កីឡា

គោរមៈ ច័ន្ទរាជ្យ យកការប្រកួតមួយនេះបង្ហាញពិភពលោកថា «កម្ពុជាមិនចង់មានសង្គ្រាមទេ»

បានផុស

១០ ខែ មុន

នៅ

ថ្ងៃចន្ទ ៤ សីហា ២០២៥

ដោយ

កីឡាករជើងខ្លាំងវ័យក្មេង គោរមៈ ច័ន្ទរាជ្យ យកការប្រកួតមួយនេះបង្ហាញទៅកាន់ពិភពលោកថា «កម្ពុជាមិនចង់មានសង្គ្រាមទេ» និងផ្ញើជូនជ័យជម្នះទទួលបានខ្សែក្រវាត់នេះជូនវីរៈកងទ័ពដែលបានពលីជីវិត និងប្រជាជនកម្ពុជាដែលជួបទុក្ខលំបាកថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ គោរមៈ ច័ន្ទរាជ្យ

គោរមៈ ច័ន្ទរាជ្យ បានឲ្យដឹងថា ការប្រកួតនៅឯវៀតណាមនេះគឺតានតឹង និងលំបាកក្នុងការយកជ័យជម្នះលើកីឡាករម៉ាឡេស៊ី Tan bo Meng ព្រោះដៃគូល្អចាប់ និងបុកខ្លាំងពីដើមទឹកទី១ មកម្ល៉េះ។ ប៉ុន្តែការខំប្រឹងតស៊ូការពារ និងវាយកែងបានល្អទើបធ្វើឲ្យកីឡាករ ម៉ាឡេស៊ី ខ្លាចកែង និងស្រុតកម្លាំងម្ដងបន្តិចៗរហូតខ្លួនអាចផ្ដួលឲ្យអាជ្ញាកណ្ដាលបញ្ឈប់ការប្រកួតតែម្ដង។

កីឡាករ គោរមៈ ច័ន្ទរាជ្យ និងអ្នកគាំទ្រ

ការប្រកួតនៅឯវៀតណាមនេះគឺមានសារសំខាន់ចំពោះខ្លួនជាខ្លាំង ព្រោះជាការដណ្ដើមជ័យជម្នះជូនប្រជាជនកម្ពុជា បង្ហាញពីក្បាច់គុនខ្មែរ និងជាការផ្ញើសារទៅកាន់ពិភពលោកថា «ប្រទេសកម្ពុជារបស់ខ្ញុំមិនចង់មានសង្គ្រាមទេ» ដូច្នេះហើយបើទោះជាពិបាកខ្លាំងក៏ត្រូវតស៊ូយកឈ្នះដែរ។ សម្ដី គោរមៈ ច័ន្ទរាជ្យ

គោរមៈ ច័ន្ទរាជ្យ រិន សារ័ត្ន និងអ្នកគាំទ្រ

កូនសិស្សលោក ហ៊ុន ច័ន្ទរាជ្យ បន្ថែមទៀតថា សូមប្រជាជនកម្ពុជាទាំងអស់រីករាយនូវជ័យជម្នះមួយនេះបន្ទាប់ពីការលំបាកទាំងផ្លូវកាយ និងផ្លូវចិត្ត នាពេលកន្លងមកពីការឈ្លានពានរបស់ប្រទេសជិតខាងកាលពីប៉ុន្មានថ្ងៃមុននេះតាមបណ្ដោយព្រំដែន។

លោក ហ៊ុន ច័ន្ទរាជ្យ និងសិស្ស

បញ្ជាក់ដែរថា កាលពីយប់ថ្ងៃទី២ ខែសីហា ឆ្នាំ២០២៥ កីឡាករ គោរមៈ ច័ន្ទរាជ្យ បានផ្ដួលកីឡាករម៉ាឡេស៊ី ឲ្យអាជ្ញាកណ្ដាលបញ្ឈប់នៅទឹកទី២ នៃការប្រកួតដណ្ដើមខ្សែក្រវាត់ GMA នៅឯទីក្រុងហូជីមិញ ប្រទេសវៀតណាម។ ឥលូវនេះគ្រូបង្វឹក កីឡាករកម្ពុជាទាំង ៣រូបបានវិលត្រឡប់មកកាន់ប្រទេសកម្ពុជាវិញហើយកាលពីល្ងាចថ្ងៃទី៣ ខែសីហា ឆ្នាំ២០២៥ នេះ៕

អត្ថបទដោយ៖ នួន ស៊ីណា