គន្លឹះអាជីវកម្ម Archives - Kampuchea Thmey Daily

គន្លឹះ ៦ យ៉ាងជួយបន្ថយល្បឿនធ្វើផែនការហួសហេតុ និងជំរុញទៅមុខជានិច្ច

សាង ស្រីល័ក្ខ — Thu, 30 Sep 2021 03:48:55 +0000

គ្រប់គ្នា មិនអាចចង់បានអ្វីបានហ្នឹង តាមចិត្ត រហ័សទាន់ពេលនោះទេ។ ចង់បានលិទ្ធផលល្អ ត្រូវដើរសន្សឹមៗ កុំលឿន កុំចង់ចង់ជោគជ័យមុន ដោយមិនបានសិក្សាស្វែងយល់ពីរឿងដែលខ្លួនកំពុងធ្វើ។

ដល់ពេលបរាជ័យក៏តាំងបន្ទោសខ្លួនឯង! នេះក៏ដោយសារយើងមិនយល់មិនបានសិក្សា មិនបានដឹងថាខ្លួនកំពុងនៅឯណា ហើយធ្វើអី។

បើហត់ណាស់ តឹងតែងណាស់ ចាប់ផ្ដើមដោយការ៖

១ បន្ថយល្បឿនសិន

អ្នកជោគជ័យខ្ពស់តែងមានទំនោរធ្វើការងារដោយខ្លួនឯង រហូតច្រើនពេកហួសប្រមាណ។ ប្រសិនបើអ្នកមានអារម្មណ៍ស្ត្រេសខ្លាំងលើកាលវិភាគ សូមចំណាយពេលខ្លះ ហើយយកចិត្តទុកដាក់ចំពោះអាទិភាពរបស់អ្នកវិញម្ដង។

២ ដឹងច្បាស់ពីគុណតម្លៃ

ជំហានដំបូងមួយ ឆ្ពោះទៅរកការបង្កើតជីវិតដែលធ្វើឲ្យអ្នកសប្បាយចិត្ត គឺត្រូវយល់ពីអ្វីដែលសំខាន់បំផុតសម្រាប់អ្នក៖ គ្រួសារ? សេរីភាពហិរញ្ញវត្ថុ? ទំនាក់ទំនងជាមួយធម្មជាតិ? ធ្វើឲ្យច្បាស់អំពីគុណតម្លៃរបស់អ្នក ហើយធ្វើការពីទីនោះ។

៣ តែងតែផ្ដល់ជូន

អ្នកមិនអាចផ្គាប់ចិត្តមនុស្សគ្រប់គ្នាបានទេ ប៉ុន្តែអ្នកអាចបង្កើតទំនាក់ទំនងដែលផ្ដល់ផលប្រយោជន៍ទៅវិញទៅមក។ វាចាប់ផ្ដើមដោយសេចក្ដីសប្បុរស។ ចាត់វិធានការវាស់វែង ដើម្បីស្វាគមន៍អ្នករាល់គ្នា ដែលបានដើរចូលមករកយើង។

៤ កំណត់សញ្ញាខ្លួនឯង

អ្វីក៏ដោយដែលយើងកំពុងលក់ មិនថាជាអចលនទ្រព្យ សេវាកម្មប្រឹក្សា ឬកម្លាំងពលកម្មដោយដៃរបស់យើងទេ ។ ត្រូវដឹងច្បាស់ថា យើងពិតជាចង់ធ្វើវាសម្រាប់អ្នកណា ហើយហេតុអ្វី។ កំណត់ពីរបៀបទាក់ទាញអតិថិជនដ៏ល្អ តាមវិធីនេះ។យឺតៗកុំបំបោល លឿននាំតែខាតទេ។

៥ ធ្វើជាខ្លួនឯង កុំផ្លាស់ប្ដូរតាមគេថា

ភាពជាសហគ្រិននាំមកជាមួយនូវការសង្ស័យ និងអ្នកនិយាយមិនពិតជាច្រើនដាក់យើង។ វិធីល្អល្អបំផុត ដើម្បីជឿជាក់លើអ្វីដែលយើងកំពុងធ្វើដោយអស់ពីចិត្ត។ ចំណាយពេលខ្លះនៅចុងសប្ដាហ៍ ដើម្បីឆ្លុះបញ្ចាំងនិងកត់ត្រាអំពីមនុស្សដែលទទួលបានអត្ថប្រយោជន៍ពីការងាររបស់យើង។

៦ ដឹងថាខ្លួនឯងឈរនៅឯណា

សេរីភាពហិរញ្ញវត្ថុ គឺជាជណ្ដើរនៃគោលដៅដែលនីមួយៗ នាំមកនូវសន្តិសុខកម្រិតថ្មី។ យល់ថាអ្នកនៅឯណា ហើយមានអ្វីធ្វើបន្ទាប់ទៀត៕

ប្រែសម្រួល៖ សាង ស្រីល័ក្ខ

ចុចអាន៖មេរៀនជីវិតចាំបាច់បំផុត ដែលសហគ្រិនត្រូវតែរៀនដាច់ខាត

ចុចអាន៖ចរិតលក្ខណៈ ៧ យ៉ាង មេដឹកនាំឆ្នើម គួររៀនរហូតមិនចេះចប់សោះឡើយ

ចុចអាន៖ពេលចៅហ្វាយធ្វើខុស!

The post គន្លឹះ ៦ យ៉ាងជួយបន្ថយល្បឿនធ្វើផែនការហួសហេតុ និងជំរុញទៅមុខជានិច្ច appeared first on Kampuchea Thmey Daily.

គ្រប់គ្រងអាជីវកម្មបែប Micromanagement មុន -ក្រោយ នឹងដួលរលំឆាប់

សាង ស្រីល័ក្ខ — Fri, 24 Sep 2021 09:01:52 +0000

សេដ្ឋី JeffBezos ម្ចាស់ក្រុមហ៊ុនអាម៉ាហ្សូន អះអាងថា ក្នុងការគ្រប់គ្រងអាជីវកម្មតាមរបៀប ការធ្វើមីក្រូគ្រប់គ្រង គឺការឃ្លាំមើល ត្រួតពិនិត្យ និងបញ្ជាដល់អ្នកក្រោមបង្គាប់ មិនឲ្យរៀនសម្រេចចិត្តជា Micromanagement និងជាទូទៅ ត្រូវបានគេចាត់ទុកថា បរិយាកាសការងារ អវិជ្ជមាន។

សេដ្ឋី JeffBazos

លោកនិយាយប្រាប់ Telegraph ថា កង្វះសេរីភាពនៅកន្លែងធ្វើការបែបនេះ មិនថាយើងមានក្រុមហ៊ុនល្អប៉ុណ្ណា ជោគជ័យយ៉ាងណា វានឹងដួល ប្រសិនយើងប្រកាន់ចិត្តមិនទុកចិត្តគ្នា និងមិនមានមនុស្សដែលធ្វើការឯករាជ្យបាន។
Bezos គឺជាស្ថាបនិក និងជានាយកប្រតិបត្តិនៃក្រុមហ៊ុនបច្ចេកវិទ្យាពហុយក្សារបស់ពិភពលោកគឺ Amazon ។ ដោយមានទ្រព្យសម្បត្តិសុទ្ធជាង ២០០ ពាន់លានដុល្លារ គិតត្រឹមខែ មេសា ឆ្នាំ ២០២១នេះ គាត់គឺជាអ្នកមានបំផុតនៅលើពិភពលោកដដែល យោងទៅតាម Forbes និង Billionaires Index របស់ Bloomberg ។

គាត់ក៏បានទទួលងារថា ជាអ្នកដឹកនាំ ក្រុមហ៊ុនបច្ចេកវិទ្យាធំជាងគេទី ២ របស់លោកផ្អែកលើទំហំប្រាក់ចំណូល ។ សេដ្ឋី Bezos បានលើកឡើងថា មានទម្រង់ពីរ នៃការប្រព្រឹត្តិមិនត្រឹមត្រូវទៅកាន់បុគ្គលិក ដែលធ្វើឲ្យក្រុមហ៊ុនដួល គឺ ទីមួយ ការគ្រប់គ្រងបែប Micromanaging និងទីពីរ ការ ជួលមនុស្សខុស Wrong Employee។

លោកថា ការស្វែងរកមនុស្សដែលត្រឹមត្រូវតាមតួនាទី គឺជាសិល្បៈដែលត្រូវមានលក្ខខ័ណ្ឌជាក់លាក់ មានប្រពន្ធ័គ្រប់គ្រងធនធានមនុស្សល្អ មានការជ្រើសរើសល្អ និងរក្សានិយោជិកដែលមានគុណតម្លៃល្អ។

លោកថា ទោះបីជាទូករបស់យើងលំបាកចែវប៉ុណ្ណា យើងនៅតែទៅមុខបានដោយសារមានមនុស្សដែលជាធនធានល្អ។អាម៉ាហ្សូន ដែលមានបុគ្គលិកសរុបជិត ៧ សែននាក់ហើយ។

លោក Jeff bazos ថា មេដឹកនាំដែលចូលចិត្តត្រួតត្រា Micromanaging មកតែពីពួកគេជា ប្រភេទថៅកែ ឬអ្នក មើលការខុសត្រូវខ្សោយភាពជាអ្នកដឹកនាំ ហើយរើសយកវិធីសាស្រ្តគ្រប់គ្រងមិនឲ្យមានជម្លោះសោះ ចំណែកបើថាបាន ជោគជ័យខ្លួនយក និងបរាជ័យរុញទៅកូនចៅ។

លោកថា កុំចង់បង្កើតឥរិយាបថធ្វើការជាដរាប មិនសម្រាក មិនលេងសើច និងការបន្តឹងហួសហេតុ ព្រោះជាមួយការគ្រប់គ្រងរបៀបនេះ លោកថា និយោជិកមិនអាចមានស្ទីលខុសគ្នាបន្ថែមទេ ព្រោះគ្មានពេលគិត ឬមិនចង់គិតមិនចង់សម្រេចចិត្តអ្វីទំាងអស់។

នេះជាការគ្រប់គ្រងពីលើចុះក្រោម ដែលមានរង្វាស់ផែនការសរុបនិងមានការអនុវត្តរួម ដែលបង្កើតឲ្យមានភាពធុញទ្រាន់ ដោយសារត្រូវធ្វើតាមបញ្ជាងងឹតងងុល មិនឃើញគោលដៅនិងមិនមានកម្លាំងចិត្ត ។

គួរំលឹកថា សេវាកម្មដឹកជញ្ជូនគឺ Amazon Prime បច្ចុប្បន្ននេះបានទទួលបានអតិថិជនជាង ១០០ លាននាក់នៅទូទាំងពិភពលោក។

កាលពីខែសីហាឆ្នាំមុន Bezos បានក្លាយជាមនុស្សដំបូងគេក្នុងប្រវត្ដិសាស្ដ្រមនុស្សជាតិ ដែលប្រមូលបានទ្រព្យសម្បត្តិជាង ២០០ ពាន់លានដុល្លារអាមេរិក នេះបើយោងតាម Forbes ។ ព្រឹត្តិការណ៍ដ៏សំខាន់នេះបានកើតឡើងទោះជាកូវីដ១៩ បានបណ្តាលឲ្យមានការក្ស័យធនជាច្រើន តែតម្លៃភាគហ៊ុនរបស់ក្រុមហ៊ុន Amazon បានកើនឡើងក្នុងចំណោមអ្នកជ្រោមសេដ្ឋកិច្ចអាមេរិក។

កិច្ចព្រមព្រៀងរបស់ Bezos ក្នុងការប្រគល់ភាគហ៊ុន ២៥ ភាគរយនៃភាគហ៊ុនរបស់ក្រុមហ៊ុន Amazon ទៅឲ្យអតីតភរិយារបស់គាត់គឺលោក MacKenzie Scott ក្នុងការលែងលះកាលពីឆ្នាំមុន នៅទីបំផុតមិនបានបន្ថយល្បឿននៃការកើនឡើងនៃទ្រព្យសម្បត្តិរបស់គាត់ទេ៕

អត្ថបទ៖ ប៊ុនណារ៉ាក់

ចុចអាន៖ផ្លូវការ ស្ថាបនិកក្រុមហ៊ុន Amazon លោក Jeff Bezos លាឈប់ពីតំណែង CEO

The post គ្រប់គ្រងអាជីវកម្មបែប Micromanagement មុន -ក្រោយ នឹងដួលរលំឆាប់ appeared first on Kampuchea Thmey Daily.

ចង់ឲ្យអតិថិជនស្គាល់ពីម៉ាកយីហោ នាមប័ណ្ណគឺជាយុទ្ធសាស្ត្រដែលមិនគួររំលង

សាង ស្រីល័ក្ខ — Mon, 29 Mar 2021 04:31:50 +0000

រាល់អាជីវកម្មជោគជ័យដែលតែងរំពឹងថា នឹងទទួលបានប្រាក់ចំណូលខ្ពស់ គួរតែមានគម្រោងវិនិយោគលើអ្វីមួយ។ ដូចគ្នានឹងផែនការផ្សព្វផ្សាយដទៃទៀតដែរ នាមប័ណ្ណអាជីវកម្ម គឺសំខាន់ណាស់សម្រាប់អាជីវកម្មរបស់យើង។ វាភ្ជាប់ក្រុមហ៊ុនរបស់យើង និងអតិថិជនបានយ៉ាងងាយស្រួល ហើយក៏បង្ហាញថា យើងជានរណា។

តើធ្វើដូចម្ដេចដើម្បីរចនានាមប័ណ្ណអាជីវកម្មមួយបានល្អ?

ដើម្បីធ្វើនាមប័ណ្ណអាជីវកម្មរបស់អ្នកនៅលើអ៊ីនធឺណិត ដំបូងអ្នកគួរតែយល់ពីមាតិកាដែលត្រូវបង្ហាញជាមុនសិន។ វាអាស្រ័យលើប្រភេទអាជីវកម្ម ទាំងអតិថិជន សក្ដានុពល ការរំពឹងទុក និងថវិការបស់អ្នកជាមួយដែរ។

ដូច្នេះ ធ្វើមាតិកាខ្លីៗ ដោយចងចាំថា នាមប័ណ្ណត្រូវតូចល្មមតែមានអត្ថន័យល្អ។ នាមប័ណ្ណគួរតែបង្ហាញរូបភាពវិជ្ជមាននៃម៉ាកយីហោរបស់អាជីវកម្ម រួមបញ្ចូលឈ្មោះអាជីវកម្ម អ៊ីមែល និងផលិតផលអាជីវកម្ម។

ដូច្នេះហើយ ទើបអតិថិជនអាចដឹងពីទីតាំង និងទំនាក់ទំនងរបស់អាជីវកម្មយើង តាមរបៀបណាមួយ។

ហេតុអ្វីបានជាអ្នកត្រូវការនាមប័ណ្ណអាជីវកម្ម?

១. បង្ហាញចំណាប់អារម្មណ៍ដំបូង

នាមប័ណ្ណតែងតែបង្កើតចំណាប់អារម្មណ៍ដំបូងរបស់ម៉ាកយីហោរបស់យើង ដើម្បីឲ្យអាជីវកម្មលេចធ្លោ យើងត្រូវតែចាប់យកចំណាប់អារម្មណ៍របស់អតិថិជនភ្លាមៗ មុនពេលដែលពួកគេ កត់សំគាល់ផលិតផលរបស់យើង។

២. ផ្ដល់នូវព័ត៌មានលម្អិតអំពីអាជីវកម្ម

នាមប័ណ្ណនឹងបង្ហាញព័ត៌មានលំអិត ទំនាក់ទំនងទាំងអស់អំពីម៉ាករបស់អ្នក ដោយភាពច្បាស់លាស់។ អតិថិជនជាធម្មតាមិនមានពេលវេលាដើម្បីទៅស្វែងរកហាងផ្ទាល់ទេ ដូច្នេះឈ្មោះអាជីវកម្ម លេខទំនាក់ទំនង និងទីតាំងគឺជាកត្តាចាំបាច់បំផុត។

៣. មានភាពជារបស់ខ្លួនឯង

នៅក្នុងយុគសម័យឌីជីថលនេះ នាមប័ណ្ណអាជីវកម្មផ្ដល់ឲ្យនៅភាពផ្ទាល់ខ្លួន ដ៏ពិសេសនៃអាជីវកម្ម។ វានឹងឲ្យអតិថិជនបានសំគាល់ពីសក្ដានុពលរបស់អាជីវកម្មយើង ហើយមិនអាចបំភ្លេចបាន និងងាយស្រួលទាក់ទងទៅវិញ។

នាមប័ណ្ណអាជីវកម្មរបស់យើង នឹងត្រូវបានចែករំលែកជាមួយមិត្តភ័ក្ដិ និងក្រុមគ្រួសារ ដោយសារតែឥទ្ធិពលនៃនាមប័ណ្ណដែលជារបស់ខ្លួនឯង។ ដូច្នេះយើងអាចពង្រីក ហើយក៏អាចឈានទៅដល់ចំណុចមួយ និងបង្កើនការលក់បានមួយកម្រិតទៀត៕

ប្រែសម្រួល៖ សាង ស្រីល័ក្ខ

ចុចអាន៖ទម្លាប់វិជ្ជមាន ៦ យ៉ាងដែលអាចជំរុញភាពជោគជ័យសម្រាប់សហគ្រិន

The post ចង់ឲ្យអតិថិជនស្គាល់ពីម៉ាកយីហោ នាមប័ណ្ណគឺជាយុទ្ធសាស្ត្រដែលមិនគួររំលង appeared first on Kampuchea Thmey Daily.

ការរកស៊ីអនឡាញជារបរដ៏ពេញនិយមអំឡុងរោគរាតត្បាត ហេតុអ្វី?

Sonya — Thu, 25 Mar 2021 08:19:14 +0000

អំឡុងមេរោគកូវីដ-១៩ កំពុងវាយលុយស្ទើរគ្រប់ទីកន្លែង អាជីវកម្មមួយចំនួនធំកំពុងប្រឈមហានិភ័យបាត់បង់ប្រាក់ចំណូល។ មនុស្សម្នាចាប់ផ្ដើមនៅផ្ទះ ហើយទម្លាប់នឹងបរិយាកាសទិញទំនិញបែបថ្មី តាមរយៈអ៊ិនធរណិត។

ស្ថិតក្នុងស្ថានភាពចំពោះមុខ ប្រសិនដើរមិនទាន់និន្នាការនេះទេ ប្រាកដណាស់ ម្ចាស់អាជីវកម្មថ្មោងថ្មី ច្បាស់ជាមិនអាចបំពេញតម្រូវការអតិថិជនបានឡើយ។ ដូច្នេះហេតុអ្វីបានត្រូវងាកមកបង្កើតអាជីវកម្មតាមអ៊ិនធរណិត ក្នុងសម័យកាលនេះ?

១. ដើមទុនតិច

ជាការពិត អាជីវកម្មអនឡាញមួយចំនួនត្រូវការដើមទុនច្រើន ប៉ុន្ដែជាទូទៅវាទាមទារឱ្យយើងមានដើមទុនតិចតួចក៏អាចដំណើរការបាន ព្រោះថាអ្នកមិនត្រូវការទីតាំង មិនត្រូវការបុគ្គលិក ឬបុគ្គលិកតិចក៏បាន។ ម្យ៉ាងកម្ពុជា មិនទាន់មានច្បាប់យកពន្ធពីអាជីវកម្មអនឡាញផង។

២. ទីផ្សារទូលាយ

អនឡាញ សំដៅទៅដល់គ្រប់ទីកន្លែងក្នុងពិភពលោកដែលមានភ្ជាប់សេវាអ៊ិនធរណិតប្រើប្រាស់។ ដូច្នេះមិនថា មនុស្សរស់នៅទីណា ពោលទាំងអ្នកក្នុងស្រុកឬក្រៅស្រុក សុទ្ធតែជាអតិថិជនរបស់អ្នក។

៣. ងាយស្រួលផ្សាយពាណិជ្ជកម្ម

អាជីវកម្មអនឡាញ លែងត្រូវការការផ្សាយពាណិជ្ជកម្មតាមកាសែត ទូរទស្សន៍ វិទ្យុ ឬប៉ាណូទៀតហើយ ព្រោះជាសម័យកាលឌីជីថល មនុស្សម្នាកំពុងកាន់ទូសព្ទដើម្បីទទួលបានព័ត៌មានដោយខ្លួនឯង។ ដូចនេះ ការផ្សាយពាណិជ្ជកម្មតាមបណ្ដាញសង្គម កាន់តែមានងាយស្រួល បានទៅដល់អតិថិជនតាមការចង់បានរបស់អ្នកយ៉ាងរហ័ស ហើយវាក៏ចំណាយលុយតិចផងដែរ។

៤. ងាយស្រួលពង្រីកអាជីវកម្ម

ងាយស្រួលម្យ៉ាងទៀតនៃអាជីវកម្មអនឡាញត្រង់ថា បើសិនចង់ពង្រីក វាមិនតម្រូវឱ្យ បង្កើតទីតាំងលក់ថ្មីឡើយ យ៉ាងច្រើនត្រឹមពង្រីកទំហំឃ្លាំងដាក់ទំនិញ និង ជួលបុគ្គលិកមកថែមប៉ុណ្ណោះ។ មួយទៀត គ្រាន់តែមានតំណាងចែកចាយតាមទីតាំងនានា ក៏អាចលក់ចេញផលិតផលបានដែរ៕

ប្រែសម្រួល៖ សន្យា

ចុចអាន៖ កំហុសនៃការចំណាយមួយចំនួនដែលថៅកែៗគួរចាប់អារម្មណ៍

ចុចអាន៖ គុណវិបត្តិ ៣ យ៉ាងបញ្ជាក់ថាអ្នកមិនទាន់អាចចេញរកស៊ីបានទេ

The post ការរកស៊ីអនឡាញជារបរដ៏ពេញនិយមអំឡុងរោគរាតត្បាត ហេតុអ្វី? appeared first on Kampuchea Thmey Daily.

គោលការណ៍ ៣ ធំសម្រាប់ជោគជ័យក្នុងវិស័យជំនួញ

Sonya — Wed, 20 Jan 2021 02:53:13 +0000

មុនចាប់ផ្ដើមកិច្ចការអ្វីមួយ បុគ្គលគ្រប់រូបត្រូវមានគោលការណ៍ គម្រោង ក៏ដូចជាវិន័យចំពោះខ្លួនឯងជាមុនសិន ទើបសកម្មភាពទាំងឡាយនោះ ជួបហានិភ័យតិចតួចបំផុត។ ដូចគ្នានេះ ក្នុងវិស័យជំនួញ ក៏តម្រូវឲ្យសហគ្រិនទាំងអស់មានគោលការណ៍ចំពោះខ្លួនច្បាស់លាស់ ទើបអាជីវកម្មអាចទទួលជោគជ័យខ្ពស់។

ទាំងនេះជាគោលការណ៍ទាំង ៣ ដែលម្ចាស់ជំនួញត្រូវអនុត្តន៍ ខណៈចង់រកស៊ីរីកចម្រើន៖

១. កសាងទំនុកចិត្ត

ការកសាងទំនុកចិត្តមានសារៈសំខាន់មិនថាចំពោះខ្លួនឯង និងអ្នកដទៃ។ បើសិនជាមិនអាចកសាងភាពស្មោះត្រង់ជាមួយមហាជនទេ ពួកគេក៏គ្មានទំនុកចិត្តលើយើងដែរ ហើយចង់និយាយឬធ្វើអ្វី សាធារណៈជនច្បាស់ជាមិនស្តាប់ឡើយ។

ដូច្នេះត្រូវកសាងទំនុកចិត្តពីសាធារណៈជនជាមុន ទើបអាជីវកម្មអាចទាញបានការគាំទ្រពីអតិថិជន ហើយនោះក៏ជាហេតុផលមួយធ្វើឲ្យការស៊ីឈានទៅរកភាពជោគជ័យផងដែរ។

២. គោរពពេលវេលា

ការគោរពពេលវេលា ពិតជាមានតម្លៃណាស់! ការទម្លាប់ខ្លួនឲ្យមានលេសដោះសារច្រើនធ្វើឲ្យយើងមិនអាចគោរពពេលវេលា និងក្លាយទៅជាមនុស្សមិនគួរឲ្យទុកចិត្តពីអ្នកជុំវិញខ្លួន។ បើសូម្បីតែពេលវេលាក៏មិនអាចគោរពបាន នោះគ្មានអ្នកណានឹងអាចដាក់ចិត្តមករកស៊ីជាមួយយើងនោះទេ។

ការគ្រប់គ្រងពេលវេលាសំខាន់ខ្លាំងណាស់ បើមិនអាចក្លាយជាម្ចាស់លើវាបាន អ្វីៗពាក់ពន្ធ័នឹងខ្លួនយើងនឹងពិបាកទៅតាមនោះដូចគ្នា កុំថាឡើយតែការរកស៊ី សូម្បីទំនាក់ទំនងផ្សេងទៀតក៏មិនល្អដែរ។

៣. មានវិន័យក្នុងខ្លួន

បើសិនជាចង់ជោគជ័យ ត្រូវមានវិន័យក្នុងខ្លួនក្នុងការធ្វើសកម្មភាពគ្រប់យ៉ាង។ មិនអាចនឹកឃើញចង់ធ្វើអ្វី ហើយធ្វើភ្លាមៗតាមចិត្តនោះទេ ត្រូវបណ្តុះវិន័យដើម្បីរៀបចំគោលដៅទុកជាមុន ហេតុផលនេះនឹងជួយបានច្រើនជាងមុនក្នុងការសម្រេចជោគជ័យអ្វីមួយ។

អាជីវកម្មនីមួយៗទាមទារឲ្យម្ចាស់មមានវិន័យខ្ពស់ បើធ្វើនេះបន្តិច នោះបន្តិចតាមចិត្តចង់ ប្រាកដជាមិនអាចធ្វើបានល្អទេ រីឯភាពជោគជ័យក្នុងអាជីវកម្មក៏កាន់តែឆ្ងាយដែរ៕

ប្រែសម្រួល ៖ សន្យា

ប្រភព ៖ Entrepreneur

ចុចអាន៖ ទម្លាប់ល្អៗនៃសហគ្រិនជោគជ័យ ដែលយើងគួរចងចាំទុកជាមេរៀនជីវិត

ចុចអាន៖ យុវវ័យចង់ប្រលូករកលុយ គួរអានអត្ថបទនេះ!

The post គោលការណ៍ ៣ ធំសម្រាប់ជោគជ័យក្នុងវិស័យជំនួញ appeared first on Kampuchea Thmey Daily.

គិតឲ្យច្បាស់ មុនដើរទៅខ្ចីលុយធនាគារ ចរចាឲ្យអស់រឿងថ្លៃសេវារដ្ឋបាល ទាំង ០៥ នេះសិន

Dy Bunnara — Tue, 19 Jan 2021 03:53:47 +0000

អតិថិជននៅពេលទៅរកកម្ចីធនាគារ គួរស្វែងរកព័ត៌មានឲ្យបានគ្រប់ជ្រុងជ្រោយ ដើម្បីកាត់បន្ថយការចំណាយមិនចាំបាច់ ពេលខ្លះមានលក្ខខណ្ឌពិសេសអាចចរចាបានថែមទៀតផង។ លោក គា បុរាណ ប្រធានសមាគមគ្រឹះស្ថានមីក្រូហិរញ្ញវត្ថុកម្ពុជាបានឲ្យដឹងថា ជាទូទៅធនាគារតែងតែគិតថ្លៃសេវារដ្ឋបាលពីអតិថិជន ដែលជាថ្លៃចំណាយលើការរត់ឯកសារផ្តល់កម្ចី។ គោលការណ៍នេះអនុវត្តតាមសភាពជាក់ស្តែង តាមធនាគារនីមួយៗ។

សេវារដ្ឋបាលដែលលោក គា បុរាណលើកឡើងមានដូចជា៖

១. ចំណាយកម្រៃសេវាពី ០.៥% ទៅ ១% នៃទំហំកម្ចី
២. សេវាចុះបន្ទុកការីនៅអង្គភាពសុរិយោដី
៣. សេវាមេធាវី
៤. សេវាធានារ៉ាប់រងប្រចាំឆ្នាំ
៥. សេវាឆែក CBC (Credit Bureau Cambodia)

លោក គា បុរាណ ថា ធនាគារនឹងគិតថ្លៃសេវាតាមទំហំកម្ចី។ ឧទាហរណ៍អតិថិជនទទួលបានកម្ចី ៧០ ០០០ ម៉ឺនដុល្លារបើធនាគារគិតកម្រៃសេវា ១% អតិថិជនត្រូវចំណាយប្រហែល ៧០០ ដុល្លារ ទៅធនាគារ។ អតិថិជនក៏ត្រូវបង់ថ្លៃសេវាចុះបន្ទុកនៅអង្គភាពសុរិយាដី ដើម្បីបញ្ជាក់ពីការដាក់ទ្រព្យបញ្ចាំនៅធនាគារ។

ជាមួយគ្នានេះ អតិថិជនអាចបង់ថ្លៃមេធាវី ថ្លៃសេវាឆែក CBC រួមទាំងការបង់ថ្លៃសេវាធានារ៉ាប់រងប្រចាំឆ្នាំលើអចលនទ្រព្យ។

បើតាមលោកគា បុរណា ធនាគារខ្លះយកការប្រាក់ទាប តែគេគិតថ្លៃសេវារដ្ឋបាលខ្ពស់ ចំណែកធនាគារខ្លះយកការប្រាក់ខ្ពស់ តែគេអាចលើកលែងថ្លៃសេវារដ្ឋបាល។ ការគិតថ្លៃសេវារដ្ឋបាលនេះមិនអនុវត្តជាទូទៅទេ អាស្រ័យតាមគោលការណ៍ធនាគារនីមួយៗ រួមទាំងការចរចារវាងអតិថិជននិងសាមីធនាគារផ្ទាល់។

លោកគា បុរណា បានក្រើនរំលឹកថា មុនទៅស្វែងរកកម្ចីនៅធនាគារណាមួយ អតិថិជនត្រូវសាកសួរព័ត៌មានលម្អិតឱ្យបានច្បាស់លាស់ ដើម្បីងាយស្រួលក្នុងការសម្រេចចិត្ត។

តាមរបាយការណ៍ឆ្នាំ ២០២០ កម្ពុជាមានគ្រឹះស្ថានធនាគារនិងហិរញ្ញវត្ថុដែលរួមមាន ធនាគារពាណិជ្ជចំនួន៥១ ធនាគារឯកទេសចំនួន ១៤ គ្រឹះស្ថានមីក្រូហិរញ្ញវត្ថុទទួលប្រាក់បញ្ញើពីសាធារណជនចំនួន ៦ គ្រឹះស្ថានមីក្រូហិរញ្ញវត្ថុមិនទទួលប្រាក់បញ្ញើចំនួន ៧៦ និងគ្រឹះស្ថានឥណទានជនបទចំនួន ២៤៦៕

The post គិតឲ្យច្បាស់ មុនដើរទៅខ្ចីលុយធនាគារ ចរចាឲ្យអស់រឿងថ្លៃសេវារដ្ឋបាល ទាំង ០៥ នេះសិន appeared first on Kampuchea Thmey Daily.

យុទ្ធសាស្ត្រហាង 7-Eleven ដែលឈានចូលទៅ មិនអាចឃាត់ចិត្តមិនទិញបាន

Sonya — Mon, 28 Dec 2020 03:54:30 +0000

ជោគជ័យរបស់ 7-eleven បើយើងវិភាគលើការគ្រប់គ្រងបែបទំនើប និងគំនិតច្នៃប្រឌិតដ៏ពិសេសលើយុទ្ធសាស្ត្រពាណិជ្ចកម្ម 7-Eleven គឺនិមិត្តរូបនៃការប្រកួតប្រជែងដ៏ប៉ិនប្រសប់លើគ្រប់កាលៈទេសៈ ។

មិនថា ពេលមានបម្លាស់ប្តូរសេដ្ឋកិច្ច នយោបាយ អាកាសធាតុ វិបត្តិឌីជីថល ក្រុមហ៊ុននេះបានប្រើប្រាស់នូវ ប្រព័ន្ធព័ត៌មានរួម ធនធានទិន្នន័យ ការជជែកស្រាវជ្រាវលើស្ថិតិជំរឿន មកជាអាថ៌កំបាំង នៃការចងក្រងយុទ្ធសាស្ត្រល្អបំផុត ដើម្បីអភិវឌ្ឍសេវាកម្មថ្មី ផលិតផលថ្មីប្រព័ន្ធចែកចាយថ្មីៗ មិនឈប់ឈរ ដែលធ្វើឱ្យឈានជើងចូល 7-Elevent កាលណាគ្រប់គ្នាត្រូវតែជក់ចិត្តនឹងការទិញ។

តោះទស្សនា បន្តអំពី 7-Eleven និងអាថ៌កំបាំងនៃអជ្ញាប័ណ្ណដ៏ជោគជ័យនេះ។

ដោយ ចម្រើន តារា

ចុចអាន៖ ទម្រាំមកដល់ចំណុចកំពូល តើ Starbucks ឆ្លងកាត់ឧបសគ្គអ្វីខ្លះ? (មានវីដេអូ)

ចុចអាន៖ អាថ៌កំបាំងដែលនាំឱ្យ LV ក្លាយជាស្តេច នៃបណ្តាម៉ាកយីហោដ៏ប្រណីតលើលោក

The post យុទ្ធសាស្ត្រហាង 7-Eleven ដែលឈានចូលទៅ មិនអាចឃាត់ចិត្តមិនទិញបាន appeared first on Kampuchea Thmey Daily.

ពេលណាទើបសក្ដិសមនឹងរុះរើ រចនាសម្ព័ន្ធក្រុមហ៊ុនមួយឡើងវិញ

សាង ស្រីល័ក្ខ — Tue, 22 Dec 2020 06:58:48 +0000

តើការរៀបចំរចនាសម្ព័ន្ធឡើងវិញជាអ្វីនិងហេតុអ្វី?

រៀនអំពី ការរុះរើរចនាសម្ព័ន្ធ(Restructure) ពុំមែនជាមេរៀនកម្រិតល្មមៗនៃការងារគ្រប់គ្រងទេ។

ភាគច្រើនមានតែអ្នកគ្រប់គ្រងចាប់ពីថ្នាក់កណ្តាលឡើងទៅ ទើបទទួលបានមេរៀននេះ។នេះជាសកម្មភាពមួយ របស់ក្រុមហ៊ុដែលចង់ធ្វើការកែប្រែយ៉ាងសំខាន់នូវទិដ្ឋភាពហិរញ្ញវត្ថុនិងប្រតិបត្តិការរបស់ខ្លួន។

ការការរុះរើរចនាសម្ព័ន្ធ(Restructure)ជាធម្មតានៅពេលអាជីវកម្មកំពុងប្រឈមនឹងសម្ពាធហិរញ្ញវត្ថុឬការចាកចេញនៃបុគ្គលិកឆ្នើមជាបន្តបន្ទាប់។

ការរៀបចំឡើងវិញនេះ គឺជាសកម្មភាពកែប្រែបំណុលប្រតិបត្តិការឬកាត់ចោលមេដឹកនាំដែលមានបញ្ហា ឬបុគ្គលិកមិនសកម្មកាត់បន្ថយហានិភ័យហិរញ្ញវត្ថុនិងកែលម្អផលិតភាព ក៏ដូចជាសាមគ្គីភាពក្នុងអាជីវកម្ម។

របៀបរុះរើរចនាសម្ព័ន្ធ(Restructure)

ក្រុមហ៊ុនមួយអាចរៀបចំរចនាសម្ព័ន្ធថ្មី អាស្រ័យលើការព្រមព្រៀងពីម្ចាស់ភាគហ៊ុននិងនាយកប្រតិបត្តិ ដែលនៅពេលដែលក្រុមហ៊ុនរៀបចំរចនាសម្ព័ន្ធឡើងវិញនៅខាងក្នុងប្រតិបត្តិការដំណើរការផ្នែកនាយកដ្ឋានឬភាពជាម្ចាស់តួនាទីនានា អាចផ្លាស់ប្តូរភ្លាមៗ ដែលអាចធ្វើឱ្យអាជីវកម្មកាន់តែមានសមាហរណកម្មនិងទទួលបានផលចំណេញច្រើនវិញ។

ទីប្រឹក្សាហិរញ្ញវត្ថុនិងច្បាប់ជារឿយៗត្រូវបានជួលឱ្យចរចាផែនការរៀបចំរចនាសម្ព័ន្ធឡើងវិញ។ ផ្នែកខ្លះនៃក្រុមហ៊ុនអាចត្រូវបានលក់ទៅឱ្យវិនិយោគិន ហើយនាយកប្រតិបត្តិថ្មី (នាយកប្រតិបត្តិ) អាចត្រូវបានជួលមកដើម្បីជួយអនុវត្តការផ្លាស់ប្តូរ។

ជាការផ្លាស់ប្តូរដែលធ្វើឱ្យមានអ្នកមិនសប្បាយចិត្ត

គ្មានអ្នកណាទទួលយកការផ្លាស់ប្តូរដោយស្ម័គ្រចិត្តទេ។ លទ្ធផលអាចរួមបញ្ចូលទាំងការផ្លាស់ប្តូរនីតិវិធី ប្រព័ន្ធកុំព្យូទ័រ បណ្តាញ ទីតាំងនិងបញ្ហាច្បាប់។ ដោយសារតែមុខតំណែងអាចត្រួតស៊ីគ្នាការងារអាចត្រូវបានលុបចោលខ្លះ ហើយនិយោជិកដែលមិនសកម្ម ត្រូវបានបញ្ឈប់ពីការងារ។

ការរៀបចំឡើងវិញអាចជាដំណើរការច្របូកច្របល់និងឈឺចាប់ នៅពេលរចនាសម្ព័ន្ធខាងក្នុងនិងខាងក្រៅរបស់ក្រុមហ៊ុនត្រូវបានកែតម្រូវ ហើយការងារត្រូវបានកាត់បន្ថយ។ ប៉ុន្តែនៅពេលដែលក្រោយបន្តិច អាជីវកម្មនឹងកាន់តែរលូននិងមានសម្លេងវិជ្ជមានផ្នែកសេដ្ឋកិច្ច។

ឧទាហរណ៍ធំមួយនៃការរុះរើរចនាសម្ព័ន្ធ

នៅចុងខែមីនាឆ្នាំ ២០១៩ ក្រុមហ៊ុន Savers Inc ដែលជាហាងលក់រាយទទួលបានប្រាក់ចំណេញធំបំផុតនៅសហរដ្ឋអាមេរិក បានឈានដល់កិច្ចព្រមព្រៀងរៀបចំរចនាសម្ព័ន្ធឡើងវិញដែលកាត់បន្ថយបន្ទុកបំណុលរបស់ខ្លួន ៤០ ភាគរយ ហើយត្រូវបានកាន់កាប់ដោយក្រុមហ៊ុន Ares Management Corp និងក្រុមហ៊ុន Crescent Capital Group LP ។ ។

ការរៀបចំរចនាសម្ព័ន្ធក្រៅប្រព័ន្ធតុលាការដែលត្រូវបានអនុម័តដោយក្រុមប្រឹក្សាភិបាលរបស់ក្រុមហ៊ុន រួមបញ្ចូលទាំងការផ្តល់ហិរញ្ញប្បទានដល់ប្រាក់កម្ចីខ្ចីមុនគេចំនួន ៧០០ លានដុល្លារនិងបន្ថយថ្លៃការប្រាក់របស់អ្នកលក់រាយ។ ក្រោមកិច្ចព្រមព្រៀងនេះអ្នកកាន់កាប់ប្រាក់កម្ចីរយៈពេលដែលមានស្រាប់របស់ក្រុមហ៊ុនទទួលបានប្រាក់ឈ្នួលពេញលេញ ខណៈពេលដែលម្ចាស់ហាងជាន់ខ្ពស់បានដោះបំណុលរបស់ពួកគេសម្រាប់ភាគហ៊ុន។

នៅខែកក្កដាឆ្នាំ ២០១៦ ក្រុមហ៊ុន Arch Coal, Inc បានបញ្ចប់ការដោះស្រាយជាមួយគណៈកម្មាធិការផ្លូវការនៃម្ចាស់បំណុលដែលមិនមានការធានារ៉ាប់រង (UCC) ជាមួយអ្នកផ្តល់ប្រាក់កម្ចីជាន់ខ្ពស់មួយចំនួនរបស់ខ្លួនដែលកាន់កាប់ជាង ៦៦% នៃប្រាក់កម្ចីមានកាលកំណត់ដំបូង។

មតិសរុប

ក្រុមហ៊ុននានា ក៏អាចរៀបចំរុះរើរចនាសម្ព័ន្ធឡើងវិញនៅពេលបុគ្គលិកឈ្លោះគ្នាខ្លាំងចំណូលធ្លាក់និងវិបត្តិសេដ្ឋកិច្ច។ល។

ប្រែសម្រួល៖សុភា

ប្រភព ៖investopedia

ចុចអាន៖៥ វិធី ដើម្បីស្វែងរកការងារក្នុងក្រុមហ៊ុនដែលអ្នកពេញចិត្ត

ចុចអាន៖៦ យ៉ាងដែលរារាំងយើងមិនឲ្យទទួលបានការងារដែលខ្លួនស្រលាញ់

The post ពេលណាទើបសក្ដិសមនឹងរុះរើ រចនាសម្ព័ន្ធក្រុមហ៊ុនមួយឡើងវិញ appeared first on Kampuchea Thmey Daily.

គន្លឹះអាជីវកម្ម Archives - Kampuchea Thmey Daily

គន្លឹះ ៦ យ៉ាងជួយបន្ថយល្បឿនធ្វើផែនការហួសហេតុ និងជំរុញទៅមុខជានិច្ច

គ្រប់គ្រងអាជីវកម្មបែប Micromanagement មុន -ក្រោយ នឹងដួលរលំឆាប់

ចង់​ឲ្យ​​អតិថិជន​ស្គាល់​ពី​ម៉ាក​យីហោ​ នាមប័ណ្ណ​គឺ​ជា​យុទ្ធសាស្ត្រ​ដែល​មិន​គួរ​រំលង

ការរកស៊ីអនឡាញជារបរដ៏ពេញនិយមអំឡុងរោគរាតត្បាត ហេតុអ្វី?

គោលការណ៍ ៣ ធំ​សម្រាប់​ជោគជ័យ​ក្នុង​វិស័យ​ជំនួញ​

គិត​ឲ្យ​ច្បាស់​ មុន​ដើរ​ទៅ​ខ្ចីលុយ​ធនាគារ ចរចាឲ្យអស់​រឿងថ្លៃ​សេវា​​រដ្ឋបាល ទាំង ០៥​ នេះ​សិន

យុទ្ធសាស្ត្រហាង​ 7-Eleven ដែលឈាន​ចូលទៅ មិនអាចឃាត់ចិត្ត​មិនទិញបាន

ពេលណា​ទើបសក្ដិសម​នឹង​រុះរើ រចនាសម្ព័ន្ធក្រុមហ៊ុនមួយឡើងវិញ

ចង់ឲ្យអតិថិជនស្គាល់ពីម៉ាកយីហោ នាមប័ណ្ណគឺជាយុទ្ធសាស្ត្រដែលមិនគួររំលង

គោលការណ៍ ៣ ធំសម្រាប់ជោគជ័យក្នុងវិស័យជំនួញ

គិតឲ្យច្បាស់ មុនដើរទៅខ្ចីលុយធនាគារ ចរចាឲ្យអស់រឿងថ្លៃសេវារដ្ឋបាល ទាំង ០៥ នេះសិន

យុទ្ធសាស្ត្រហាង 7-Eleven ដែលឈានចូលទៅ មិនអាចឃាត់ចិត្តមិនទិញបាន

ពេលណាទើបសក្ដិសមនឹងរុះរើ រចនាសម្ព័ន្ធក្រុមហ៊ុនមួយឡើងវិញ