កីឡា

កូនប្រុស Tiger Woods មានសមត្ថភាពខ្លាំង មិនខុសពីឪពុកទាំងខ្លួននៅវ័យក្មេង

បានផុស

១ ខែ មុន

នៅ

ថ្ងៃអង្គារ ៣១ មករា ២០២៣

ដោយ

Charlie Axel Woods កូនប្រុសស្តេចវាយកូនហ្គោល Tiger Woods ដែលបច្ចុប្បន្ន មិនទាន់ពេញកម្លោះ ១៨ ឆ្នាំផងនោះ ត្រូវបានគេមើលឃើញថា មានទេពកោសល្យខ្លាំងមិនធម្មតា និងកំពុងតែស្នងដំណែងពីឪពុករបស់គេ ក្នុងពិភពកីឡាវាយកូនហ្គោល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្មេងប្រុស Charlie Axel Woods បច្ចុប្បន្នមានវ័យ ១៣ ឆ្នាំកើតថ្ងៃទី៨ ខែកុម្ភៈ ឆ្នាំ ២០០៩ ត្រូវជាកូនរបស់តារាវាយកូនហ្គោលលំដាប់ថ្នាក់ពិភពលោក Tiger Woods និងអ្នកស្រី Elin Nordegren ។

ក្មេងប្រុសម្នាក់នេះចាប់ផ្តើមមានភាពល្បីល្បាញតាំងពីអាយុ ៤ ឆ្នាំមកម្ល៉េះ នៅពេលដែលគេត្រូវបានប្រទះឃើញក្នុងព្រឹត្តិការណ៍ប្រកួតវាយកូនហ្គោលជាមូយឪពុក ។ នៅឆ្នាំ ២០២០, Charlie Woods បានចាប់ដៃគូរជាមួយឪពុករបស់គេនៅក្នុងការប្រកួតជើងឯកផ្លូវការមួយឈ្មោះ PNC ដោយវាយក្នុងរយៈចម្ងាយ ១៦០ ម៉ែត្រ ។

នៅឆ្នាំ ២០២០ ដដែល, Charlie Woods បានឈ្នះក្នុងព្រឹត្តិការណ៍វាយកូនហ្គោលរបស់អាមេរិកដោយការវាយបញ្ចូលឡូចំនួន ៥ លើក ។ មិនតែប៉ុណ្ណោះ ក្នុងការប្រកួតអាយុចន្លោះពី ៩ ទៅ ១១ ឆ្នាំ រូបគេក៏បានឈ្នះជើងឯកក្នុងការប្រកួត PGA South Florida ផងដែរ ។

ចំពោះការប្រកួតជាច្រើនផ្សេងទៀតដែល Charlie Axel Woods បានបង្ហាញខ្លួនក្នុងឆ្នាំ ២០២២ នោះមានដូចជា នៅក្នុងកម្មវិធី Hurricane Junior Golf Tour និងក្នុងព្រឹត្តិការណ៍ Junior PGA South Florida រូបគេបានចូលរួមប្រកួតបានចំនួន ៨ ដង ។ មិនតែប៉ុណ្ណោះកូនប្រុសរបស់ Tiger Woods រូបនេះក៏បានចូលរួមនៅក្នុងព្រឹត្តិការណ៍ Notah Begay III Boys’ Jr. Golf National Championship កាលពីចុងឆ្នាំ ២០២២ ផងដែរ ។

ទាក់ទងជាមួយប្រាក់ចំណូលវិញ ទោះបីជានៅក្មេងក៏ដោយ តែតាមរយៈការប្រកួតកន្លងមក រូបគេអាចរកចំណូលបានប្រហែល ១.៥ ទៅ ៥ លានដុល្លារទៅហើយ ។ នេះបើយោងតាមគេហទំព័រ Wealthymint បានចុះផ្សាយ ៕

សូមទស្សនាវីដេអូ!