កីឡា

ក្រោយបញ្ចប់តេជោលីគតើកីឡាករល្អៗដូច ស៊ុយ ខន អាចជាប់ជម្រើសជាតិត្រៀម Sea V league ឬទេ…

បានផុស

១ minute មុន

នៅ

ថ្ងៃអង្គារ ៧ កក្កដា ២០២៦

ដោយ

ការប្រកួតតេជោលីគរដូវកាលទី៣ បានបិទបញ្ចប់ហើយនៅប៉ុន្មានថ្ងៃមុននេះស្របពេលកីឡាករល្អៗលេចធ្លោខ្លាំងក៏មានច្រើនផងដែរដូចជា ស៊ុយ ខន ចាន់ វាសនា អ៊ុក រដ្ឋា និងយុវជនមួយចំនួនទៀត។យ៉ាងណាបេក្ខភាពមួយចំនួនអាចនឹងចូលជួយជម្រើសជាតិត្រៀមប្រកួត Sea V league និងខ្លះទៀតមិនបាននោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អាំង សិរីពិសិដ្ឋ

លោក អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះបានឲ្យដឹងថា ក្រោយបញ្ចប់ការប្រកួតតេជោលីគរដូវកាលទី៣ នេះគឺឃើញមានសមត្ថភាពកីឡាករមួយចំនួនដែលជាយុវជនលេចធ្លោមែនទែនរហូតជាប់ក្នុងចំណោមអ្នកល្អៗប្រចាំលីគរដូវកាលនេះទៀតផង។

ឆ្លើយតបសំនួរអ្នកសារព័ត៌មាន «តើអ្នកល្អៗលេចធ្លោពិសេសដូច ស៊ុយ ខន អាចនឹងជាប់ជម្រើសជាតិត្រៀម Sea V League ដែរ ឬទេ?»

កីឡាករ ស៊ុយ ខន

ថ្នាក់ដឹកនាំរូបនេះបញ្ជាក់ថា ដោយសារពេលវេលានៅកៀកថ្ងៃប្រកួតមែនទែន ដូច្នេះពិបាកនឹងនាំយកកីឡាករថ្មីមកបញ្ជូល ឬដាក់ឲ្យលេងត្រូវគ្នាណាស់។ មួយវិញទៀតសហព័ន្ធក៏ធ្លាប់កោះហៅកីឡាករល្អៗមួយចំនួនចូលក្នុងជំរុំជម្រើសជាតិផងដែរតាំងពីមុនៗមកម្ល៉េះ។ យ៉ាងណាបេក្ខភាពដែលត្រូវចូលរួមការប្រកួត Sea V League ឆាប់ៗនេះអាចនឹងមានការប្រែប្រូលខ្លះៗដែរ។ ការប្រែប្រួល ឬដាក់បញ្ជូល ដកចេញ យ៉ាងណានោះលោកអគ្គលេខាធិការមិនបានបញ្ជាក់ឈ្មោះនោះឡើយ។

បញ្ជាក់ដែរថា ការប្រកួតតេជោលីគ រដូវកាលទី៣ នេះគឺពិតជាជក់ចិត្ត និងធ្វើឲ្យកក្រើកវិស័យបាល់ទះនេះមែន។ ទន្ទឹងនិងនេះគេឃើញមានកីឡាករដែលជាយុវជនក្រោយៗបង្ហាញសមត្ថភាពល្អច្រើនផងដែរ។ ក្រុមជម្រើសជាតិកម្ពុជានឹងចូលរួមការប្រកួត Sea V League ចាប់ពីថ្ងៃទី១៥ ដល់ ១៩ ខែកក្កដា ឆ្នាំ២០២៦ ឆាប់ៗនេះ៕