កីឡា

វីរកីឡាការិនី ស៊ន សៀវម៉ី និងនារីខ្មែរ-អាមេរិក Casandre ប្រកួតថ្ងៃនេះ

បានផុស

១០ ខែ មុន

នៅ

ថ្ងៃអាទិត្យ ១៤ ឧសភា ២០២៣

ដោយ

កីឡាការិនីតេក្វាន់ដូឆ្នើមជម្រើសជាតិកម្ពុជា ស៊ន សៀវម៉ី និងកីឡាការិនីខ្មែរ-អាមេរិក Casandre Nicol Tubbs ត្រូវប្រកួតថ្ងៃនេះនៅ OCIC ជ្រោយចង្វារ បន្ទាប់ពីមិត្តរួមក្រុមមួយចំនួនបានប្រកួតរយៈពេល២ថ្ងៃក្នុងកីឡាស៊ីហ្គេម លើកទី៣២ ឆ្នាំ២០២៣។

រហូតដល់ពេលនេះ មានកីឡាករ កីឡាការិនីតេក្វាន់ដូកម្ពុជាជាច្រើនរូបបានប្រកួតទាំងវិញ្ញាសាសម្តែង និងប្រយុទ្ធ។ ក្នុងនោះ ក្រុមកីឡាតេក្វាន់ដូកម្ពុជាឈ្នះមេដាយប្រាក់២គ្រឿង និងមេដាសំរឹទ្ធ៦គ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ថ្ងៃនេះ កីឡាករ និងកីឡាការិនីជាច្រើនទៀតដែលត្រូវប្រកួតដើម្បីស្វែងរកមេដាយជូនជាតិ។ កីឡាការិនីឆ្នើម ស៊ន សៀវម៉ី ត្រូវប្រកួតក្នុងប្រភេទទម្ងន់+៧៣គីឡូក្រាមដែលជាក្តីសង្ឃឹមរបស់កម្ពុជាក្នុងការទទួលបានមេដាយ ប៉ុន្តែវីរកីឡាការិនីឆ្នើមរូបនេះបានសម្រាកប៉ុន្មានឆ្នាំហើយ ដូច្នេះការវិលត្រឡប់មកវិញអាចមិនមានសមត្ថភាពគ្រប់គ្រាន់ដូចពីមុន។

កីឡាការិនីខ្មែរមកពីសហរដ្ឋអាមេរិក Casandre Nicol Tubbs បានដាក់គោលដៅរកឲ្យបានមេដាយមាសជូនកម្ពុជា បន្ទាប់ពីធ្លាប់ឈ្នះមេដាយប្រាក់១ និងសំរឹទ្ធ២រួចហើយក្នុងកីឡាស៊ីហ្គេម។ កីឡាការិនីរូបនេះប្រកួតក្នុងប្រភេទទម្ងន់+៦៧គីឡូក្រាម។

ខាងក្រោមជាមេដាយដែលតេក្វាន់ដូកម្ពុជាទទួលបានគិតត្រឹមថ្ងៃទី១៣ ខែឧសភា

កីឡាការិនី វឿន ស៊ីថា មេដាយប្រាក់១
កីឡាការិនី ឈឿង អាលីហ្សា មេដាយប្រាក់១
កីឡាករ ឆន គីមហាក់ មេដាយសំរឹទ្ធ១
កីឡាការិនី ម៉ាង កន្នីធីតា មេដាយសំរឹទ្ធ១
អត្តពលិក ឈឿង លីណា, ជុន សុវណ្ណ, កាង ឡាងឈុន, កែវ មុន្នី និង ណាង វណ្ណៈ មេដាយសំរឹទ្ធ១
កីឡាករ មាន ស៊ូសាយិត មេដាយសំរឹទ្ធ១
កីឡាករ ភូ ស៊ូចេង មេដាយសំរឹទ្ធ១
កីឡាការិនី ចេង ប៊ុណ្ណា មេដាយសំរឹទ្ធ១

អត្ថបទ៖ វីរបុត្រ