អ្នកជំនាញក្នុងវិស័យនេះ បាន​ព្រមាន​ថា​ ​នឹង​មាន​ការធ្លាក់ចុះនៃការលក់ក្នុងរយៈពេល ១ ទៅ ២ ខែខាងមុខ ជាពិសេសសម្រាប់គម្រោងអភិវឌ្ឍន៍អាគារ​ខ្ពស់ៗ​ ដោយសារតែ​ការធ្លាក់ទំនុកចិត្តរបស់​អ្នកប្រើ​ប្រាស់។ ​

ការរញ្ជួយដី ៧,៧ រុិចទ័រនៅមីយ៉ាន់ម៉ា បាន​សម្រាប់មនុស្សជាង ២ ០០០ នាក់ និង​បាន​បង្កការបាក់អាគារកំពុងសាងសង់កម្ពស់ ៣០ ជាន់ នៅទីក្រុងបាងកក​ ដោយសម្លាប់មនុស្សជាង ១០ នាក់ និងសង្កត់កម្មករជាច្រើននាក់ទៀត​ក្នុងគំនរបាក់បែក​។ ការរញ្ជួយកាលពីថ្ងៃសុក្រ បាន​បង្កជាភាព​ចលាចលទូទាំងរាជធានីរបស់​ថៃ ដោយ​ធ្វើឱ្យ​មនុស្សម្នារត់ចេញពីក្នុងសំណង់អាគារ​ផ្សេងៗ។ វិដេអូជាច្រើនដែលគេចែកចាយលើបណ្ដាញសង្គម បាន​បង្ហាញថា សំណង់អាគារខ្ពស់ៗ​បាន​រំយោលចុះឡើង ដោយសារតែកម្លាំងនៃការរញ្ជួយដី។

ក្រោយហេតុការណ៍នេះ​ អភិបាល​ក្រុង​បាងកក លោក Chadchart Sittipunt បាន​ព្រមាន​ពីផលប៉ះពាល់លើ​សំណង់អាគារខ្ពស់ៗ ដែលត្រូវការការត្រួតពិនិត្យ ខណៈមាន​ការរាយការណ៍ថា​ អាគារ​ប្រមាណ ១៦៩ កន្លែង បាន​ប្រេះបែក ប៉ុន្តែមិន​ប៉ះពាល់ដល់គ្រោងសំណង់នោះទេ។ នេះបើតាម​ការចុះផ្សាយរបស់ The Nation។

នាយកផ្នែកស្រាវជ្រាវ និងទំនាក់ទំនងនៃក្រុមហ៊ុនគ្រប់គ្រងការវិនិយោគ Colliers International Thailand លោក Phattarachai Taweewong បានពណ៌នាការរញ្ជួយដីថាជា «កត្តាអវិជ្ជមានដ៏​ធ្ងន់ធ្ងរ» ដែលជះឥទ្ធិពលលើទីផ្សារ ដែល​មាន​អចលនទ្រព្យ​លក់មិនទាន់ចេញ​រួច​ស្រេច​ហើយ។ លោករំពឹងថា ការលក់ខុនដូនៅក្នុងឆមាសទី ១ នៃឆ្នាំនេះ នឹងធ្លាក់ចុះពីការព្យាករទុក​ ​ចំពេល​អ្នកទិញស្វែងរកការធានាឡើងវិញ អំពីសុវត្ថិភាពអគារ។

លោក Phattarachai បានពន្យល់ថា៖ «ឥឡូវនេះ ​អតិថិជន​ផ្តល់អាទិភាពលើភាព​មាំទាំនៃរចនាសម្ព័ន្ធ និងភាពធន់នឹងការរញ្ជួយដីរបស់អាគារ​។ ពួកគេទាមទារការធានា​​ទំនុកចិត្តលើគុណភាពសំណង់ និងវិធានការកាត់បន្ថយគ្រោះមហន្តរាយ ប្រកបដោយប្រសិទ្ធភាព»។

គេមើលឃើញថា ស្ថានភាព​បច្ចុប្បន្ន​ បានជំរុញឱ្យមានការអំពាវនាវឱ្យមានការចាត់វិធានការភ្លាមៗពីរដ្ឋាភិបាល និងអ្នកអភិវឌ្ឍន៍ ដើម្បីស្ដារទំនុកចិត្តទីផ្សារឡើងវិញ។ អ្នកជំនាញស្នើឱ្យអនុវត្តគោលការណ៍អគារតឹងរុឹង ផ្តល់ការគាំទ្រផ្នែកហិរញ្ញវត្ថុសម្រាប់ការកែលម្អរចនាសម្ព័ន្ធ និងផ្តល់ព័ត៌មានច្បាស់លាស់ដល់អ្នកទិញ អំពីការសាងសង់ដែលធន់នឹងការរញ្ជួយដី។

ប្រធានផ្នែកស្រាវជ្រាវ និងប្រឹក្សានៅក្រុមហ៊ុនសេវាកម្មអចលនទ្រព្យ​ Cushman & Wakefield Thailand លោក Surachet Kongcheep បានសង្កត់ធ្ងន់ថា ការពិចារណាអំពីការរញ្ជួយដីនៅពេលនេះ នឹងក្លាយជាកត្តាសំខាន់ក្នុងការសម្រេចចិត្តទិញខុនដូ៕

The post ​ការលក់ខុនដូរនៅក្រុងបាងកក រំពឹង​ធ្លាក់ចុះ ជុំវិញក្ដីបារម្ភពីការរញ្ជួយដី appeared first on Kampuchea Thmey Daily.

ក្នុងក្ដីបារម្ភ​បែប​នេះ សមាគមសណ្ឋាគារថៃបាននិយាយថា ការមកដល់របស់ភ្ញៀវទេសចរអន្តរជាតិ​រំពឹងថានឹងធ្លាក់ចុះពី ១០-១៥ ភាគរយ ឬ​ច្រើន​ជាង​នេះ ក្នុងរយៈពេល​ ២ សប្ដាហ៍ខាង​មុខ​ ​ខណៈ​​ឥទ្ធិពល​នៃ​ការរញ្ជួយ​លើ​ទីក្រុង​បាងកក និង​កន្លែងទេសចរណ៍ផ្សេងៗទៀត បង្កើន​ក្ដីបារម្ភ​ផ្នែក​សុវត្ថិភាព​ និង​មនោសសញ្ចេតនារបស់​ភ្ញៀវទេសចរ។ ​

ប្រធានសមាគម លោក Thienprasit Chaiyapatranun បាននិយាយថា ប្រហែល ១០ ភាគរយ​ នៃភ្ញៀវ​ទេសចរបរទេស បាន​​ចេញ​ពីសណ្ឋាគារភ្លាមៗបន្ទាប់ពីការរញ្ជួយដី។ យ៉ាងណាមិញ លោក​និយាយថា​ ​​ភ្ញៀវ​ទេសចរ​មួយ​ចំនួន​ក្រោយ​មក​ បាន​ត្រឡប់​មកវិញ​ ដោយសារតែគ្មាន​ជម្រើសផ្សេងទៀត​។

លោក​បន្តថា​ ផលប៉ះពាល់រយៈពេល​ខ្លី​សម្រាប់វិស័យទេសចរណ៍ថៃនោះ បណ្ដាល​មក​ពីក្ដីបារម្ភសុវត្ថិភាព​ ហើយ​នឹង​ប៉ះពាល់ដល់​សេដ្ឋកិច្ចទេសចរណ៍របស់​ថៃ ជា​ពិសេស​វិស័យការងារ។

គួរគូស​បញ្ជាក់ថា​ គ្រោះរញ្ជួយដីកាលពីថ្ងៃសុក្រ (២៨ មីនា) បាន​សម្លាប់មនុស្ស​ប្រមាណជិត ៣ ០០០ នាក់ ក្នុងប្រទេសមីយ៉ាន់ម៉ា គិតត្រឹមថ្ងៃទី ៣១ ខែមីនា ​និង​ប្រមាណ ១០ នាក់ នៅក្នុងប្រទេស​ថៃដោយសារការបាក់រលំអាគារកម្ពស់ ៣០ ជាន់ ដែល​គេ​កំពុងសាងសង់​ ខណៈមនុស្ស​​រាប់ពាន់​នាក់​បាន​បាត់ខ្លួន ​ភាគច្រើន​នៅមីយ៉ាន់ម៉ា​ ឬ​មិនទាន់ជួយសង្រ្គោះពីក្នុងគំនរបាក់បែក។

ក្រោយ​ហេតុការណ៍នេះ​កើតឡើង អាជ្ញាធរ​ថៃ​បាន​ធានា​ដល់​ភ្ញៀវ​ទេសចរ​បរទេស។ រដ្ឋមន្ត្រីក្រសួងទេសចរណ៍ និងកីឡា លោក Sorawong Thienthong បាននិយាយកាលពីថ្ងៃសៅរ៍ថា ប្រទេសនេះមានសុវត្ថិភាពសម្រាប់ភ្ញៀវទេសចរ ដោយបន្ថែមថា រដ្ឋាភិបាលបានបញ្ជាឱ្យធ្វើការត្រួតពិនិត្យ​សុវត្ថិភាពនៃសណ្ឋាគារ និងតំបន់ទេសចរណ៍សំខាន់ៗ។

គួររំឭកថា​ អ្នកជំនាញថៃ​បាន​ព្រួយបារម្ភខ្លាំង​រួច​ម្ដង​ហើយកាលពីដើមឆ្នាំនេះ នៅពេល​ភ្ញៀវទេសចរចិន​ជាច្រើន​លុបចោលដំណើរកំសាន្តរបស់​ខ្លួន​ក្នុងប្រទេស​នេះ ជុំវិញ​ករណី​ឧក្រិដ្ឋកម្ម​ជួញដូរ​មនុស្សទៅមីយ៉ាន់ម៉ាដោយ​ប្រើប្រាស់ថៃ​ជា​ច្រក​ផ្លូវ ពាក់ព័ន្ធ​នឹង​ករណីចាប់ខ្លួន​តួសម្ដែង​ និងម៉ូដែលចិន​។ ក្រោយ​ការណ៍នេះ​ អាជ្ញាធរ​ថៃបាន​បើក​ការបង្រ្កាប​ទ្រង់ទ្រាយធំលើកន្លែង​បោកប្រាស់អនឡាញ​តាមបណ្ដោយ​ព្រំដែន​ជាមួយ​ប្រទេសជិតខាង​ និងបាន​កាត់បន្ថយ​ចំនួន​ថ្ងៃ​នៃការ​ចូលមក​ប្រទេស​ថៃ​ដោយ​គ្មាន​ទិដ្ឋាការជាដើម។

លោក Thienprasit ​បាន​និយាយថា​ ការ​កក់​សណ្ឋាគារ​ក្នុង​អំឡុង​ពេល​ពិធីសង្រ្កាន្តថៃ​​នៅ​ខែ​ក្រោយ​ ​ក៏ស្ថិត​នៅក្នុងស្ថានភាព​មិន​ល្អ​ទេ​បើ​ធៀប​នឹង ២ ​ឆ្នាំ​មុន ហើយ​ការ​ព្រួយ​បារម្ភ​សុវត្ថិភាព​ក្រោយ​រញ្ជួយ​ដី​អាច​ប៉ះពាល់​ដល់​ទំនុក​ចិត្ត​ភ្ញៀវ​បរទេស​ថែម​ទៀត​៕

The post ការរញ្ជួយដី​ បង្កើន​ការ​គំរាមកំហែងដល់ទេសចរណ៍​ថៃ appeared first on Kampuchea Thmey Daily.

អគារសវនកម្មកម្ពស់៣០ជាន់ដែលកំពុងសាងសង់ក្នុងទីក្រុងបាងកក បានបាក់រលំ ដោយគ្រោះរញ្ជួយដីកម្រិត៧.៧រ៉ិចទ័រ ដែលជះឥទ្ធិពលមកពីប្រទេសមីយ៉ាន់ម៉ា កាលពីថ្ងៃសុក្រទី២៨ខែមីនាឆ្នាំ២០២៥។

ក្រុមរុករកបានរកឃើញមនុស្សស្លាប់ចំនួន៩នាក់ពីការបាក់អគារនេះ ខណៈ៧៨នាក់បាត់ខ្លួន ហើយគ្រឿងចក្ររាប់សិបគ្រឿងត្រូវបានបញ្ជូនទៅ ដើម្បីជួយដល់ប្រតិបត្តិការសង្គ្រោះ។

ជុំវិញបញ្ហានេះ Suriyan Rawiwan ប្រធាននាយកដ្ឋានពន្លត់អគ្គិភ័យនិងជួយសង្គ្រោះទីក្រុងបាងកក និយាយថា «ពេលវេលាជួយសង្គ្រោះត្រូវបានកំណត់នៅត្រឹម៧២ម៉ោងប៉ុណ្ណោះ ដោយសារតែភាពអត់ឃ្លាននិងការខ្វះជាតិទឹក នៃអ្នកជាប់នៅក្នុងនោះ។ ជនរងគ្រោះអាចប្រឈមនឹងការស្លាប់ ប្រសិនបើប្រតិបត្តិការជួយសង្គ្រោះ ប្រើពេលយូរជាងនេះ។ យ៉ាងណា គេមិនទាន់អាចបញ្ជូនទឹកនិងស្បៀង ទៅដល់ចំណុចដែលគេរកសញ្ញាជីវិតនៅឡើយទេ ដោយសារវាមានជម្រៅប្រហែលបីម៉ែត្រឯណោះ។

សូមជម្រាបជាថ្មី គ្រោះរញ្ជួយនេះកម្រិតធ្ងន់នេះ មានចំណុចកណ្តាលនៅទីក្រុង Sagaing នៃប្រទេសមីយ៉ាន់ម៉ា ជាមួយជម្រៅ ១០គីឡូម៉ែត្រ ហើយវាធ្វើឲ្យរង្គើខ្លាំងដល់រាជធានីបាងកក នៃប្រទេសថៃ។ 

គិតត្រឹមព្រឹកថ្ងៃអាទិត្យទី៣០ខែមីនាឆ្នាំ២០២៥ នៅប្រទេសមីយ៉ាន់ម៉ា តួលេខមនុស្សស្លាប់បានកើនដល់ជាង ១ ០០០នាក់ហើយ៕

អត្ថបទ៖ សុខ សុវណ្ណ

ចុចអាន៖ អាជ្ញាធរ​ក្រុង​បាងកក​ ប្រកាស​ថា ខុនដូ​ចំនួន​៦​គ្មាន​សុវត្ថិភាព​ទៀត​ឡើយ​​បន្ទាប់​ពី​រញ្ជួយ​ដី

The post រកឃើញសញ្ញាមនុស្សមានជីវិត១៥នាក់ កប់ក្រោមអគារបាក់ ដោយរញ្ជួយដីនៅ បាងកក appeared first on Kampuchea Thmey Daily.

លោកបន្តថា អាជ្ញាធរ​ថៃមិន​ទាន់អាច​ប្រាប់ពីព័ត៌មាន​ច្បាស់លាស់ អំពីចំនួន​ដែល​រង​ផលប៉ះពាល់បាន​ទេ ខណៈ​ការត្រួតពិនិត្យ​កំពុងរៀបចំដំណើរការ​។ លោក​បាន​ជំរុញ​ឱ្យ​ពលរដ្ឋ​មាន​ការប្រុងប្រយ័ត្ន។

គួរគូស​បញ្ជាក់ថា ការរញ្ជួញដីនៅភាគកណ្ដាលនៃមីយ៉ាន់ម៉ា បាន​បង្កការរំញ័រដល់ប្រទេសជិតខាងផ្សេងៗទៀតរួមមាន​ថៃ បង់ក្លាដែស ឡាវ និងឥណ្ឌាជាដើម។

​ការ​រំញ័រនៅក្រុងបាងកក បាន​បណ្ដាលឱ្យអាគារ​ខ្ពស់កម្ពស់ ៣០ ជាន់ ​កំពុងសាងសង់មួយ ​ដួលរលំ។ ​ក្រុមអ្នក​ជួញសង្គ្រោះបន្ទាន់របស់ថៃបាន​ឱ្យដឹងនៅម៉ោង ៤ រសៀលនេះ​ថា​ មនុស្ស ២ នាក់បាន​ស្លាប់ ខណៈជាច្រើននាក់ត្រូវជាប់គាំង​ក្នុងគំនរបាក់បែក។ មាន​សេចក្ដីរាយការណ៍ខ្លះថា​ មាន​មនុស្សប្រមាណ ៤៣ នាក់ជាប់នៅក្នុងនោះ៕

The post ​ការរញ្ជួយដីនៅ​បាងកក​ បង្កការ​ខូច​ខាត​ដល់អាគារជាច្រើនក្នុងក្រុង appeared first on Kampuchea Thmey Daily.

ទិន្នន័យសរុបនេះ ត្រូវបានមន្ទីរតាមដានរញ្ជួយដីនៃនាយកដ្ឋានឧតុនិយមថៃ កត់ត្រាត្រឹមម៉ោង៣:៤៦នាទីរសៀលថ្ងៃចន្ទ ខណៈការរញ្ជួយទាំងអស់ មានកម្រិតចាប់ពី ១.៧ ទៅ ៣.៤ រ៉ិចទ័រប៉ុណ្ណោះ។

ម្យ៉ាងវិញទៀត ការរញ្ជួយទាំងអស់ សុទ្ធតែមានជម្រៅ១គីឡូម៉ែត្រនិងចំណុចកណ្តាលក្នុងឃុំ Wiang Nuea នៃស្រុក Pai ហើយការរញ្ជួយ២លើកចុងក្រោយគឺមានកម្រិត២.២និង២.៥រ៉ិចទ័រ។

ដោយសារតែការរញ្ជួយទាំងអស់សុទ្ធមានកម្រិតស្រាល ដូច្នេះវាមិនបង្កគ្រោះថ្នាក់ដល់មនុស្ស ឬបណ្តាលឲ្យខូចខាតសំណង់ហេដ្ឋារចនាសម្ព័ន្ធនិងផ្ទះសម្បែងទេ។

យ៉ាងណា លោក Niran Chaikul ប្រធាន​អង្គការ​រដ្ឋបាល​ឃុំ Wiang Nuea ​និយាយ​ថា ត្បិតការ​អង្កេត​ដំបូង​របស់​អាជ្ញាធរ​ មិនបាន​ឃើញ​ការ​ខូចខាត​រចនាសម្ព័ន្ធ​ឯកជន ឬ​សាធារណៈ​ក៏ដោយ ប៉ុន្តែលោក​បាន​ណែនាំ​ឲ្យ​មន្ត្រី​រដ្ឋបាល ​ចុះ​ពិនិត្យ​លម្អិត​លើ​តំបន់​ដែល​រង​ការ​រញ្ជួយ​ដី​ក្នុង​ដែន​សមត្ថកិច្ច​របស់​ខ្លួន។

ពាក់ព័ន្ធនៃការរញ្ជួយដីនេះដែរ នាយកដ្ឋានសង្កេតការរញ្ជួយដីបានសន្មតថា មូលហេតុគឺបណ្តាលមកពីចលនានៅតាមខ្សែបន្ទាត់ Wiang Haeng ក្នុងខេត្តឈៀងម៉ៃ។

សូមបញ្ជាក់ជាថ្មី ប្រទេសថៃ ឧស្សាហ៍កើតគ្រោះរញ្ជួយដីញឹកញាប់ដែរ ក្នុងរយៈពេលប៉ុន្មានឆ្នាំមកនេះ ប៉ុន្តែភាគច្រើនមានកម្រិតស្រាល ហើយបង្កការខូចខាតតិចតួចប៉ុណ្ណោះ។ ការរញ្ជួយដីខ្លាំងបំផុត គឺកើតឡើងកាលពីខែឧសភា ឆ្នាំ ២០១៤ ជាមួយកម្រិត ៦.៣ រ៉ិចទ័ ក្នុងស្រុក Mae Lao ខេត្តឈៀងម៉ៃ ដោយបានសម្លាប់មនុស្សម្នាក់ និងរបួសជាង ១០០ នាក់៕

អត្ថបទ៖ សុខ សុវណ្ណ

ចុចអាន៖ ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក

The post ថៃ កើតរញ្ជួយដី ផ្ទួនៗថែមទៀត appeared first on Kampuchea Thmey Daily.

លោក​ប្រធានាធិបតីបន្ត​ថា​ “​យើង​នឹង​ចាប់ផ្តើម​ការងារ​សាងសង់​ភ្លាមៗ ​នៅ​កន្លែង​ណា​ដែល​ការ​វាយ​តម្លៃនៃ​ការ​ខូចខាត​ត្រូវ​បាន​បញ្ចប់​ ដូច្នេះចាប់ពី​ដើមខែ​មីនា​នេះ​ទៅ យើង​នឹងធ្វើការ​សាងសង់​អគារ​លំនៅដ្ឋាន​ចំនួន ៣ ម៉ឺនខ្នង​ភ្លាមៗ​” ។

លោក Erdogan បាននិយាយថា ៩៨ ភាគរយនៃអគារដែលបានដួលរលំ ដោយសារមហន្តរាយរញ្ជួយដីនាពេលថ្មីៗនេះ ត្រូវបានសាងសង់ឡើង នៅមុនឆ្នាំ ១៩៩៩ ។

លោកបញ្ជាក់ថា គោលដៅរបស់យើងសម្រាប់ការសាងសង់ គឺនឹងប្រើរយៈពេល ១ ឆ្នាំដើម្បីឲ្យអគារសំណង់នោះមានគុណភាពខ្ពស់ និងមានសុវត្ថិភាព ជាពិសេសនឹងអាចដោះស្រាយបញ្ហាផ្សេងៗនៅក្នុងតំបន់រញ្ជួយដីទាំងមូល ។

គួរបញ្ជាក់ថា គិតត្រឹមពេលនេះ ចំនួនអ្នកស្លាប់ ដោយសារការរញ្ជួយដីនៅភាគអាគ្នេយ៍នៃប្រទេសតួកគី បានកើនឡើងដល់ជាង ៣៥,៤០០ នាក់ហើយ ដែលធ្វើឲ្យវាក្លាយជាគ្រោះមហន្តរាយបំផ្លិចបំផ្លាញបំផុតនៅក្នុងប្រវត្តិសាស្ត្ររបស់ប្រទេស ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ប្រធានាធិបតី តួកគី តម្រូវឲ្យអនុវត្តច្បាប់សាងសង់ កាន់តែតឹងរ៉ឹងទូទាំងប្រទេស

The post មកដឹងចំនួនអគារលំនៅដ្ឋានដែល តួកគី ត្រូវសាងសង់ឡើងវិញក្នុងតំបន់​រញ្ជួយដី appeared first on Kampuchea Thmey Daily.

លោក Tony Nemer អ្នកភូគព្ភវិទូនៅសាកលវិទ្យាល័យ Beirut American ក្នុងរដ្ឋធានីលីបង់បានប្រាប់សារព័ត៌មាន Anadolu ថា “ទីតាំងរបស់ខ្សែបន្ទាត់ដែលបានប្រេះ និងបង្កជាគ្រោះរញ្ជួយដីនៅតួកគីមានប្រវែងជិត ៣៥០ គីឡូម៉ែត្រ ខណៈផ្ទៃដីសរុបរបស់ប្រទេសលីបង់មានចំនួន ១០,៤៥២ គីឡូម៉ែត្រការ៉េ” ។

ដោយឡែកយោងតាមអនុប្រធានាធិបតីតួកគីលោក Fuat Oktay បាននិយាយនៅថ្ងៃសុក្រនេះថា សម្រាប់តែក្នុងប្រទេសតួកគី ចំនួនមនុស្សស្លាប់បានកើនឡើងដល់ ១៧,៦៧៤ នាក់ហើយ ខណៈអ្នករងរបួសវិញមានចំនួនរហូតដល់ ៧២,៨៧៩ នាក់ ។

ចំណែកក្រុមមួកសបានឲ្យដឹងថា នៅក្នុងប្រទេសស៊ីរី មនុស្សយ៉ាងតិច ៣,៣៧៧ នាក់បានស្លាប់ ក្នុងនោះ ២,០៣០ នាក់ស្លាប់ក្នុងតំបន់កាន់កាប់ដោយក្រុមឧទ្ទាមនៅភាគពាយព្យ ខណៈ ១,៣៤៧ នាក់បានស្លាប់នៅក្នុងតំបន់ដែលគ្រប់គ្រងដោយរដ្ឋាភិបាលនៃប្រទេសស៊ីរី ។

គួរបញ្ជាក់ថា គ្រោះមហន្តរាយនៅប្រទេសតួកគី និងស៊ីរីបានក្លាយជាការរញ្ជួយដីសម្លាប់មនុស្សច្រើនបំផុតរបស់ពិភពលោក្នុងរយៈពេលជាង ១ ទសវត្សរ៍មកនេះ ខណៈរហូតមកដល់ពេលនេះចំនួនមនុស្សស្លាប់បានកើនលើស ២ ម៉ឺននាក់ហើយ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ទារិកាជីវិតថ្លៃកើតក្រោមគំនរបាក់បែក ត្រូវគេដាក់ឈ្មោះឲ្យ ខណៈមនុស្សរាប់ពាន់នាក់ សុំយកទៅចិញ្ចឹម

The post តំបន់ប៉ះពាល់ក្នុងគ្រោះរញ្ជួយដីនៅ តួកគី ធំជាងផ្ទៃដីសរុបប្រទេសលីបង់ ២ ដង appeared first on Kampuchea Thmey Daily.

លោក Erdogan បាននិយាយនៅលើបណ្ដាញសង្គម Twitter ថា “ដោយសារការរញ្ជួយដីដែលបានកើតឡើងនៅក្នុងប្រទេសរបស់យើងកាលពីថ្ងៃទី ៦ ខែកុម្ភៈ ខ្ញុំសូមប្រកាសកាន់ទុក្ខចំពោះសោកនាដកម្មនេះ នៅទូទាំងប្រទេសរយៈពេល ៧ ថ្ងៃ” ។

យ៉ាងហោចណាស់មនុស្ស ២,៣៧៩ នាក់បានស្លាប់ និង ១,៤៤៨៣ នាក់ផ្សេងទៀតបានរងរបួស ដោយសារតែការរញ្ជួយដីដ៏ខ្លាំងក្លាចំនួន ២ បានវាយប្រហារខេត្តចំនួន ១០ នៅភាគខាងត្បូងប្រទេសតួកគីកាលពីថ្ងៃចន្ទ ។

ទន្ទឹមនោះ ការរញ្ជួយដីកម្រិត ៧.៨ រ៉ិចទ័រមួយនេះ មិនត្រឹមតែបំផ្លិចបំផ្លាញនៅក្នុងប្រទេសតួកគីប៉ុណ្ណោះទេ វាថែមបានអង្រួនយ៉ាងខ្លាំងផងដែរទៅដល់ប្រទេសស៊ីរីដែលនៅជិតខាងគ្នា ។

មន្ត្រីសុខាភិបាលប្រទេសស៊ីរីបាននិយាយថា មនុស្សយ៉ាងតិចណាស់ ១,៤៤៤ នាក់បានបាត់បង់ជីវិត ខណៈរាប់រយនាក់ផ្សេងទៀតបានរងរបួស បន្ទាប់ពីគ្រោះរញ្ជួយដីនៅភាគខាងត្បូងប្រទេសតួកគី ។

គួរបញ្ជាក់ថា ក្រៅពីតួកគី និងស៊ីរី ការរញ្ជួយដីនេះក៏បានប៉ះពាល់ទៅដល់ប្រទេសចំនួន ៤ ផ្សេងទៀតផងដែរដូចជា លីបង់ ស៊ីប ក្រិក និងអ៊ីស្រាអែល ខណៈដែលតួកគី និងស៊ីរី រងគ្រោះខ្លាំងជាងគេ ដោយគិតរហូតមកដល់ពេលនេះចំនួនអ្នកស្លាប់ក្នុងប្រទេសទាំងពីរកើនជិត ៤ ពាន់នាក់ហើយ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ មូលហេតុ ដែលគ្រោះរញ្ជួយដីនៅ តួកគី សម្លាប់មនុស្សច្រើនដល់ថ្នាក់នេះ

The post តួកគី ប្រកាសកាន់ទុក្ខជនរងគ្រោះ ដោយសារការរញ្ជួយដីដ៏សាហាវ រយៈពេល ៧ ថ្ងៃ appeared first on Kampuchea Thmey Daily.