កីឡា
ចាន់ វឌ្ឍនាកា លើកទឹកចិត្តកីឡាករដទៃទៀត ឲ្យខិតខំរៀនសូត្រ ទោះប្រឡូកវិស័យកីឡាក៏ដោយ
ចាន់ វឌ្ឍនាកា កីឡាករបាល់ទាត់ដ៏ឆ្នើមមួយរូបរបស់ប្រទេសកម្ពុជា បានលើកទឹកចិត្តដល់កីឡាករដទៃទៀត ពិសេសយុវជន ត្រូវតែខិតខំប្រឹងប្រែងសិក្សា រៀនសូត្រ បើទោះបីជាប្រឡូកក្នុងវិស័យកីឡាក៏ដោយ។ ការលើកទឹកចិត្តនេះ ស្របពេលដែលកីឡាករបាល់ទាត់ដ៏ឆ្នើមរូបនេះ បានទទួលសញ្ញាប័ត្រក្នុងថ្ងៃនេះ។
យោងតាមផេកហ្វេសប៊ុកផ្លូវការរបស់កីឡាករបាល់ទាត់ ចាន់ វឌ្ឍនាកា ដែលបានផុសនៅថ្ងៃទី ១៥ ខែឧសភា ឆ្នាំ ២០២៣ នេះ បានសរសេរថា លោកថ្លែងអំណរគុណយ៉ាងជ្រាលជ្រៅចំពោះវត្តមានរបស់គណៈអធិបតី ពិសេសសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា លោក ឌិត ទីណា រដ្ឋមន្ត្រីក្រសួងកសិកម្ម លោកគ្រូ អ្នកគ្រូ និងមហាជនទាំងអស់ នៅក្នុងពិធីប្រគល់សញ្ញាប័ត្រ នៃសាកលវិទ្យាល័យភូមិន្ទកសិកម្ម នៅថ្ងៃនេះ។
ក្នុងនាមជាកីឡាករមួយរូប លោក ចាន់ វឌ្ឍនាកា ពិតជាមានសេចក្ដីត្រេកអរយ៉ាងក្រៃលែង ដែលក្រៅពីវិស័យកីឡា លោកបានបញ្ចប់ការសិក្សាដោយជោគជ័យ និងមោទនភាព ដោយមានការចូលរួមជ្រោមជ្រែងពីអាណាព្យាបាល លោកឪពុក អ្នកម្ដាយរបស់លោក។ ក្នុងនោះ លោកក៏ធ្វើការអរគុណដល់លោកគ្រូអ្នកគ្រូទាំងអស់ ហើយកីឡាកររូបនេះ ប្ដេជ្ញានឹងយកចំណេះដឹងដែលបានរៀនសូត្រ ដើម្បីបម្រើជាប្រយោជន៍ដល់ប្រទេសជាតិ តាមរយៈការចូលរួមសកម្មភាពនានា។
កីឡាករ ចាន់ វឌ្ឍនាកា បានបន្ថែមថា «ខ្ញុំសូមលើកទឹកចិត្តដល់បងប្អូនកីឡាករដទៃទៀត ពិសេសយុវជន ត្រូវតែខិតខំប្រឹងប្រែងសិក្សា រៀនសូត្រ បើទោះបីជាយើងប្រឡូកក្នុងវិស័យកីឡាក៏ដោយ ព្រោះថា ក្រៅពីការលេងកីឡា ការសិក្សាគឺមានសារៈសំខាន់បំផុតក្នុងការជ្រោមជ្រែងទៅដល់ប្រទេសជាតិ ក្នុងនាមពួកយើងគឺជាទំពាំងស្នងឫស្សី»។
សូមជម្រាបថា ចាន់ វឌ្ឍនាការ ជាកីឡាករបាល់ទាត់អាជីពរបស់ កម្ពុជា ដែលដើរតួជាខ្សែប្រយុទ្ធជួរមុខឲ្យបឹងកេតអេហ្វស៊ី និងសម្រាប់ក្រុមជម្រើសជាតិកម្ពុជា។
ចាន់ វឌ្ឍនាការ ត្រូវបានគេស្គាល់ដោយសារល្បឿនជំនាញ និងសមត្ថភាព ក្នុងការស៊ុតបាល់ហ្វ្រីឃីក។ កីឡាករ ចាន់ វឌ្ឍនាការ ត្រូវបានអ្នកគាំទ្រចាត់ទុកជាកីឡាករបាល់ទាត់ឆ្នើមរបស់ប្រទេសកម្ពុជា៕
អត្ថបទ ៖ ពិសី
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១២ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ