ព័ត៌មានអន្ដរជាតិ
ប្រធានាធិបតីតួកគី តម្រូវឲ្យអនុវត្តច្បាប់សាងសង់ កាន់តែតឹងរ៉ឹងទូទាំងប្រទេស (មានវីដេអូ)
ប្រធានាធិបតីតួកគីលោក Tayyip Erdogan បាននិយាយថា ការអនុវត្តច្បាប់សាងសង់កាន់តែតឹងរ៉ឹងជាងនេះ គឺចាំបាច់ជាទីបំផុតនៅទូទាំងប្រទេស។
មនុស្សរាប់ម៉ឺននាក់ ត្រូវបានសម្លាប់នៅភាគខាងត្បូងនៃប្រទេស បន្ទាប់ពីគ្រោះរញ្ជួយដីកាលពីសប្តាហ៍មុន ហើយថ្វីបើការរញ្ជួយនោះមានកម្លាំងខ្លាំងក៏ដោយ ប៉ុន្តែមនុស្សជាច្រើន កំពុងស្តីបន្ទោសលើសំណង់ដែលមានបញ្ហា។
ច្បាប់សំណង់របស់ប្រទេសតួកគី គឺតម្រូវឲ្យមានការបំពេញតាមស្តង់ដារវិស្វកម្មរញ្ជួយដីនាពេលបច្ចុប្បន្ន ប៉ុន្តែវាគ្រាន់តែមាននៅលើក្រដាសប៉ុណ្ណោះ ខណច្បាប់នេះ កម្រត្រូវបានអនុវត្តណាស់។
នៅក្នុងសុន្ទរកថាតាមទូរទស្សន៍ លោក Erdogan និយាយថា “អគារដែលបាក់រលំ បានរំឭកដល់រដ្ឋាភិបាលអំពីតម្រូវការ ឲ្យមានច្បាប់សំណង់តឹងរ៉ឹងជាងនេះ”។
លោកបន្ថែមថា អគារប្រហែល ៤៧ ០០០ដែលមានលំនៅដ្ឋានចំនួន២១១ ០០០ត្រូវបានបំផ្លាញ ឬខូចខាតយ៉ាងធ្ងន់ធ្ងរ តម្រូវឲ្យមានការកម្ទេចចោល។
លោកក៏បាននិយាយផងដែរថា រដ្ឋាភិបាលរបស់លោក នឹងបន្តការងាររហូតដល់មនុស្សចុងក្រោយត្រូវបានជួយសង្គ្រោះចេញពីអគារបាក់រលំ នៅក្នុងតំបន់រងគ្រោះដោយការរញ្ជួយដី៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ SKY
ចុចអាន៖ ជំនួយគ្រោះរញ្ជួយដី ដឹកទៅភាគពាយព្យប្រទេសស៊ីរី ជាលើកដំបូង ខណៈមនុស្សស្លាប់កើនលើស ៤ម៉ឺននាក់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ