កីឡា

សង្វៀនគុនចម្រុះ GMA- Gods of Martial Arts នឹងល្បីក្លាយជាកម្មវិធីធំមួយនៅវៀតណាម

បានផុស

១០ ខែ មុន

នៅ

ថ្ងៃអង្គារ ៥ សីហា ២០២៥

ដោយ

លោក ហ៊ុន ច័ន្ទរាជ្យ គិតថាកម្មវិធី GMA- Gods of Martial Arts នឹងល្បីក្លាយជាកម្មវិធីធំមួយឯប្រទេសវៀតណាម នៅថ្ងៃខាងមុខ ព្រោះការរៀបចំថ្មីប្លែកហ៊ានចំណាយច្រើន និងពិសេសមានប្រទេសចូលរួមច្រើនក្នុងការប្រកួតម្ដងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើផេក GMA

លោក ហ៊ុន ច័ន្ទរាជ្យ បានឲ្យដឹងថា កម្មវិធីប្រដាល់គុនចម្រុះ GMA- Gods of Martial Arts អាចនឹងក្លាយជាកម្មវិធីធំមួយនៅប្រទេសវៀតណានៅថ្ងៃមុខនេះជាមិនខាន។ ព្រោះម្ចាស់កម្មវិធីរៀបចំនេះយកចិត្តទុកដាក់ និងមានទំនាក់ទំនងជាមួយកីឡាករតាមបណ្ដាប្រទេសផ្សេងៗ។ បើទោះជាកម្មវិធីទើបតែបង្កើតឡើងយ៉ាងណាក្ដី ប៉ុន្តែទាក់ទាញការចាប់អារម្មណ៍ច្រើនទាំងប្រជាជនវៀតណាម និងភ្ញៀវបរទេសចូលទស្សនាពីមួយប្រកួតទៅមួយប្រកួត។

រូបភាពលើផេក GMA

បន្ថែមពីនេះអ្នករៀបចំកម្មវិធី GMA- Gods of Martial Arts រៀបចំតុបតែង និងបញ្ចូលនូវសិល្បៈថ្មីប្លែកអារម្មណ៍ជាងបណ្ដាសង្វៀនប្រកួតពីមុនៗមក។ ធំជាងនេះគឺការហ៊ានចំណាយច្រើនលើការរៀបចំការប្រកួតដណ្ដើមខ្សែក្រវាត់ជាច្រើនគ្រឿងបែបនេះ។ យោងលើហេតុផលខាងលើនេះគ្រូបង្ហាត់ប្រចាំក្លឹប Cambodian Top Team រូបនេះជឿជាក់ថានៅថ្ងៃមុខកម្មវិធី GMA នេះនឹងល្បីខ្លាំង។

រូបភាពលើផេក GMA

បើតាមការបញ្ជាក់ពីលោក ហ៊ុន ច័ន្ទរាជ្យ កម្មវិធីប្រដាល់គុនចម្រុះ GMA- Gods of Martial Arts ជាកម្មវិធីមួយទើបនឹងបង្កើតប៉ុណ្ណោះ។ កម្មវិធីប្រកួតចុងក្រោយនេះធ្វើឡើងកាលពីថ្ងៃទី២ ខែសីហា ឆ្នាំ២០២៥ ដោយរៀបចំឡើងនៅ Lien Phong ទីក្រុងហូជីមិញ ប្រទេសវៀតណាម។ ប្រទេសចូលរួមក្នុងថ្ងៃនោះរួមមានម្ចាស់ផ្ទះ វៀតណាម កម្ពុជា ម៉ាឡេស៊ី មីយ៉ាន់ម៉ា ថៃ និងឥណ្ឌូណេស៊ី។ កីឡាករកម្ពុជា ៣រូបក៏បានចូលរួមក្នុងការប្រកួតនោះដែរដោយ គោរមៈ ច័ន្ទរាជ្យ ដណ្ដើមបានខ្សែក្រវាត់ GMA ១ខ្សែមកកាន់មាតុភូមិវិញ៕