កីឡា

កីឡា៧ប្រភេទនេះមានមុខប្រកួតគ្រប់ពេលស៊ីហ្គេមទាំងអស់

បានផុស

២ years មុន

នៅ

ថ្ងៃពុធ ១១ មករា ២០២៣

ដោយ

ព្រឹត្តិការណ៍កីឡាធំប្រចាំតំបន់អាស៊ីអាគ្នេយ៍ ដែលហៅកាត់ ស៊ីហ្គេម បានចាប់បដិសន្ធិឡើងតាំងពីឆ្នាំ១៩៥៩ ដែលរៀបចំការប្រកួតរាល់២ឆ្នាំម្តងនៅក្នុងប្រទេសអាស៊ាន រហូតដល់ពេលនេះបានរៀបចំការប្រកួត៣១លើកហើយ។ បើគិតទាំងឆ្នាំ២០២៣នេះ ដែលកម្ពុជាទទួលធ្វើជាម្ចាស់ផ្ទះលើកដំបូងគឺជាលើកទី៣២។

យោងតាមធម្មនុញ្ញ និងច្បាប់របស់សហព័ន្ធកីឡាអាស៊ីអាគ្នេយ៍ (SEAGF) រាល់ប្រទេសធ្វើជាម្ចាស់ផ្ទះត្រូវដាក់កីឡាយ៉ាងតិចបំផុត២២ប្រភេទសម្រាប់ការប្រកួត ក្នុងនោះត្រូវមានដាច់ខាតកីឡាកាតព្វកិច្ច២ គឺ អត្តពលកម្ម និងហែលទឹក ហើយក្នុងចំណោមកីឡាទាំងនេះត្រូវមាន១៤ប្រភេទដែលមានក្នុងការប្រកួតកីឡាអូឡាំពិក និងកីឡាទ្វីបអាស៊ី។

គ្រប់ប្រភេទកីឡាទាំងអស់ យ៉ាងតិចបំផុតត្រូវមានប្រទេសចំនួន៤ចូលរួមទើបអាចដាក់ឲ្យប្រកួតជាផ្លូវការបាន ប៉ុន្តែបើមានត្រឹមតែ៣ប្រទេសចុះក្រោមមិនអាចដាក់បញ្ចូលប្រកួតបានទេ។ ចាប់តាំងពីឆ្នាំ១៩៥៩ រហូតដល់ឆ្នាំ២០២១ (លើកមកឆ្នាំ២០២២) ប្រភេទកីឡាបានកើនឡើងជាលំដាប់ ហើយសម្រាប់ឆ្នាំ២០២៣នៅប្រទេសកម្ពុជាមានរហូត៤៩ប្រភេទកីឡាស្មើនឹង៦០៨វិញ្ញាសា ក្នុងនោះមាន១ជាប្រភេទកីឡាសម្តែងដែលមិនមែនប្រកួតដើម្បីដណ្តើមមេដាយផ្លូវការ។

គ្រប់ប្រភេទកីឡាទាំងអស់មិនមែនសុទ្ធតែត្រូវបានដាក់ឲ្យប្រកួតគ្រប់ពេលព្រឹត្តិការណ៍រាល់ពីរឆ្នាំម្តងទេ។ ប្រភេទកីឡាខ្លះត្រូវបានប្រទេសម្ចាស់ផ្ទះដាក់ឲ្យប្រកួត ប៉ុន្តែកីឡាខ្លះប្រទេសម្ចាស់ផ្ទះមិនដាក់ទេគឺអាស្រ័យលើសក្តានុពលរបស់ខ្លួនក្នុងនាមជាម្ចាស់ផ្ទះ។

ទោះបីជាយ៉ាងណា សម្រាប់ការប្រកួតទាំង៣១លើកកន្លងមក មានកីឡាចំនួន៧ប្រភេទត្រូវបានដាក់ឲ្យប្រកួតគ្រប់ព្រឹត្តិការណ៍ទាំងអស់ពោលគឺមិនដែលបាត់ឡើយ។ កីឡាដែលមានការប្រកួតគ្រប់ព្រឹត្តិការណ៍កីឡាស៊ីហ្គេម មានដូចខាងក្រោម៖