កីឡា

សួន ចាន់ណារ៉ូ បានគុណក្លឹបដំបូងកងពលធំអន្តរាគមន៍លេខ៣ នេះហើយទើបមានរូបគេក្នុងអាជីពប៉ះដល់សព្វថ្ងៃ

បានផុស

១០ នាទី មុន

នៅ

ថ្ងៃអង្គារ ៧ កក្កដា ២០២៦

ដោយ

កីឡាករចាស់វស្សា សួន ចាន់ណារ៉ូ ថាមិនភ្លេចគុណក្លឹបដំបូងនោះឡើយគឺកងពលធំអន្តរាគមន៍លេខ៣ ដែលបានផ្ដល់ឱកាសទើបធ្វើឲ្យខ្លួនមានការអភិវឌ្ឍន៍ និងមានឈ្មោះក្នុងវិស័យកីឡាបាល់ទះដូចសព្វថ្ងៃនេះ។

កីឡាករ សួន ចាន់ណារ៉ូ

ដៃប៉ះសេ សួន ចាន់ណារ៉ូ បានលើកឡើងថា រំលឹកទៅអតីតកាលរូបគេបានធ្វើតេស្តជាប់នៅកងពលធំអន្តរាគមន៍លេខ៣ និងហ្វឹកហាត់នៅទីនោះបានប្រហែលមួយឆ្នាំទើបចាក់ចេញទៅកាន់ក្លឹបថ្មីគឺ ស.ស.យ.ក ខេត្តព្រៃវែង និងឥលូវប្ដូរឈ្មោះមកជាសមាគមកីឡាបាល់ទះវិសាខា។

កីឡាករឆ្នើមខាងលើបន្ថែមទៀតថា រូបគេមិនភ្លេចគុណក្លឹបដំបូងកងពលធំអន្តរាគមន៍លេខ៣ នេះឡើយដែលបានមើលឃើញពីសមត្ថភាពអំឡុងកាលនោះ និងបានផ្ដល់ឱកាស។ ប្រសិនបើមិនមានការមើលឃើញ និងផ្ដល់ឱកាសនៅពេលនោះទេក៏មិនមានក្លឹបធំៗផ្សេងទៀតបានឃើញ ឬដឹងពីសមត្ថភាពខ្លួនដែរ។ ដូច្នេះការដែលបានចាប់អាជីពបាល់ទះរហូតមកដល់ពេលនេះមួយចំណែកធំបានពីក្លឹបកងពលធំអន្តរាគមន៍លេខ៣ នេះឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ សួន ចាន់ណារ៉ូ

បញ្ជាក់ដែរថា សួន ចាន់ណារ៉ូ ជាកីឡាករបាល់ទះចាស់វស្សាមួយរូបនៅកម្ពុជា។ រូបគេជាអតីតកីឡាករក្លឹបកងពលធំអន្តរាគមន៍លេខ៣ ក្លឹបវិសាខា និងក្លឹបស្នងការខេត្តស្វាយរៀង។ ណារ៉ូ ជាកីឡាករឆ្នើមមួយរូបដែលមានសមត្ថភាពប៉ះសេល្អ និងជាកីឡាករមានកេរ្តិ៍ឈ្មោះលើវិស័យកីឡាបាល់ទះនេះ។ រូបគេធ្លាប់សាងស្នាដៃជួយក្រុមជម្រើសជាតិឲ្យឈ្នះមេដាយសំរឹទ្ធ ស៊ីហ្គេម លើកទី៣១ នៅឯប្រទេសវៀតណាម និងជួយឲ្យកម្ពុជាឈ្នះមេដាយប្រាក់ នៅស៊ីហ្គេម លើកទី៣២ កម្ពុជាជាម្ចាស់ផ្ទះ និងស្នាដៃជួយដល់សមាគមបាល់ទះវិសាខាជាច្រើនទៀតផងដែរអំឡុងពេលជាច្រើនឆ្នាំមកនេះ និងថ្មីៗនេះបានជួយស្នងការខេត្តស្វាយរៀង ឈ្នះពានសម្ដេចក្រឡាហោម និងជួយឲ្យជាប់ចំណាត់ថ្នាក់លេខ៣ តេជោលីគ រដូវកាលទី៣ ឆ្នាំ២០២៦ ទើបបញ្ចប់ទៅនេះ៕