កីឡា

លោក ពេជ្រ សុផាន់ ចាំមើលក្លឹបថ្មីធ្វើរួចសិនទើបពិចារណារឿងទទួលសិស្សស្រីៗ ឬអត់…

បានផុស

៣ នាទីutes មុន

នៅ

ថ្ងៃចន្ទ ១៤ កក្កដា ២០២៥

ដោយ

លោក ពេជ្រ សុផាន់ ថាឥលូវនេះមិនទាន់ទទួលយកសិស្សស្រីៗមកបង្ហាត់ទេ ព្រោះពិបាករឿងទីកន្លែងស្នាក់នៅជាដើម ប៉ុន្តែចាំមើលក្លឹបថ្មីធ្វើរួចរាល់សិនទើបពិចារណរឿងនេះជាថ្មីទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើហ្វេសបុកគ្រូផាន់

ឆ្លើយតប និងសំនួរអ្នកគាំទ្រថា «លោកគ្រូទទួលយកសិស្សស្រីបង្ហាត់ ឬអត់»? លោក ពេជ្រ សុផាន់ លើកឡើងថា ឥលូវនេះអត់ទទួលយកសិស្សស្រីៗទេ ព្រោះទីកន្លែងបច្ចុប្បន្ននេះមានការលំបាក និងតូចផង។ ប៉ុន្តែរង់ចាំមើលក្លឹបថ្មីសាងសងរួចរាល់សិនប្រហែលជាលោកពិចារណាអំពីរឿងទទួលសិស្សស្រីមកហ្វឹកហាត់គុនខ្មែរជាមួយលោក ឬអត់។

រូបភាពលើហ្វេសបុកគ្រូផាន់

ក្លឹបប្រដាល់ពេជ្រសុផាន់គុនខ្មែរដែលបង្ហាត់ផ្ទាល់ពីលោក ពេជ្រ សុផាន់ គឺជាក្លឹបល្បីឈ្មោះមួយនៅកម្ពុជាដែលមានគេចង់ចូលហ្វឹកហាត់ជាមួយច្រើន ពីព្រោះតែមានកីឡាករល្បីឈ្មោះដូចជា ពេជ្រ សម្បត្តិ ពេជ្រ សឹង្ហៈ ពេជ្រ ប៊ុនសិទ្ធ ពេជ្រ អាទិទេព ជាដើម។ ទាំងទីផ្សារឡើងប្រកួត តម្លៃខ្លួន និងកេរ្តិ៍ឈ្មោះគឺក្លឹបលោក ពេជ្រ សុផាន់ ស្ថិតជាក្លឹបប្រដាល់ឈានមុខគេហើយនៅកម្ពុជាក្នុងពេលនេះ។ ប៉ុន្តែក្លឹបប្រដាល់ល្បីឈ្មោះមួយនេះមិនទាន់សិស្សស្រីៗ ឬកីឡាការិនីណាមួយប្រកួតនោះឡើយ។ អាចថាខាងលើនេះជាហេតុផលមួយដែលក្លឹបលោក ពេជ្រ សុផាន់ មិនមានសិស្សស្រីៗកន្លងមក។

រូបភាពលើហ្វេសបុកគ្រូផាន់

បញ្ជាក់ដែរថា ក្លឹបប្រដាល់ពេជ្រសុផាន់គុនខ្មែរដែលកំពុងបង្ហាត់សិស្សកន្លងមកនេះគឺលោកជួលដីគេមួយកន្លែងក្បែរពន្ធនាគារព្រៃស។ ឥលូវនេះ លោក ពេជ្រ សុផាន់ បានដីផ្ទាល់ខ្លួនមួយកន្លែងក្បែរៗក្លឹបចាស់ និងកំពុងសាងសង់ទីតាំងក្លឹបថ្មីជាដំណាក់កាលៗនៅពេលរួចរាល់នឹងផ្លាស់ទៅក្លឹបថ្មីនេះវិញ៕

អត្ថបទដោយ៖ នួន ស៊ីណា