កីឡា

កីឡាគ្រីឃីតកម្ពុជាដាក់គោលដៅឈ្នះមេដាយមាស៣គ្រឿងពីស៊ីហ្គេម២០២៣

បានផុស

៣ years មុន

នៅ

ថ្ងៃអង្គារ ១៤ កុម្ភៈ ២០២៣

ដោយ

សហព័ន្ធកីឡាគ្រីឃីតកម្ពុជាបានដាក់គោលដៅឈ្នះមេដាយមាសយ៉ាងហោចណាស់ចំនួន៣គ្រឿងពីព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដែលប្រទេសកម្ពុជាធ្វើជាម្ចាស់ផ្ទះលើកដំបូងក្នុងប្រវត្តិសាស្ត្រ។

ថ្លែងក្រោយចប់ពិធីចុះអនុស្សរណៈនៃការយោគយល់គ្នាជាមួយក្រុមហ៊ុន AZ Group លោក Manish Sharma ប្រតិបត្តិករ (CEO) របស់សហព័ន្ធកីឡាគ្រីឃីតកម្ពុជាកាលពីថ្ងៃទី៣ ខែកុម្ភៈនេះថា សម្រាប់ស៊ីហ្គេម លើកទី៣២ នេះកីឡាគ្រីឃីតមានមាន៤វិញ្ញាសា (៤មេដាយមាស) គឺ២វិញ្ញាសាសម្រាប់បុរស និង២វិញ្ញាសាសម្រាប់នារី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ពិតណាស់ យើងចង់ឈ្នះមេដាយមាសទាំង៤គ្រឿង ប៉ុន្តែគ្មាននរណាដឹងមុនឡើយ។ យ៉ាងណា យើងមានការជឿជាក់ខ្លាំង ដែលយ៉ាងហោចណាស់ក៏អាចឈ្នះមេដាយមាស៣គ្រឿងដែរពីស៊ីហ្គេមនៅកម្ពុជានេះ។ យើងនឹងប្រឹងប្រែងឲ្យអស់ពីលទ្ធភាពតាមដែលអាចទៅរួចក្នុងការឈ្នះមេដាយមាសហោចណាស់៣គ្រឿងតាមគោលដៅរបស់យើង»។ លោកបានប្រាប់ពីគោលដៅ។

លោកបានបញ្ជាក់ថា ក្រុមកីឡាគ្រីឃីតកម្ពុជាបាននិងហ្វឹកហាត់ខ្លាំងណាស់។ ក្រៅពីការហ្វឹកហាត់ខ្លាំង ក្រុមគ្រីឃីតកម្ពុជាបានប្រកួតមិត្តភាពជាបន្តបន្ទាប់ ហើយក៏ទទួលបានលទ្ធផលគួរឲ្យកត់សំគាល់។

នេះជាលើកទី២ដែលកីឡាគ្រីឃីតត្រូវបានដាក់បញ្ចូលក្នុងព្រឹត្តិការណ៍កីឡាស៊ីហ្គេម បន្ទាប់ពីលើកទី១កាលស៊ីហ្គេម ឆ្នាំ២០១៧ នៅប្រទេសម៉ាឡេស៊ី ដោយមានត្រឹមតែ៣វិញ្ញាសាប៉ុណ្ណោះ។ ទាំង៣វិញ្ញាសានោះ បុរសអាយុក្រោម២០ឆ្នាំ ប្រទេសសិង្ហបុរីជាម្ចាស់មេដាយមាស, បុរសលើអាយុ៥០ឆ្នាំ ម៉ាឡេស៊ីជាម្ចាស់មេដាយមាស និងនារីអាយុក្រោម២០ឆ្នាំ ថៃជាម្ចាស់មេដាយមាស៕