កីឡា

រឿងថ្មី! កីឡាករអាមេរិក Balogun ទទួលបានកាតក្រហម ត្រូវបានដកពិន័យឲ្យលេងទល់នឹង បែលហ្ស៊ិក

បានផុស

១៦ នាទី មុន

នៅ

ថ្ងៃចន្ទ ៦ កក្កដា ២០២៦

ដោយ

កីឡាករអាមេរិករ Folarin Balogun ត្រូវបានអាជ្ញាកណ្តាលពិន័យកាតក្រហមបណ្តេញចេញពីការប្រកួតនៅពេល សហរដ្ឋអាមេរិក បានយកឈ្នះក្រុមជម្រើសជាតិ បូស្នៀ ដោយលទ្ធផល ២-០ នៅវគ្គ ៣២ ក្រុមចុងក្រោយ នៃព្រឹត្តិការណ៍បាល់ទាត់ពិភពលោក World Cup 2026។

កីឡាករ Folarin Balogun ត្រូវបានអាជ្ញាកណ្តាល Raphael Claus ពិន័យកាតក្រហម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមច្បាប់របស់សហព័ន្ធកីឡាបាល់ទាត់អន្តរជាតិ (FIFA) កីឡាករដែលទទួលបានក្រហម ត្រូវជាប់ពិន័យមិនអាចលេងបាន ១ ប្រកួត ឬ ២ ប្រកួត សម្រាប់ការប្រកួត អាស្រ័យទៅលើស្ថានទម្ងន់នៃការទទួលបានកាតក្រហម។ សូម្បីតែកីឡាករទទួលបានកាតលឿន ២ លើកជាប់គ្នាក៏ត្រូវជាប់បំរាមមិនអាចលេងបានសម្រាប់ការប្រកួតបន្ទាប់ដែរ។

ទោះបីជាយ៉ាងណា សហព័ន្ធកីឡាបាល់ទាត់អន្តរជាតិ បានអនុវត្តតាមមាត្រា ២៧ នៃក្រមវិន័យបានសម្រេចលុបចោលការព្យួរលើកីឡាករ Balogun។ ពួកគេមិនបានដកចោលការពិន័យកាតក្រហមទេ ប៉ុន្តែដកការព្យួរសម្រាប់ការលេងនៅលើទីលានបន្ទាប់ ដូច្នេះមានន័យថា កីឡាករ Balogun អាចលេងបាននៅពេល សហរដ្ឋអាមេរិក ប្រកួតជាមួយ បែលហ្ស៊ិក នៅវគ្គ ១៦ ក្រុមចុងក្រោយ ថ្ងៃទី៧ ខែកក្កដា ឆ្នាំ ២០២៦។

កីឡាករ Folarin Balogun អបអរពេលរកបានគ្រាប់បាល់

រឿងនេះបានធ្វើឲ្យមានបញ្ហាចម្រូងចម្រាសយ៉ាងខ្លាំង ដោយសាររឿងនេះត្រូវបានគេដឹងថា ជាច្បាប់អនុវត្តសាកល្បង និងមានការលើកឡើងថា ប្រធានាធិបតីសហរដ្ឋអាមេរិក លោក Donald Trump បានលូកដៃដោយបញ្ចុះបញ្ចូល FIFA ។

គិតត្រឹមព្រឹកថ្ងៃទី៦ ខែកក្កដា ឆ្នាំ ២០២៦ កីឡាករអាមេរិក Folarin Balogun ស្ថិតក្នុងចំណោម កីឡាករ ១៧ នាក់ ក្នុងនោះមាន ១៣ នាក់ទទួលកាតក្រហម និង ៤ នាក់ ទទួលបានកាតលឿន ២ លើកជាប់គ្នាដែលត្រូវជាប់ពិន័យមិនអាចលេងបានសម្រាប់ការប្រកួតបន្ទាប់។ ទោះបីជាយ៉ាងណា មានកីឡាករតែ Balogun ម្នាក់គត់ត្រូវបានលើកការពិន័យ ហើយអាចលេងបានសម្រាប់ការប្រកួតបន្ទាប់៕