កីឡា
ញាក់សាច់ ពេលដឹងតម្លៃពលកម្មរបស់ Ronaldo ជាមួយក្លិបថ្មី
កំពូលកីឡាករ Cristiano Ronaldo បានចូលរួមជាមួយក្រុម Al Nassr របស់ប្រទេសអារ៉ាប៊ីសាអូឌីតជាផ្លូវការហើយ ក្នុងកិច្ចសន្យារហូតដល់ឆ្នាំ២០២៥។
ប្រធានក្រុមជម្រើសជាតិព័រទុយហ្គាល់រូបនេះ មិនមានក្លិបលេងទេក្រោយចាកចេញពីបិសាចក្រហម Manchester United បន្ទាប់ពីបទសម្ភាសន៍ដ៏ចម្រូងចម្រាសដែលគាត់បានរិះគន់ក្លិប។
ហើយឥឡូវ Ronaldo នឹងក្លាយជាកីឡាករបាល់ទាត់ទទួលបានប្រាក់ខែច្រើនបំផុតក្នុងប្រវត្តិសាស្ត្រ ពោលគឺទទួលបាន ២១៤ ៥១០ ០០០ ដុល្លារក្នុងមួយឆ្នាំ។
កីឡាករវ័យ ៣៧ ឆ្នាំរូបនេះនិយាយថា គាត់ចង់មានបទពិសោធន៍ក្នុងលីគបាល់ទាត់ថ្មីនៅប្រទេសផ្សេង។ Ronaldo បន្ថែមថា “ខ្ញុំមានសំណាងដែលបានឈ្នះអ្វីគ្រប់យ៉ាង នៅក្នុងបាល់ទាត់ទ្វីបអឺរ៉ុប ហើយមានអារម្មណ៍ថា ពេលនេះគឺជាពេលវេលាដ៏ត្រឹមត្រូវក្នុងការចែករំលែកបទពិសោធន៍របស់ខ្ញុំនៅអាស៊ី”។
ស្របពេលជាមួយគ្នានោះដែរ ក្លិបបាល់ទាត់ Al Nassr ដែលជាម្ចាស់ជើងឯកក្របខ័ណ្ឌអារ៉ាប៊ីសាអូឌីត Pro League ៩ សម័យ បានហៅការចុះហត្ថលេខាយក Ronaldo ថាជា “ប្រវត្តិសាស្រ្ត”។
ក្លិបនិយាយថា នេះនឹងបំផុសគំនិតក្នុងលីគ ជាតិ និងក្មេងប្រុស និងក្មេងស្រី គ្រប់ជំនាន់ ឲ្យក្លាយជាគំរូដ៏ល្អបំផុតសម្រាប់ខ្លួនពួកគេ។
នៅរដូវក្តៅ Ronaldo បានបដិសេធកិច្ចព្រមព្រៀង ៣៦៩លានដុល្លារ ដើម្បីចូលរួមជាមួយក្រុមអារ៉ាប៊ីសាអូឌីតមួយទៀតគឺ Al Hilal ដោយសារតែពេលនោះ គាត់សប្បាយចិត្តនៅ Man Utd។
កាលពីដើមខែវិច្ឆិកា ខ្សែប្រយុទ្ធរូបនេះបាននិយាយនៅក្នុងបទសម្ភាសន៍ជាមួយ Piers Morgan ឲ្យទូរទស្សន៍ TalkTV ថា គាត់មានអារម្មណ៍ថា ត្រូវ “ក្បត់” ដោយ Man Utd, មិនគោរពអ្នកចាត់ការ Erik ten Hag ហើយត្រូវបានបណ្តេញចេញពីក្លិប។
គួរបញ្ជាក់ថា Ronaldo ដែលស៊ុតបញ្ចូលទីបាន ១៤៥ គ្រាប់ក្នុងការបង្ហាញខ្លួន ៣៤៦ ប្រកួតឲ្យ Man Utd បានចាកចេញពី Juventus ទៅចូលរួមក្នុងទឹកដី Old Trafford សាជាថ្មីក្នុងខែសីហា ឆ្នាំ ២០២១ ពោលគឺរយៈពេល១១ឆ្នាំបន្ទាប់ពីគាត់បានចាកចេញពី Man Utd ទៅចូលរួមជាមួយ Real Madrid។
ខាងក្រោមនេះ គឺជាតម្លៃពលកម្មដែល Ronaldo នឹងរកបាននៅក្លិបថ្មី៖
- ១ឆ្នាំរកបាន ២១៤ ៥១០ ០០០ ដុល្លារអាមេរិក
- ១ខែរកបាន ១៧ ៨៧៩ ៤០៨.៥០ ដុល្លារអាមេរិក
- ១សប្តាហ៍រកបាន ៤ ១២៥ ១៩១.៤០ ដុល្លារអាមេរិក
- ១ថ្ងៃរកបាន ៥៩៥ ៨៦០.៥២ ដុល្លារអាមេរិក
- ១ម៉ោងរកបាន ២៤ ៨២៩.៥៣ ដុល្លារអាមេរិក
- ១នាទីរកបាន ៤១៤ ដុល្លារអាមេរិក
- ១វិនាទីរកបាន ៦.៩៧ ដុល្លារអាមេរិក
ប្រែសម្រួល៖ Vann Vann
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ