តិចអត់ដឹង! ក្រៅពី Ronaldo មានកីឡាករល្បីឈ្មោះច្រើនរូបទៀត កំពុងលេងនៅ ក្លិប Al Nassr

ការមកដល់របស់កីឡាករ Cristiano Ronaldo នៅក្លិប Al Nassr នឹងធ្វើឲ្យវិស័យកីឡាបាល់ទាត់ក្នុងប្រទេសអារ៉ាប៊ីសាអូឌីត ឡើងទៅកាន់កម្រិតថ្មីមួយទៀត ធ្វើឲ្យពិភពលោកចាប់អារម្មណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្ហាញខ្លួនលើកដំបូងរបស់ Ronaldo នៅ Al Nassr ត្រូវបានគេរំពឹងថា នឹងបំបែកកំណត់ត្រាបច្ចុប្បន្នរបស់ក្របខ័ណ្ឌអារ៉ាប៊ីសាអូឌីត Pro League សម្រាប់តួលេខអ្នកមើលតាមទូរទស្សន៍ច្រើនបំផុត។

ប៉ុន្តែ ទោះបីជា Ronaldo ជាកីឡាករល្បីឈ្មោះបំផុតនៅក្នុងក្របខ័ណ្ឌកំពូលរបស់ប្រទេសអារ៉ាប៊ីសាអូឌីតក៏ដោយ ប៉ុន្តែនៅមានកីឡាករលំដាប់អន្តរជាតិជាច្រើនរូបទៀត ដែលកំពុងប្រកបអាជីពនៅក្លិប Al Nassr រួចទៅហើយ។

អ្នកគាំទ្រក្របខ័ណ្ឌអង់គ្លេស Premier League ធ្លាប់ឆ្ងល់ថា តើអ្នកចាំទី David Ospina ទៅណាខ្លះបន្ទាប់ពីគាត់ចាកចេញពីក្លិបកាំភ្លើងធំ Arsenal ក្នុងឆ្នាំ ២០១៩?

អ្នកចាំទីសញ្ជាតិកូឡុំប៊ីវ័យ៣៤ឆ្នាំរូបនេះ បានចូលរួមជាមួយក្លិប Al Nassr ក្រោយចាកចេញពី Napoli ក្នុងខែកក្កដា។

ចំណែកកីឡាករប្រេស៊ីល Talisca វ័យ ២៨ ឆ្នាំ និង Luiz Gustavo វ័យ៣៥ឆ្នាំ ក៏កំពុងលេងនៅក្លិប Al Nassr ផងដែរ។

ទន្ទឹមនឹងនេះ ការមកដល់របស់ Ronaldo មានន័យថា ក្លិប Al Nassr បច្ចុប្បន្នមានខ្សែប្រយុទ្ធកណ្តាលពីររូបដែលសុទ្ធតែជាអ្នកបានស៊ុតបញ្ចូលទីនៅព្រឹត្តិការណ៍ FIFA World Cup ឆ្នាំ២០២២។

ដៃគូរបស់ Ronaldo ពេលនេះ គឺកីឡាករអន្តរជាតិកាមេរូន Vincent Aboubakar ដែលជាអតីតកីឡាកររបស់ក្លិប Porto។ Aboubakar បានក្លាយជាខ្សែប្រយុទ្ធជួរមុខរបស់ក្លិប Al Nassr ចាប់តាំងពីខែមិថុនា ឆ្នាំ២០២២១៕

ប្រែសម្រួល៖ Vann Vann

ប្រភព៖ Si

ចុចអាន៖ ញាក់សាច់ ពេលដឹងតម្លៃពលកម្មរបស់ Ronaldo ជាមួយក្លិបថ្មី