កីឡា

កីឡា៣ប្រភេទនេះ កម្ពុជាដាក់គោលដៅមេដាយមាសច្រើនជាងគេស៊ីហ្គេម២០២៣

បានផុស

៣ years មុន

នៅ

ថ្ងៃអង្គារ ២៣ សីហា ២០២២

ដោយ

កីឡាតេក្វាន់ដូ ITF គុនល្បុក្កតោ និងអានីស ស្ថិតក្នុងចំណោមកីឡា៣៩ប្រភេទដែលកម្ពុជាសម្រេចឲ្យប្រកួតដណ្តើមមេដាយក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣។

កីឡាយុទ្ធគុនចម្រុះ (Martial Arts) ត្រូវបានដាក់ទុកកីឡាមួយប្រភេទដែលមានកីឡា តេក្វាន់ដូ ITF, គុនល្បុក្កតោ និង អានីស (Arnis) ដែលបានកំណត់គោលដៅស្វែងរកមេដាយមាសច្រើនជាងកីឡាផ្សេងៗទៀត។

ល្បុក្កតោសម្តែងនៅស៊ីហ្គេមលើកទី៣១ ប្រទេសវៀតណាម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាតេក្វាន់ដូ ITF បានដាក់គោលដៅយកមេដាយមាសចំនួន១៥គ្រឿង។ កីឡាវ៉ូវីណាម ស្ថិតនៅលំដាប់ទីពីរដែលដាក់គោលដៅមេដាយមាសចំនួន៩គ្រឿង និងកីឡាគុនល្បក្កតោ ដាក់គោលមេដាយមាសចំនួន៥គ្រឿង។ ចំណែកកីឡាជាង៣០ប្រភេទផ្សេងទៀតបានដាក់គោលដៅមេដាយមាសចន្លោះពី១ទៅ៣គ្រឿង។

ទាំងនេះគ្រាន់តែសន្ទស្សន៍ដែលកម្ពុជាក្នុងនាមជាម្ចាស់ផ្ទះបានកំណត់យកមេដាយមាសប៉ុណ្ណោះ ខណៈចំនួនវិញ្ញាសាជាក់ស្តែងលើប្រភេទកីឡានីមួយៗនៅមិនទាន់សម្រេចជាផ្លូវការទាំងអស់ឡើយ ប៉ុន្តែវិញ្ញាសាភាគច្រើនបានសម្រេចហើយ នៅសល់កីឡាមួយចំនួនតូចកំពុងត្រូវបានពិចារណាលើវិញ្ញាសាដែលត្រូវដាក់។

សូមបញ្ជាក់ថា កិច្ចប្រជុំលេខាធិការដ្ឋាននៃសហព័ន្ធកីឡាអាស៊ីអាគ្នេយ៍កាលពីសប្តាហ៍មុននៅប្រទេសថៃ កម្ពុជាក្នុងនាមជាម្ចាស់ផ្ទះស៊ីហ្គេម ឆ្នាំ២០២៣បានដាក់បង្ហាញចជាង៦០០វិញ្ញាសាដល់អង្គប្រជុំដើម្បីធ្វើការសម្រេច៕

អត្ថបទ៖ វីរបុត្រ

Related Topics:កីឡាស៊ីហ្គេម ឆ្នាំ២០២៣