ្គផ្ដាច់ព្រ័ត្រតេជោលីគ រដូវកាលទី៣ កាលពីថ្ងៃទី៣ ខែកក្កដា ឆ្នាំ២០២៦ កន្លងទៅនេះគឺមានខាងមន្ត្រីសហព័ន្ធបាល់ទះពិភពលោកបានឆាតមកសរសើរកម្ពុជាពីការរៀបចំដ៏អស្ចារ្យ និងចំនួនអ្នកគាំទ្រយ៉ាងច្រើនលើសលុបនៅពេលនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហព័ន្ធបាល់ទះអន្តរជាតិ

លោក អាំង សិរីពិសិដ្ឋ បានលើកឡើងថា ទន្ទឹមនិងការរៀបចំព្រឹត្តិការណ៍តេជោលីគ រដូវកាលទី៣ នេះដោយរលូន និងមានសន្ទុះការគាំទ្រដូចនេះខាងមន្ត្រីសហព័ន្ធកីឡាបាល់ទះពិភពលោកបានឆាតមកសរសើរពីប្រទេសកម្ពុជាផងដែរ។

ទិដ្ឋភាពនៃការគាំទ្រតេជោលីគ

ខាងសហព័ន្ធពិភពលោកបានសរសើរថា កម្ពុជាទើបតែចាប់ផ្ដើមបានប៉ុន្មានឆ្នាំទេ ប៉ុន្តែអាចរៀបចំការប្រកួតបានល្អមែនទែនសឹងតែស្មើជាមួយបណ្ដាប្រទេសក្នុងតំបន់អាស៊ីដែលគេជឿនលឿន និងដំំណើរការអស់រាប់ឆ្នាំមកហើយ។ ការគាំទ្រវិស័យបាល់ទះនៅកម្ពុជាគឺពិតជាមានចំនួនច្រើន និងអស្ចារ្យមែនទែ។ ខាងសហព័ន្ធអន្តរជាតិជឿជាក់ថាមិនយូរទេវិស័យកីឡាបាល់ទះនៅកម្ពុជានឹងរឹតតែល្បី និងរីកចម្រើនខ្លាំង។

ទិដ្ឋភាពនៃការគាំទ្រវគ្គផ្ដាច់ព្រ័ត្រតេជោលីគ

បញ្ជាក់ដែរថា ការប្រកួតតេជោលីគ រដូវកាលទី៣ ឆ្នាំ២០២៦ ដែលទើបបញ្ចប់ទៅកាលពីដើមខែកក្កដា នេះមានសន្ទុះនៃការគាំទ្រច្រើនមែនទែនពិសេសចាប់ពីវគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រតែម្ដង។ ពោលវគ្គផ្ដាច់ព្រ័ត្រដណ្ដើមលេខ១ រវាងក្រុមបញ្ជាការដ្ឋានអង្គរក្ស និងសមាគមវិសាខា មានអ្នកចូលរួមទស្សនារហូតដល់ទៅ ៧០០០-៨០០០នាក់ឯណោះ និងមានអ្នកខ្លះត្រូវទស្សនាតាម LED នៅខាងក្រៅវិមានពហុកីឡដ្ឋានជាតិទៀត។ ការប្រកួតតេជោលីគនេះជាកម្មវិធីប្រកួតធំជាងគេប្រចាំសហព័ន្ធកីឡាបាល់ទះកម្ពុជា និងជាកម្មវិធីប្រកួតដែលទទួលស្គាល់ពីសហព័ន្ធកីឡាបាល់ទះពិភពលោករយៈពេល ២ឆ្នាំហើយចាប់ពីរដូវកាលទី២ និងទី៣ ដែលបិទបញ្ចប់កាលពីថ្ងៃទី៣ ខែកក្កដា ឆ្នាំ២០២៦៕