Connect with us

ព័ត៌មានអន្ដរជាតិ

មូលហេតុ ដែលគ្រោះរញ្ជួយដីនៅ តួកគី សម្លាប់មនុស្សច្រើនដល់ថ្នាក់នេះ (មានវីដេអូ)

បានផុស

នៅ

មានកត្តាមួយចំនួន ធ្វើឲ្យការរញ្ជួយដីដ៏ខ្លាំងដែលវាយប្រហារប្រទេសតូកគី និងស៊ីរីកាលពីថ្ងៃចន្ទទី០៦ខែកុម្ភៈបានសម្លាប់មនុស្សច្រើនដល់ថ្នាក់នេះ។ កត្តាទាំងនោះរួមមានពេលវេលា ទីតាំង និងសំណង់អន់ខ្សោយនៃអគារដែលបាក់រលំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមពេលនេះ មានមនុស្សរាប់ពាន់នាក់ហើយ ដែលត្រូវបាត់បង់ជីវិតដោយគ្រោះរញ្ជួយដីកម្រិត ៧.៨រ៉ិចទ័រ ក្នុងទីក្រុង Gaziantep ព្រំដែនស៊ីរី-តួកគី ខណៈចំនួនអ្នកស្លាប់ត្រូវបានគេរំពឹងថានឹងកើនឡើងដល់ខ្ទង់ម៉ឺនឯណោះ។

ការរញ្ជួយដីនេះ បានបណ្តាលឲ្យមានការបំផ្លិចបំផ្លាញធំធេងដោយសារតែថាមពលរបស់វា។ នេះគឺជាការរញ្ជួយដីខ្លាំងបំផុតដែលវាយប្រហារប្រទេសតួកគី ចាប់តាំងពីឆ្នាំ១៩៣៩មក ហើយបានវាយប្រហារនៅចំតំបន់ដែលមានប្រជាជនរស់នៅច្រើន។

ហេតុផលមួយទៀតគឺថា វាបានកើតឡើងនៅម៉ោង៤និង១៧នាទីព្រឹក ដែលមានន័យថា មនុស្សដែលកំពុងដេកលក់ ត្រូវជាប់គាំងនៅពេលដែលផ្ទះរបស់ពួកគេដួលរលំ។

Roger Musson សហការីស្រាវជ្រាវកិត្តិយសនៅអង្គការស្ទង់មតិភូមិសាស្ត្រអង់គ្លេស បានប្រាប់ AFP ថា សំណង់អគារនៅទីនោះ ក៏សាងសង់ឡើង ទាំងមិនមានលក្ខណៈគ្រប់គ្រាន់ សម្រាប់តំបន់ដែលងាយរងគ្រោះនឹងការរញ្ជួយដីដ៏ធំផងដែរ។

ម្យ៉ាងវិញទៀត នេះគឺជាតំបន់ដែលមិនមានការរញ្ជួយដីទ្រង់ទ្រាយធំអស់រយៈពេលជាង២០០ឆ្នាំមកហើយ ហើយក៏មិនមានសញ្ញាព្រមានណាមួយដែរ ដូច្នេះកម្រិតនៃការត្រៀមខ្លួនសម្រាប់តំបន់ គឺមិនមានលក្ខណៈគ្រប់គ្រាន់នោះទេ។

គួរបញ្ជាក់ថា​ ប្រទេសតួកគីស្ថិតនៅក្នុងតំបន់រញ្ជួយដីសកម្មបំផុតមួយរបស់ពិភពលោក។ គ្រោះរញ្ជួយដីនៅតាមបណ្តោយស្នាមប្រេះនៃស្រទាប់ផែនដី North Anatolian ក្នុងតំបន់ Duzce ភាគខាងជើងប្រទេសតួកគីកាលពីឆ្នាំ១៩៩៩ បានសម្លាប់មនុស្សជាង១៧០០០នាក់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA,​​ BBC

ចុចអាន៖ មនុស្សស្លាប់ក្នុង មហាសោកនាដកម្មរញ្ជួយដីនៅតួកគីនិងស៊ីរី អាចឈានដល់ខ្ទង់ម៉ឺន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៧ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម