កីឡា

ប្រធានក្លិប PSG ថា មិនអាចទៅរួចទេក្នុងការបន្ថែម CR7 ខណៈក្រុមមាន Messi, Mbappe និង Neymar រួចទៅហើយ

បានផុស

២ years មុន

នៅ

ថ្ងៃព្រហស្បតិ៍ ៨ ធ្នូ ២០២២

ដោយ

ប្រធានក្លិប Paris Saint-Germain លោក Nasser Al-Khelaifi បាននិយាយថា ពួកគេមិនមានកន្លែងសម្រាប់ Cristiano Ronaldo ក្នុងតំបន់ប្រយុទ្ធរបស់ពួកគេទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Ronaldo គឺជាកីឡាករគ្មានតម្លៃខ្លួនបន្ទាប់ពីត្រូវបានដោះលែងដោយក្លិប Manchester United ក្រោយកើតមានបទសម្ភាសន៍ក្នុងកម្មវិធីទូរទស្សន៍ដ៏ផ្ទុះរបស់គេជាមួយ លោក Piers Morgan ដោយដំបូងឡើយបានជំរុញឲ្យចាកចេញពី Old Trafford ក្នុងអំឡុងពេលទីផ្សារដោះដូរកីឡាកររដូវក្តៅ។

ភ្នាក់ងាររបស់ Ronaldo លោក Jorge Mendes បានផ្តល់ជូនគេទៅក្លិបមួយចំនួននៅទូទាំងទ្វីបអឺរ៉ុប ដោយមិនមានការល្បួងឲ្យដាក់សំណើសម្រាប់កីឡាករវ័យ ៣៧ ឆ្នាំរូបនេះឡើយ។

របាយការណ៍ជាច្រើនបានបង្ហាញថា កីឡាករអន្តរជាតិព័រទុយហ្គាល់ បានយល់ព្រមចូលរួមជាមួយក្រុមអារ៉ាប៊ីសាអូឌីត ក្នុងកិច្ចព្រមព្រៀងដ៏គួរឲ្យភ្ញាក់ផ្អើលដែលមានតម្លៃ ៤៣២ លានផោន។

ប៉ុន្តែនិយាយបន្ទាប់ពីព័រទុយហ្គាល់លត់ស្វីស ៦-១ ក្នុងការប៉ះគ្នាវគ្គ ៨ ក្រុមចុងក្រោយ នៅ World Cup នោះ Ronaldo បានទទូចយ៉ាងខ្លីថា វាមិនមានការពិតចំពោះរបាយការណ៍នោះទេ។

Ronaldo ត្រូវបានគេគិតថា នឹងបន្តនៅអឺរ៉ុបជាមួយនឹង Al Khelaifi ត្រូវបានសាកសួរលើចំណាប់អារម្មណ៍ពី PSG នៅក្នុងបទសម្ភាសន៍ជាមួយ Sky។

ប៉ុន្តែជាមួយនឹង Lionel Messi, Kylian Mbappe និង Neymar បាននិងកំពុងធ្វើព្យុះភ្លៀងក្នុងតំបន់ប្រយុទ្ធដ៏គួរឲ្យភ័យខ្លាចរួចហើយ លោកបានច្រានចោលនូវលទ្ធភាពដែលអតីតតារា Real Madrid ធ្វើការផ្ទេរដ៏គួរឲ្យភ្ញាក់ផ្អើលទៅកាន់ទីក្រុងប៉ារីស។

“កីឡាករទាំង ៣ ដែលពួកយើងមាន (Messi, Neymar និង Mbappe) វាពិបាកណាស់ ប៉ុន្តែខ្ញុំសូមជូនពរគាត់ឲ្យល្អបំផុត។ គាត់ពិតជាអស្ចារ្យ ហើយគាត់នៅតែជាកីឡាករដ៏អស្ចារ្យម្នាក់”។ សម្ដីរបស់ លោក Nasser Al-Khelaifi។

ការផ្តោតអារម្មណ៍ភ្លាមៗរបស់ Ronaldo គឺការដណ្តើមបានកៅអីមួយក្នុងជម្រើស ១១ នាក់ដំបូង សម្រាប់ក្រុមព័រទុយហ្គាល់ បន្ទាប់ពីត្រូវបានទម្លាក់ទៅលេងជាកីឡាករបម្រុងក្នុងជ័យជម្នះកាលពីថ្ងៃអង្គារ លើក្រុមជម្រើសជាតិស្វីស៕

ប្រភព ៖ metro.co.uk

អត្ថបទ ៖ មន្នីរ័ត្ន