តាមការផ្សាយរបស់ Reuters នៅថ្ងៃព្រហស្បតិ៍ ទី៤ ខែមិថុនា ឆ្នាំ២០២៦ ក្រោយការចរចាអូសបន្លាយពេលជិត ៩ ម៉ោង, ភាគីទាំងពីរ បានឯកភាពគ្នាហើយ ប៉ុន្តែយ៉ាងណា ក្នុងបទឈប់បាញ់នោះ ក៏មានចែងលក្ខខណ្ឌធំមួយផងដែរថា ក្រុមហេសបូឡា ត្រូវបញ្ឈប់ការវាយប្រហារទាំងស្រុង ហើយដកកម្លាំងរបស់ខ្លួនទាំងអស់ ចេញពីភាគខាងត្បូង ប្រទេសលីបង់។

ទោះបែបនេះ មន្ត្រីអ៊ីស្រាអែល និងលីបង់ នឹងត្រូវជួបប្រជុំគ្នាមួយលើកទៀត នៅថ្ងៃទី២២ ខែមិថុនា ដើម្បីស្វែងរកផ្លូវ ឆ្ពោះទៅកាន់ការសម្រេចបានកិច្ចព្រមព្រៀង សន្តិភាព ឲ្យកាន់តែទូលំទូលាយ ហើយសហរដ្ឋអាមេរិក ក៏យល់ព្រមបន្តជួយសម្របសម្រួលការទំនាក់ទំនង រវាងភាគីទាំងពីរដែរ នៅក្នុងដំណាក់កាលអន្តរកាលនេះ។

រឿងនេះកើតឡើង បន្ទាប់ពីប្រធានាធិបតី​អាមេរិក ដូណាល់ ត្រាំ ប្រកាសជាសាធារណៈថា អ៊ីស្រាអែល យល់ព្រមផ្អាកផែនការ វាយប្រហារលើក្រុមហេសបូឡា ដែលជាសម្ព័ន្ធមិត្តដ៏ស្អិតរមួតរបស់អ៊ីរ៉ង់ហើយ។

ការប្រកាសរបស់មេដឹកនាំអាមេរិក នោះទៀតសោត ធ្វើឡើងតែប៉ុន្មានម៉ោងប៉ុណ្ណោះ បន្ទាប់ពីមេដឹកនាំអ៊ីស្រាអែល បេនចាមីន ណេតាន់យ៉ាហ៊ូ បញ្ជាឲ្យមានការទម្លាក់គ្រាប់បែកថ្មីៗ ទៅលើតំបន់ជាយក្រុងភាគខាងត្បូង នៃរដ្ឋធានីបេរូត។

សូមជម្រាបថា ជម្លោះ អ៊ីស្រាអែល-ហេសបូឡា បានអូសបន្លាយ និងផ្ទុះឡើងជាថ្មី តាំងពីដើមខែមីនាមកម្ល៉េះ បន្ទាប់ពីក្រុមសកម្មប្រយុទ្ធ មានមូលដ្ឋាននៅប្រទេសលីបង់ បើកការវាយប្រហារ ដើម្បីគាំទ្រប្រទេសអ៊ីរ៉ង់។

សង្គ្រាមដ៏រាំរ៉ៃនេះ បណ្តាលឲ្យប្រជាពលរដ្ឋលីបង់ជាង ១លាននាក់ ត្រូវជម្លៀសខ្លួន និងបាត់បង់ជីវិតអស់ជាង ៣ ៤០០​នាក់ ខណៈខាងភាគីអ៊ីស្រាអែលឯណោះ ក៏មានទាហាន និងប្រជាពលរដ្ឋ​បាត់បង់ជីវិតជាបន្តបន្ទាប់ផងដែរ៕

អត្ថបទ៖ សុខ សុវណ្ណ

The post អ៊ីស្រាអែល-លីបង់​ ព្រមព្រៀង​អនុវត្ត​បទឈប់បាញ់​ ដែល​សម្របសម្រួលដោយ អាមេរិក appeared first on Kampuchea Thmey Daily.

តាម​ការ​ផ្សាយ​របស់​សារព័ត៌មាន The New Region នៅក្នុងការថ្លែងសារតាមកញ្ចក់ទូរទស្សន៍ កាលពី​ថ្ងៃ​អាទិត្យ ទី​២៤ ខែ​ឧសភា ឆ្នាំ​២០២៦ លោក Qassem បានសង្កត់ធ្ងន់ថា ការដកហូតអាវុធពីហេសបូឡា នឹងធ្វើឱ្យលីបង់បាត់បង់សមត្ថភាពការពារខ្លួន ហើយលោកចោទប្រកាន់អ៊ីស្រាអែលថា មានគំនិតចង់វាយលុកទន្ទ្រានកាន់កាប់ទឹកដីលីបង់ជាបណ្តើរៗ។

ការប្រកាសមិនព្រមប្រគល់អាវុធនេះ ធ្វើឡើង ចំពេលដែលសហរដ្ឋអាមេរិក កំពុងដាក់សម្ពាធយ៉ាងខ្លាំងលើរដ្ឋាភិបាលទីក្រុងបេរូត ឱ្យគោរពតាមការសន្យា ក្នុងការលុបបំបាត់ឥទ្ធិពល និងដកហូតអាវុធពីក្រុមប្រដាប់អាវុធគាំទ្រដោយអ៊ីរ៉ង់មួយនេះ។ យ៉ាង​ណាមិញ មេដឹកនាំហេសបូឡា បានតវ៉ាថា អាវុធទាំងអស់ នឹងបន្តស្ថិតនៅក្នុងដៃរបស់ពួកគេ រហូតទាល់តែរដ្ឋលីបង់ មានសមត្ថភាពគ្រប់គ្រាន់ ក្នុងការការពារប្រទេស ហើយលោកបានព្រមានថា ហេសបូឡា នឹងតតាំងជាមួយអ្នកណា ដែលហ៊ានមកប៉ះពាល់ក្រុមរបស់លោក ដូចអ្វីដែលពួកគេកំពុងតទល់ជាមួយអ៊ីស្រាអែលដែរ។

ទាក់ទងនឹងបទឈប់បាញ់ លោក Qassem បានរំឮកថា កាលពីចុងឆ្នាំ ២០២៤ លីបង់ធ្លាប់បានព្រមព្រៀង ដោយប្រយោល ដើម្បីបញ្ចប់ការវាយប្រហារពីអ៊ីស្រាអែល ប៉ុន្តែការវាយប្រហារ នៅតែបន្តកើតមានជាហូរហែ ដោយសារតែអាជ្ញាធរលីបង់ទន់ខ្សោយ មិនអាចបង្ខំឱ្យមានការគោរពកិច្ចព្រមព្រៀងបាន។ ទោះបីជាថ្មីៗនេះ មានការព្រមព្រៀងពន្យារពេលបទឈប់បាញ់រយៈពេល ៤៥ថ្ងៃបន្ថែមទៀត តាមរយៈការចរចា ដែលមានអាមេរិកជាអ្នកសម្របសម្រួល នៅទីក្រុងវ៉ាស៊ីនតោន ក៏ដោយ ក៏ការទម្លាក់គ្រាប់បែករបស់អ៊ីស្រាអែលទៅ​លើក្រុមហេសបូឡា នៅតែបន្តកើតមានស្ទើរតែរាល់ថ្ងៃ។

ដ្បិត​ស្ថានការណ៍កំពុងតានតឹងខ្លាំង លោក Qassem បានសម្តែងការរំពឹងទុកខ្ពស់លើកិច្ចព្រមព្រៀងសន្តិភាពដ៏ធំមួយ រវាងសហរដ្ឋអាមេរិក និងអ៊ីរ៉ង់ ដែលកំពុងមានសញ្ញាវិជ្ជមាន ក្រោមការដឹកនាំរបស់ប្រធានាធិបតី ដូណាល់ ត្រាំ។ លោកសង្ឃឹមថា បើកិច្ចព្រមព្រៀងនោះលេចចេញជារូបរាងមែន ប្រទេសលីបង់ ក៏នឹងត្រូវបានរាប់បញ្ចូល ក្នុងការទទួលបានសន្តិភាព និងការបញ្ឈប់រាល់អរិភាពទាំងស្រុងផងដែរ។ ប៉ុន្តែភ្លាមៗនោះ នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហូ បានចេញមកបញ្ជាក់វិញថា ក្នុងកិច្ចសន្ទនាតាមទូរស័ព្ទ លោក ដូណាល់ ត្រាំ បានគាំទ្រសិទ្ធិរបស់អ៊ីស្រាអែល ក្នុងការការពារខ្លួនប្រឆាំងនឹងការគំរាមកំហែងគ្រប់ទិសទី រួមទាំងនៅលីបង់ផងដែរ ដែលនេះហាក់ដូចជាការបើកភ្លើងខៀវឱ្យអ៊ីស្រាអែល បន្តវាយប្រហារទៅលើក្រុមហេសបូឡា ដដែល។

សង្គ្រាមដ៏រ៉ាំរ៉ៃនេះ បានបង្កឱ្យមានការខូចខាត និងបាត់បង់ជីវិតមនុស្សយ៉ាងច្រើនសន្ធឹកសន្ធាប់។ យោងតាមរបាយការណ៍ពីក្រសួងសុខាភិបាលលីបង់ ចាប់តាំងពីការវាយប្រហារគ្នាជាថ្មី បានផ្ទុះឡើងយ៉ាងខ្លាំងក្លា កាលពីដើមខែមីនា មក មនុស្សចំនួន ៣ ១៥១នាក់ ត្រូវបានសម្លាប់ និងជាង ៩ ៥០០នាក់ផ្សេងទៀត បានរងរបួស នៅក្នុងយុទ្ធនាការយោធាដ៏ស្រួចស្រាវរវាងអាមេរិក-អ៊ីស្រាអែល ប្រឆាំងនឹងខ្សែបណ្តាញរបស់ប្រទេសអ៊ីរ៉ង់នៅក្នុងតំបន់៕

ប្រែសម្រួល៖ ឈាង

The post ក្រុមហេសបូឡា៖ ការ​ទម្លាក់អាវុធ ប្រៀបដូច​ការ​នាំ​លីបង់ទៅ​រក «សេចក្ដី​វិនាស» appeared first on Kampuchea Thmey Daily.

ទីភ្នាក់ងារ​​ព័ត៌មាន AFP ​រាយការណ៍​ថា​ ការឆ្លើយតបដ៏ក្តៅគគុករបស់​រដ្ឋមន្ត្រីការបរទេសអាមេរិក បានកើតឡើង បន្ទាប់ពីលោក Naim Qassem មេដឹកនាំក្រុមហេសបូឡា បានថ្លែងពីមុនមកថា «ប្រជាជនមានសិទ្ធិចូលរួមធ្វើបាតុកម្មតាមដងផ្លូវ និងផ្តួលរំលំរដ្ឋាភិបាល» ដើម្បីជាការឆ្លើយតបទៅនឹងការវាយប្រហាររបស់អ៊ីស្រាអែល និងការដាក់ទណ្ឌកម្មរបស់អាមេរិកលើស្ថាប័ន​ហិរញ្ញវត្ថុ al-Qard al-Hassan។

គួរបញ្ជាក់ថា al-Qard al-Hassan គឺជាស្ថាប័នមួយដែលមានទំនាក់ទំនងជាមួយក្រុមហេសបូឡា ដោយផ្តល់ប្រាក់កម្ចីគ្មានការប្រាក់ដល់សហគមន៍មូស្លីម Shia ដែលភាគច្រើនកំពុងជួបប្រទះការលំបាកផ្នែកហិរញ្ញវត្ថុ ចំពេលដែលលីបង់កំពុងរងវិបត្តិសេដ្ឋកិច្ច។

លោក Qassem បានលើកឡើងថា «ការឈ្លានពានលើ al-Qard al-Hassan គឺជាការឈ្លានពានប្រឆាំងនឹងប្រជាជនក្រីក្រ និងអ្នកមានប្រាក់ចំណូលមានកម្រិតរាប់សែននាក់»។ កន្លងមក រដ្ឋាភិបាលលីបង់បានរងសម្ពាធយ៉ាងខ្លាំងពីអាមេរិក ឲ្យចាត់វិធានការប្រឆាំងនឹងក្រុមហ៊ុនហិរញ្ញវត្ថុមួយនេះ ខណៈទីក្រុងវ៉ាស៊ីនតោនបង្កើនសម្ពាធលើក្រុម ហេសបូឡា។

លោក រូប៊ីយ៉ូ បានព្រមានត្រឡប់ទៅវិញថា «ការគំរាមកំហែងដោយអំពើហិង្សា និងការប៉ុនប៉ងផ្តួលរំលំរបស់ហេសបូឡា នឹងមិនត្រូវបានអនុញ្ញាតឲ្យទទួលបានជោគជ័យឡើយ។ យុគសម័យដែលក្រុមភេរវករចាប់ប្រទេសមួយទាំងមូលធ្វើជាចំណាប់ខ្មាំង ជិតដល់ទីបញ្ចប់ហើយ»។

បច្ចុប្បន្ន អាមេរិកកំពុងចរចាលើកិច្ចព្រមព្រៀងមួយជាមួយអ៊ីរ៉ង់ ដើម្បីបញ្ចប់សង្គ្រាមនៅមជ្ឈិមបូព៌ា។ យោងតាមរបាយការណ៍ពីសារព័ត៌មាន Axios បានឲ្យដឹងថា សេចក្តីព្រាងអនុស្សរណៈនៃការយោគយល់គ្នា (MOU) រវាងភាគីទាំងពីរ មានការចែងយ៉ាងច្បាស់ថា «សង្គ្រាមរវាងអ៊ីស្រាអែល និងក្រុមហេសបូឡា នៅលីបង់នឹងត្រូវបញ្ចប់»។

លោក Qassem បានបង្ហាញក្តីសង្ឃឹមចំពោះកិច្ចព្រមព្រៀងរវាងអ៊ីរ៉ង់ និងអាមេរិក ហើយសង្ឃឹមថា លីបង់នឹងត្រូវរាប់បញ្ចូលក្នុងលក្ខខណ្ឌនោះ។ ទោះជាយ៉ាងណាក៏ដោយ លោកបានអំពាវនាវម្តងទៀតដល់រដ្ឋាភិបាលលីបង់ ឲ្យបោះបង់ចោលការចរចាផ្ទាល់ជាមួយអ៊ីស្រាអែល ខណៈដែលការចរចាជុំទីបួនត្រូវបានគ្រោងធ្វើឡើងនៅថ្ងៃទី២ និងទី៣ នៃខែមិថុនា ខាងមុខនេះ នៅក្នុងទីក្រុងវ៉ាស៊ីនតោន។

ទោះបីជាមានកិច្ចព្រមព្រៀងឈប់បាញ់ ដែលបានចូលជាធរមានកាលពីថ្ងៃទី១៧ ខែមេសា និងត្រូវបានពង្រីកសុពលភាពបន្ថែមជាច្រើនសប្តាហ៍ក៏ដោយ ក៏អ៊ីស្រាអែលនៅតែបន្តវាយប្រហារលើអ្វីដែលខ្លួនពិពណ៌នាថាជាគោលដៅរបស់ក្រុមហេសបូឡា នៅលីបង់ ចំណែកឯក្រុមហេសបូឡា វិញ ក៏នៅតែបន្តការវាយប្រហារលើគោលដៅរបស់អ៊ីស្រាអែលនៅភាគខាងត្បូងប្រទេសផងដែរ៕

អត្ថបទ៖ សាង ស្រីល័ក្ខ

អ៊ីរ៉ង់ ព្រមាន ត្រាំ ពីការវាយបក បើហ៊ានបង្កសង្គ្រាមឡើងវិញ ស្រប​ពេល ប៉ាគីស្ថាន​កំពុង​ខ្នះខ្នែង​សម្របសម្រួល​

The post លោក រូប៊ីយ៉ូ ចោទក្រុម ហេសបូឡា ថា ព្យាយាម​រុញ​លីបង់ចូលក្នុង «ភាពវឹកវរ» ក្នុងដំណាក់​កាល​ចរចា​ appeared first on Kampuchea Thmey Daily.

តាមការផ្សាយរបស់សារព័ត៌មាន Yeni Safak កាលពីថ្ងៃចន្ទ ទី២៧ ខែមេសា ឆ្នាំ២០២៦, លក្ខខណ្ឌ ៥ចំណុច ដែលដាក់ចេញដោយមេក្រុមហេសបូឡា លោក Naim Qassem មានដូចជា៖

1. បញ្ឈប់ការឈ្លានពានទាំងលើដីគោក សមុទ្រ និងអាកាស
2. ដកទ័ពអ៊ីស្រាអែល ចេញពីដែនដីដែលកំពុងកាន់កាប់
3. ដោះលែងអ្នកជាប់ឃុំឃាំង
4. អនុញ្ញាតឲ្យពលរដ្ឋវិលទៅកាន់ភូមិឋាន និងទីក្រុងរបស់ពួកគេវិញ
5. កសាងប្រទេសលីបង់ ឡើងវិញ

ជុំវិញរឿងនេះ បើតាមអ្នកជំនាញអន្តរជាតិ យល់ឃើញថា អ៊ីស្រាអែល អាចនឹងចរចាបានតែលើចំណុច ទី៥ ប៉ុណ្ណោះ ប៉ុន្តែលុះត្រាតែតំបន់នោះ ត្រូវបានបោសសម្អាតអាវុធរបស់ហេសបូឡា ចេញអស់ដែរ ខណៈលក្ខខណ្ឌដទៃទៀត ត្រូវបានអ៊ីស្រាអែលចាត់ទុកថា ស្មើនឹង «ការចុះចាញ់»។

យ៉ាងណា លោកស្រី Randa Slim អ្នកវិភាគនៅ Middle East Institute ដែលជាអ្នកជំនាញ តាមដានយ៉ាងដិតដល់លើបញ្ហាជម្លោះអ៊ីស្រាអែល-លីបង់ បានវិភាគថា លក្ខខណ្ឌទាំង ៥ នេះ គឺជា «យុទ្ធសាស្ត្របង្កើនតម្លៃចរចា» របស់ក្រុមហេសបូឡា។ លោកស្រីយល់ថា ចលនាលីបង់មួយនេះ ចង់បង្ហាញទៅកាន់អ្នកគាំទ្រខ្លួនថា ពួកគេមិនមែនជាអ្នកចាញ់សង្គ្រាមឡើយ ទើបដាក់លក្ខខណ្ឌខ្ពស់ៗបែបនេះ។

ចំណែកក្រុមអ្នកវិភាគនៃសារព័ត៌មាន Al Jazeera យល់ឃើញថា លក្ខខណ្ឌទី ៥ (ការកសាងឡើងវិញ) គឺជាចំណុចយុទ្ធសាស្ត្រ ដើម្បីទាក់ទាញចិត្តពលរដ្ឋលីបង់។

តាមការវិភាគ ហេសបូឡា ចង់រុញបន្ទុកនៃការបំផ្លិចបំផ្លាញ ទៅឲ្យអ៊ីស្រាអែលជាអ្នកទទួលខុសត្រូវ ដើម្បីកាត់បន្ថយសម្ពាធពីផ្ទៃក្នុងប្រទេសលីបង់ ដែលកំពុងខឹងសម្បានឹងសង្គ្រាម៕

អត្ថបទ៖ សុខ សុវណ្ណ

The post ហេសបូឡា ដាក់លក្ខខណ្ឌ ៥ចំណុចទៅ អ៊ីស្រាអែល ដើម្បី បញ្ចប់សង្គ្រាម appeared first on Kampuchea Thmey Daily.

រដ្ឋ​មន្ត្រី​ក្រសួងការពារជាតិអ៊ីស្រាអែល លោក Israel Katz ​​បាន​​ចេញ​ការ​គំរាម​​ថ្មី​មួយ​ដល់​ប្រទេស​លីប​ង់​កាលពីថ្ងៃចន្ទ​​​ដែលថា ភ្លើង​សង្រ្គាម​នឹង​ឆាប​ឆេះប្រទេសលីបង់​ទាំងមូល បន្ទាប់​ពីនាយករដ្ឋមន្ត្រីអ៊ីស្រាអែល​បញ្ជា​ឱ្យ​បង្កើន​កម្លាំង​យោធា​ប្រឆាំង​នឹង​ទីក្រុង​បេរូត​​ត្រឹមតែ​រយៈពេល​២ថ្ងៃ​ប់ុណ្ណោះ​​។

យោង​តាម​ភ្នាក់​ងារ​សារព័ត៌មាន​តួកគី​​ Anadolu ផ្សាយ​ថ្ងៃ​ទី​២៧ ខែមេសា ឆ្នាំ​២០២៦ លោក Katz ថ្លែង​ក្នុងកិច្ចប្រជុំ​ជាមួយបេសកជនអង្គការសហប្រជាជាតិប្រចាំ​ប្រទេសលី​បង់ លោកស្រី Jeanine Hennis-Plasschaert ថា៖ « [ប្រធានក្រុមហេសបូឡា] លោក Naim Qassem កំពុង​លេង​ជាមួយភ្លើង ហើយ​ភ្លើង​នឹង​ឆេះហេសបូឡា និងប្រទេសលីបង់ទាំងមូល»។

រដ្ឋ​មន្ត្រីអ៊ីស្រាអែលអះអាង​ថា៖ « រដ្ឋាភិបាល​លីបង់បន្ត​លាក់ខ្លួន នៅ​ក្រោម​ស្លាប​ហេសបូឡា​។ ភ្លើងនឹង​ផ្ទុះឡើង ហើយ​លេបត្របាក់​ដើមតាដា​នៃ​ប្រទេស​លីបង់ទាំង​អស់​»។

សូម​បញ្ជាក់​ថា « ដើមតាដា (genus Cedrus) គឺជា​ដើមឈើ​ដ៏​អស្ចារ្យ​នៃ​ប្រទេស​លីបង់​​ វា​មានក្លិនក្រអូប ជាប្រភេទ​ឈើប្រើប្រាស់បានយូរ ធន់នឹងការរលួយ ប្រើក្នុងការសាងសង់ គ្រឿងសង្ហារឹម និង​ទូ​ ជា​ដើម​»។

មិន​តែ​ប៉ុណ្ណោះ លោក Katz ចោទប្រកាន់​ថា៖ « ប្រធានាធិបតីលី​បង់​ លោក ចូសេហ្វ អាអូន (Joseph Aoun) កំពុងលេងល្បែងជាមួយអនាគត​នៃ​ប្រទេសលីបង់។ អ៊ីស្រាអែល​នឹង​មិនទទួលយកស្ថានភាព​ដែលបទឈប់បាញ់​នៅ​ក្នុងប្រទេសលីបង់​រួមផ្សំនឹងការវាយប្រហារ​ជាបន្តបន្ទាប់​លើ​កងកម្លាំងអ៊ីស្រាអែល និង​ភាគខាងជើងអ៊ីស្រាអែលនោះទេ​»។

រដ្ឋម​ន្ត្រីក្រសួងការពារជាតិ​រូប​នេះ ​និយាយថា៖ « យើង​​ និង ​លោក ណេតាន់​យ៉ា​ហ៊ូ បាន​ណែនាំកងទ័ពអ៊ីស្រាអែលឆ្លើយ​តប​ដោយការបាញ់ប្រហារ​យ៉ាងខ្លាំងប្រឆាំង​នឹងក្រុមហេសបូឡា ក្នុងករណី​មានការខូច​ខាត គំរាមកំហែង ឬរំលោភលើអធិបតេយ្យភាពអ៊ីស្រាអែល»។

ការ​វាយប្រហាររបស់អ៊ីស្រាអែលនៅ​ទូទាំងប្រទេសលីបង់​ចាប់តាំងពីថ្ងៃទី០២ ខែមីនា​ មនុស្សជាង ២ ៥០០នាក់ ​ត្រូវ​បាន​សម្លាប់ ជាង ៧ ៧៥០នាក់ ​រង​របួស និងជាង ១.៦លាន​នាក់ ​បាត់​បង់​​ទីលំនៅ។ នេះបើ​យោងតាមតួលេខ​ផ្លូវការរបស់​លីបង់។

យ៉ាង​ណា បទឈប់បាញ់រយៈពេល១០ថ្ងៃ ត្រូវ​បាន​ប្រកាស​រវាង​ប្រទេសលីបង់និងអ៊ីស្រាអែលនៅ​ថ្ងៃទី១៧ ខែមេសា ​ហើយ ក្រោយ​​មក​ ប្រធានាធិបតី​សហរដ្ឋអាមេរិក លោក ដូណាល់ ត្រាំ បាន​​​ប្រកាស​ថា ​​ភាគី​លីបង់ និង​អ៊ីស្រាអែល​​យល់​ព្រម​​ពង្រីក​បទ​ឈប់បាញ់​៣សប្តាហ៍ទៀត។ ទោះ​បីជា​បែបណា បទ​ឈប់បាញ់​ត្រូវ​រាយការណ៍​​បានរងការរំលោភ​ម្តងហើយម្តងទៀត​​ពី​ភាគី​​អ៊ីស្រាអែល​និង​​​ហេសបូឡា​​៕

ប្រែសម្រួល៖ ណឺ មិនា

The post រដ្ឋមន្រ្តី​ការពារ​ជាតិ​អ៊ីស្រាអែល ​គំរាម​​​​វាយប្រហារ​ពាស​ពេញ​​ផ្ទៃប្រទេស​លីបង់​​​​ appeared first on Kampuchea Thmey Daily.

ក្នុងសេចក្តីថ្លែងការណ៍ ផ្សាយដោយសារព័ត៌មាន Asharq Al-Awsat នៅថ្ងៃចន្ទ ទី២៧ ខែមេសា ឆ្នាំ២០២៦ លោក Naim Qassem បានច្រានចោលការចរចា ជាមួយភាគីអ៊ីស្រាអែល។ លោកអះអាងថា៖ «យើងបដិសេធដាច់ខាត ចំពោះការចរចាដោយផ្ទាល់ជាមួយអ៊ីស្រាអែល ហើយអ្នកកាន់អំណាចគួរដឹងថា សកម្មភាពរបស់ពួកគេ នឹងមិនផ្តល់ផលប្រយោជន៍ដល់លីបង់ ឬដល់ខ្លួនពួកគេឡើយ»។

ទន្ទឹមនោះដែរ លោកបញ្ជាក់យ៉ាងច្បាស់ថា៖ «ទោះសត្រូវគំរាមកំហែងខ្លាំងប៉ុនណាក៏ដោយ ក៏យើងមិនដកថយឡើយ ហើយយើងមិនឱនក្បាលដាច់ខាត ក៏មិនទទួលបរាជ័យដែរ។ ពិតណាស់! ការចរចាជាមួយអ៊ីស្រាអែល គឺជាអំពើបាបដ៏ដែនធ្ងន់ ដែលនឹងធ្វើឲ្យប្រទេសលីបង់ បាត់បង់ស្ថិរភាព»។

សេចក្តីប្រកាសនេះ កើតឡើងបន្ទាប់ពី ក្រុមហេសបូឡា ចោទថា អ៊ីស្រាអែល រំលោភបទឈប់បាញ់ តាមរយៈការវាយប្រហារ សម្លាប់មនុស្ស ១៤នាក់ និងរបួស ៣៧នាក់ កាលពីចុងសប្តាហ៍។

តាមការឲ្យដឹងពី ក្រសួងសុខាភិបាលលីបង់, ក្នុងចំណោមអ្នកស្លាប់និងរបួស ក៏មានស្រ្តីនិងកុមារតូចៗ ផងដែរ។

ដំបូង បទឈប់បាញ់អ៊ីស្រាអែ-លីបង់ ចាប់អនុវត្តនៅថ្ងៃទី១៦ ខែមេសា ក្រោមការសម្របសម្រួលពីប្រធានាធិបតីអាមេរិក ដូណាល់ ត្រាំ ដោយលោកបង្ហាញក្ដីសង្ឃឹមថា បទឈប់បាញ់នេះ គឺជា «ជំហានដ៏សំខាន់» ឈានឆ្ពោះទៅរកកិច្ចព្រមព្រៀងសន្តិភាព កាន់តែធំជាមួយអ៊ីរ៉ង់និងទប់ស្កាត់សង្គ្រាមតំបន់។

ក្រោយមក ប្រមុខសេតវិមាន ក៏ប្រកាសបន្តបទឈប់បាញ់ រយៈពេល១០ថ្ងៃទៀត ប៉ុន្តែទាំងអ៊ីស្រាអែល និងក្រុមហេសបូឡាលីបង់ សុទ្ធតែចោទដាក់គ្នាថា រំលោភបំពាន៕

អត្ថបទ៖ សុខ សុវណ្ណ

The post មេក្រុម ហេសបូឡា៖ ការចរចាដោយផ្ទាល់ជាមួយអ៊ីស្រាអែល គឺជា «អំពើបាបដ៏សែនធ្ងន់» appeared first on Kampuchea Thmey Daily.

ការប្រកាសនេះធ្វើឡើងបន្ទាប់ពីមន្ត្រីអ៊ីស្រាអែលនិងលីបង់ ជួបចរចាគ្នានៅការិយាល័យពងក្រពើ សហរដ្ឋអាមេរិក និងត្រូវបានចុះផ្សាយដោយសារព័ត៌មាន BBC។

បង្ហោះសារលើបណ្តាញសង្គម Truth Social កាលពីថ្ងៃព្រហស្បតិ៍ទី២៣ខែមេសាឆ្នាំ២០២៦ ប្រមុខសេតវិមានសរសេរថា៖ «កិច្ចប្រជុំបានប្រព្រឹត្តទៅយ៉ាងល្អប្រសើរ! សហរដ្ឋអាមេរិកនឹងធ្វើការជាមួយលីបង់ ដើម្បីជួយប្រទេសនេះការពារខ្លួនពីក្រុមហេសបូឡា។ បទឈប់បាញ់រវាងអ៊ីស្រាអែល និងលីបង់ នឹងត្រូវពន្យារពេល បីសប្តាហ៍បន្ថែមទៀត»។

ទោះបីជាយ៉ាងណាក៏ដោយ អ៊ីស្រាអែលព្រមានថា ខ្លួនរក្សាសិទ្ធិក្នុងការវាយប្រហារវិញភ្លាមៗ ប្រសិនបើក្រុមហេសបូឡា រំលោភបទឈប់បាញ់ ឬព្យាយាមដឹកជញ្ជូនសព្វាវុធ។

សូមជម្រាបថា នេះគឺជាការបន្តពីបទឈប់បាញ់ដំបូងរយៈពេល១០ថ្ងៃ ដែលចាប់ផ្ដើមកាលពីថ្ងៃទី ១៦ ខែមេសា ខណៈលោក ត្រាំ បង្ហាញក្ដីសង្ឃឹមថា បទឈប់បាញ់នេះ គឺជា «ជំហានដ៏សំខាន់» ឈានឆ្ពោះទៅរកកិច្ចព្រមព្រៀងសន្តិភាពកាន់តែធំជាមួយអ៊ីរ៉ង់និងទប់ស្កាត់សង្គ្រាមតំបន់។

លោកជឿថា នៅពេលសមរភូមិលីបង់ស្ងប់ស្ងាត់ វានឹងធ្វើឲ្យអ៊ីរ៉ង់ កាន់តែទន់ចិត្ត ចូលមកដល់តុចរចាជាមួយអាមេរិក ហើយការពន្យារនេះ មានបំណងទុកពេលឲ្យអ្នកការទូតរៀបចំកិច្ចព្រមព្រៀងរួមមួយ ដើម្បីបញ្ចប់ជម្លោះទាំងនៅអ៊ីរ៉ង់ និងលីបង់ក្នុងពេលតែមួយ៕

អត្ថបទ៖ សុខ សុវណ្ណ

The post ត្រាំ ប្រកាសបន្តបទឈប់បាញ់ អ៊ីស្រាអែល-លីបង់ ៣សប្តាហ៍ទៀត appeared first on Kampuchea Thmey Daily.

លោក Katz បាននិយាយក្នុងពិធីរំលឹកទិវាជាតិរំលឹកដល់ទាហានដែលបានស្លាប់ និងជនរងគ្រោះនៃភេរវកម្ម ថា «គោលដៅចម្បងនៃយុទ្ធនាការនៅក្នុងប្រទេសលីបង់ គឺដើម្បីដកហូតអាវុធពីក្រុមហេសបូឡា និងលុបបំបាត់ការគំរាមកំហែងដល់សហគមន៍ភាគខាងជើង (នៃអ៊ីស្រាអែល) តាមរយៈការរួមបញ្ចូលគ្នានៃវិធានការ២គឺ ទាំងយោធា និងការទូត។

រដ្ឋមន្ត្រីក្រសួងការពារជាតិរូបនេះថែមទាំងគូសបញ្ចាក់បន្ថែមថា «យើងនឹងអនុវត្តវិធានការដូចគ្នា ចំពោះការបាញ់ប្រហារក្នុងគន្លងខ្ពស់ (សំដៅមកលើប្រទេសអ៊ីស្រាអែល) ដែលចេញមកពីតំបន់ភាគខាងជើងនៃទន្លេលីតានី (Litani) និងពីទូទាំងប្រទេសលីបង់»។ ការលើកឡើងនេះ សំដៅទៅលើទន្លេលីតានី ដែលជាចំណុចសញ្ញាសម្គាល់ធម្មជាតិកាត់ទទឹង​ភាគ​ខាងត្បូងលីបង់ ហើយជាតំបន់ដែលអ៊ីស្រាអែលមិនចង់ឲ្យមានវត្តមានក្រុមហេសបូឡាទៀតឡើយ។

ទោះបីជា បទឈប់បាញ់រវាងអ៊ីស្រាអែល និងលីបង់ បានចូលជាធរមាននៅថ្ងៃសុក្រក៏ដោយ កងទ័ពអ៊ីស្រាអែលនៅតែមានវត្តមាន និងការ​ប្រយុទ្ធយ៉ាងសកម្មជាមួយពួកសកម្មប្រយុទ្ធហេសបូឡានៅភាគខាងត្បូងលីបង់ ដោយ លោក Katz បាននិយាយ កាលពីថ្ងៃអាទិត្យថា កងទ័ពនឹងប្រើប្រាស់ «កម្លាំងពេញលេញ» ប្រសិនបើត្រូវបានគំរាមកំហែង។

ទោះជាយ៉ាងណាក៏ដោយ នៅថ្ងៃព្រហស្បតិ៍សប្តាហ៍នេះ លីបង់ និងអ៊ីស្រាអែល នឹងត្រូវត្រៀម​ចរចាជាថ្មីក្រោមក្រសែភ្នែកតាមដានពី​ហេសបូឡា។ កិច្ចពិភាក្សានេះត្រូវបានរៀបចំឡើងដោយក្រសួងការបរទេសអាមេរិក ដែលនឹងនាំយកអង្គទូតនៃប្រទេសទាំងពីរមកអង្គុយតុជាមួយគ្នា ដើម្បីពិភាក្សាអំពីលទ្ធភាពក្នុងការបន្តបទឈប់បាញ់ ដែលនឹងត្រូវផុតកំណត់នៅថ្ងៃអាទិត្យខាងមុខ បន្ទាប់ពីបានអនុវត្តតាំងពីថ្ងៃសុក្រសប្តាហ៍មុន៕

អត្ថបទ៖ សាង ស្រីល័ក្ខ

អ៊ីស្រាអែល បដិសេធ​​ការ​វិលត្រឡ​ប់​របស់​​ប្រជាជន​លីបង់ ទៅ​ភូមិឋាន​ជិតតំបន់ព្រំដែន ទោះបី​មាន​បទ​ឈប់បាញ់​

The post អ៊ីស្រាអែល ដាក់សម្ពាធ​​ទាំង​ការទូត និងយោធា ដើម្បីរំសាយ​អាវុធពី​ក្រុមហេសបូឡា appeared first on Kampuchea Thmey Daily.