កីឡា
លោក Pep Muñoz និយាយពីទម្រង់លេងរបស់ មុន្នីឧត្តម និង Nick Taylor រដូវកាលនេះ
លោក Pep Muñoz កំពុងពេញចិត្តនឹងទម្រង់លេងរបស់ក្លិបព្រះខ័នរាជស្វាយរៀងដែលមិនទាន់បរាជ័យឡើយសម្រាប់ការប្រកួតខេមបូឌានព្រីមៀរលីគ២០២៣-២៤ចំនួន៤សប្តាហ៍កន្លងមក។
ទម្រង់លេងបច្ចុប្បន្នរបស់ព្រះខ័នរាជស្វាយរៀងដែលកំពុងទទួលបានជោគជ័យមាន ខ្សែប្រយុទ្ធជួរមុខ Marcus Haber ជាក្បាលម៉ាស៊ីនរកគ្រាប់បាល់ និង ប្រាក់ មុន្នីឧត្តម ដែលមានខ្សែបម្រើស្លាបឆ្វេង Gabriel Silva និងខ្សែបម្រើស្លាបស្តាំ Nick Taylor បូករួមទាំងបម្រើកណ្តាល Ryo Fujii សហការជាមួយ គួច ដានី និង សេត រ៉ស៊ីប ព្រមទាំងរបាំងការពារដ៏រឹងមាំប្រធានក្រុម សឿយ វិសាល, សារ៉េត គ្រីយ៉ា និង Odawara។
ប្រាក់ មុន្នីឧត្តម កាលពីរដូវកាលមុនមិនសូវជាប់ជម្រើស១១នាក់ដំបូងទេ ហើយកីឡាករខ្មែរ-អាមេរិក Nick ទើបចូលរួមដើមឆ្នាំ២០២៣នេះ ប៉ុន្តែក្នុងការប្រកួតពានរង្វាន់បើករដូវកាលក៏មិនសូវបានជាប់ជម្រើស១១នាក់ដំបូងដែរក្រោមការដឹកនាំរបស់លោក Conor Nester។
ទោះបីជាយ៉ាង ការប្រកួតក្នុងសប្តាហ៍ទី៤ Nick Taylor មិនបានជាប់ជម្រើស១១នាក់ដំបូងទេដោយដាក់ជំនួសកីឡាករឡាវ Bounphachan។ នៅពេលសួរថា តើលោកចាប់អារម្មណ៍យ៉ាងណាចំពោះកីឡាករ មុន្នីឧត្តម និង Taylor ដែលបានជាប់ជម្រើស១១នាក់ដំបូងរបស់លោកក្នុងដើមរដូវកាលនេះ?
លោក Pep Muñoz បានឆ្លើយថា ៖«មុន្នីឧត្ដម និង Nick Taylor បានប្រឹងប្រែងហ្វឹកហាត់ល្អ។ ពួកគេបង្ហាញខ្លួនលើទីលានបានល្អ ទាំងបច្ចេកទេស និងការលេងជាក្រុម។ ជាពិសេសពួកគេលេងត្រូវនឹងទម្រង់ដែលខ្ញុំចង់បាន។ និយាយជារួម កីឡាករព្រះខ័នរាជស្វាយរៀងទាំងមូលគឺធ្វើបានល្អដូចគ្នា មិនមែនមានតែ មុន្នីឧត្ដម និង Nick Taylor ទេ»។
គិតត្រឹមសប្ដាហ៍ទី៤ ខ្សែប្រយុទ្ធ HABER បន្តឈរកំពូលតារាងជាអ្នករកបានគ្រាប់បាល់ច្រើនជាងគេ មាន៦គ្រាប់ និងលេខ២ កីឡាករសញ្ជាតិប្រេស៊ីល OLIVEIRA BASTOS របស់វិសាខាមាន៥គ្រាប់។
៤ប្រកួតកន្លងទៅរបស់ព្រះខ័នរាជស្វាយរៀងគឺឈ្នះក្រសួងការពារជាតិ ០-២, ឈ្នះភ្នំពេញក្រោន ២-១, ឈ្នះណាហ្គាវើលដ៍ ១-០ និងឈ្នះអាយអេសអាយ ដង្កោសែនជ័យ ១-២ ដោយមាន១២ពិន្ទុពេញ ឈរលើកំពូលតារាង។
នៅថ្ងៃទី១៦ ខែកញ្ញា ឆ្នាំ២០២៣ ក្នុងជំនួបសប្ដាហ៍ទី៥ ព្រះខ័នរាជស្វាយរៀងនឹងបើកទ្វារផ្ទះរបស់ទទួលភ្ញៀវមកពីខេត្តសៀមរាបគឺអង្គរថាយហ្គឺរ៕
អត្ថបទ៖ ផា រតនា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ