កីឡា
កម្ពុជាដាក់គ្រូពេទ្យ៨៣៣នាក់និងរថយន្តពេទ្យ១១៤គ្រឿងត្រៀមព្យាបាលឥតគិតថ្លៃក្នុងស៊ីហ្គេម
ក្រសួងសុខាភិបាលបានត្រៀមរថយន្តពេទ្យសង្គ្រោះចំនួន១១៤គ្រឿងសម្រាប់ព្រឹត្តិការណ៍ប្រកួតកីឡាស៊ីហ្គេម លើកទី៣២ ចាប់ពីថ្ងៃទី៥ ដល់ទី១៧ ខែឧសភា ឆ្នាំ២០២៣ ដើម្បីសង្គ្រោះ ព្យាបាលប្រតិភូ អត្តពលិក និងអ្នកចូលរូមទាំងអស់ដោយឥតគិតថ្លៃ។
តាមសេចក្តីជូនដំណឹងរបស់ក្រសួងសុខាភិបាលថា ក្រសួងបានត្រៀមរថយន្តគិលានសង្គ្រោះចំនួន១១៤គ្រឿងសម្រាប់ព្រឹត្តិការណ៍កីឡាស៊ីហ្គេមទាំងមូល។ ក្នុងនោះមានរថយន្តចំនួន៧២គ្រឿងសម្រាប់រាជធានីភ្នំពេញដែលមានកន្លែងប្រកួតច្រើន។ ចំណែករថយន្ត៤២គ្រឿងទៀតនៅតាមបណ្តាខេត្តជាកន្លែងរៀបចំការប្រកួតស៊ីហ្គេម ដូចជាព្រះសីហនុ កំពត កែប និងខេត្តសៀមរាប។
ក្រសួងសុខាភិបាលក៏បានត្រៀមរថយន្តគ្លីនិកចល័ត៩គ្រឿងទៀតដែលមាន៦គ្រឿងនៅរាជធានីភ្នំពេញ និង២គ្រឿងទៀតនៅតាមខេត្ត។ ជាមួយគ្នានេះ ក្រសួងក៏មានតង់សុខភាព១១កន្លែង ក្នុងនោះមាន៩តង់នៅរាជធានីភ្នំពេញ។
ក្រសួងសុខាភិបាលបានត្រៀមមន្ទីរពេទ្យរដ្ឋចំនួន៧ក្នុងរាជធានីភ្នំពេញគឺ មន្ទីរពេទ្យជាតិតេជោសន្តិភាព មន្ទីរពេទ្យកាល់ម៉ែត មន្ទីរពេទ្យមិត្តភាពកម្ពុជា-ចិនព្រះកុសមៈ មន្ទីរពេទ្យមិត្តភាពខ្មែរ-សូវៀត មន្ទីរពេទ្យកុមារជាតិ មន្ទីរពេទ្យព្រះអង្គរឌួង និងមជ្ឈមណ្ឌលជាតិគាំពារមាតា និងទារក។ ចំណែកនៅខេត្តមានមន្ទីរពេទ្យបង្អែក៤គឺមន្ទីរពេទ្យបង្អែកខេត្តសៀមរាប ព្រះសីហនុ កំពត និងកែប។
ព្រមជាមួយគ្នានេះ ក្រសួងសុខាភិបាលបានត្រៀមបុគ្គលិកពេទ្យចំនួន៨៣៣នាក់ ក្នុងនោះនៅរាជធានីភ្នំពេញចំនួន៤៥៧នាក់។
លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមបានបញ្ជាក់ថា គណៈកម្មាធិការជាតិរៀបចំកីឡាស៊ីហ្គេម-អាស៊ានប៉ារ៉ាហ្គេមសហការជាមួយក្រសួងសុខាភិបាលបានត្រៀមបុគ្គលិកពេទ្យ និងរថយន្តគិលានសង្គ្រោះគ្រប់លក្ខណៈទាំងអស់ក្នុងព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម។ សេវាផ្តល់សុខាភិបាលមិនត្រឹមតែសម្រាប់អត្តពលិក ប្រតិភូកីឡា និងភ្ញៀវអន្តរជាតិប៉ុណ្ណោះទេ ប៉ុន្តែសម្រាប់ក្រុមគ្រួសារ និងអ្នកគាំទ្រដោយផ្តល់ការព្យាបាល និងសង្គ្រោះឥតគិតថ្លៃទាំងអស់គ្នា៕
អត្ថបទ៖ វីរបុត្រ
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២១ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ