ប្រទេសកម្ពុជា មានរ៉ែត្បូងមានតម្លៃជាច្រើនប្រភេទ ដូចជា ត្បូង ruby , sapphire , zircon , period, aquamarine, amethyst and topaz។ ត្បូងដែលមានតម្លៃថ្លៃជាងគេ គឺត្បូងទទឹម(ruby), ត្បូងកណ្តៀង(blue sapphire) , ត្បូងប៊ុត (yellow sapphire) និងត្បូងបឹងកាចាក់(green sapphire) ដែលមានភាពរឹងធុន និងការសឹក៩ចុច (ពេជ្រ១០ចុច)។ ប៉ុន្តែប្រភេទត្បូងទាំងនេះ ជាប្រភេទត្បូងកម្រ។ ត្បូងមួយប្រភេទទៀត ដែលកំពុងពេញនិយម នៅមានក្នុងទឹកដីខេត្តរតនគិរី គឺត្បូង blue Zircon (ត្បូងរតនគិរី) មានកម្រិតរឹង៧.៥ ចុច ដែលស្ថិតនៅយ៉ាងជ្រៅជាង១០ម៉ែត្រក្នុងដី។ zircon មានពីរពណ៌គឺ blue Zircon and yellow Zircon។

លោក ជា  វុទ្ធី  ម្ចាស់ហាង VT GEMSTONE លក់គ្រឿងអលង្ការ និងត្បូងធម្មជាតិ បានឱ្យកម្ពុជាថ្មីដឹងថា ត្បូងទាំងនេះ មានតម្លៃថ្លៃជាងគេនៅប្រទេសកម្ពុជា និងមានភាពស្រស់ស្អាតពីធម្មជាតិទាំងទឹក  ពន្លឺ  និងរាង។

អ្នកជំនាញត្បូងរូបនេះ បានលើកឡើងអំពីតម្លៃដូច្នេះថា ត្បូងទទឹម(ruby) ទំហំ ១០ការ៉ាត់ មានតម្លៃជិត១០ម៉ឺនដុល្លារ ឬលើស ១០ម៉ឺនដុល្លារ ទៅតាមទឹក និងភាពស្អាត។ ដោយឡែក ត្បូងកណ្តៀង ១០ការ៉ាត់ មានតម្លៃចាប់ពី ៥ម៉ឺនដុល្លារ ឡើងទៅ។ ចំណែកត្បូងរតនគិរី (Zircon) ទំហំ ១០ការ៉ាត់ មានតម្លៃចាប់ពី ១ពាន់ដុល្លារឡើងទៅជាង ១ពាន់ដុល្លារ។

បើតាមលោក វុទ្ធី ត្បូងក្នុងប្រទេសកម្ពុជា មាននៅខេត្ត ប៉ៃលិន  រតនគិរី  មណ្ឌលគិរី  កំពង់ធំ  តាកែវ និងព្រះវិហារ។ សព្វថ្ងៃខេត្តដែលមានត្បូងច្រើនជាងគេ គឺខេត្តរតនគិរី សម្បូរទៅដោយត្បូង zircon។

សូមបញ្ជាក់ថា វិស័យត្បូងនៅកម្ពុជា នៅមានកម្រិតនៅឡើយ បើធៀបនឹងប្រទេសជិតខាង ដោយសារកម្ពុជា មិនទាន់​មានសាលាបណ្តុះបណ្តាល ឬមហាវិទ្យាល័យសិក្សាអំពីប្រភេទត្បូង ដូចប្រទេសជិតខាងឡើយ ជាពិសេស​ទៅលើបច្ចេក​ទេសដុត និងច្នៃ។ បច្ចេកទេសដុត និងកែច្នៃត្បូងនៅកម្ពុជា ភាគច្រើនចេះតគ្នា ឬធ្វើតាមទំនៀមទម្លាប់បុរាណ ដែលមិន​ត្រូវតាមស្តង់ដារទីផ្សារក្រៅស្រុក។

រីឯវិសយ័គ្រឿងអលង្ការកម្ពុជា មានការរីកចម្រើន និងអភិវឌ្ឍកើនឡើងជាលំដាប់ ដោយមានការច្នៃប្រឌិតខ្ពស់​ទាំងដោយ​ដៃ និងម៉ាស៊ីនទំនើប។ នេះជាការបញ្ជាក់របស់លោក ជា វុទ្ធី៕

The post មកស្គាល់ប្រភេទត្បូងមានតម្លៃថ្លៃបំផុតខ្ទង់ ១០ម៉ឺនដុល្លារ របស់កម្ពុជា appeared first on Kampuchea Thmey Daily.

លោកបណ្ឌិត ឆាយ ស៊ីណាត ប្រធានសមាគមពាណិជ្ជករគ្រឿងអលង្ការ និងត្បូងមានតម្លៃកម្ពុជា បានលើកឡើង នៅក្នុងសន្និសីទសារព័ត៌មាននៅរសៀលថ្ងៃទី ១៥ វិច្ឆិកាថា ដើម្បីជំរុញវិស័យគ្រឿងអលង្ការ និងត្បូងនៅកម្ពុជា ឱ្យកាន់តែរីកចម្រើន សមាគម និងក្រុមហ៊ុនជី អាយ ជី ជេ អេហ្វ បានសហការគ្នានឹងបង្កើតព្រឹត្តិការណ៍​ដ៏ធំមួយ​នៅដើមឆ្នាំ ២០២៤ គឺពិព័រណ៍គ្រឿងអលង្ការ និងត្បូងកម្ពុជា អន្តរជាតិលើកទី១៥ នៅថ្ងៃទី ២១-២៤ ខែមីនា ដោយមានការចូលរួមពីបណ្តាពាណិជ្ជករជាតិ និងអន្តរជាតិជាច្រើនផងដែរ។

លើសពីនេះទៀត ព្រឹត្តិការណ៍នៃការពិព័រណ៍នេះ ជាការរួមចំណែកផ្សព្វផ្សាយបើកទីផ្សារវិស័យគ្រឿងអលង្ការ និងត្បូងរបស់កម្ពុជា ដើម្បីទាក់ទាញវិនិយោគក្នុងវិស័យនេះ។

លោកបណ្ឌិត ឆាយ ស៊ីណាត មើលឃើញថា កម្ពុជា មានសក្តានុពលខ្ពស់ ក្នុងការប្រកួតប្រជែងវិស័យគ្រឿងអលង្ការ និងត្បូង នៅលើឆាកអន្តរជាតិ។ ទន្ទឹមនឹងនេះ ធនធានមនុស្សនៅក្នុងវិស័យនេះ ក៏មានសមត្ថភាពខ្ពស់ក្នុងការច្នៃប្រឌិត ដើម្បីប្រកួតប្រជែងទីផ្សារអន្តរជាតិ។

លោក អ៊ួន ពេជ្រភីរម្យ នាយកបត្តិបត្តិក្រុមហ៊ុន ស៊ី.អាយ.ជី.ជេ.អេហ្វ.ខូអិលធីឌី បានលើកឡើងថា នៅក្នុងពិព័រណ៍នេះ ក៏មានការដាក់ដេញថ្លៃម្កុដ របស់កម្មវិធីនារីឯកគ្រឿងអលង្ការ និងត្បូងអន្តរជាតិផងដែរ។

សូមបញ្ជាក់ថា នៅក្នុងព្រឹត្តិការណ៍ពិព័រណ៍គ្រឿងអលង្ការ និងត្បូងនេះ នឹងមានការដាក់បង្ហាញដូចជា Gold Jewelry, Platinum Jewelry , Silver Jewelry, Fine Jewelry , Crystal, Opal, Pearl, Various Diamonds, Sapphire, Ruby, Emerald និង Jade ជាដើម៕

The post ការអភិវឌ្ឍវិស័យគ្រឿងអលង្ការ និងត្បូង​រួមចំណែក​ជំរុញកំណើនសេដ្ឋកិច្ចកម្ពុជា appeared first on Kampuchea Thmey Daily.

លោក Sumed Prasongpongchai នាយកវិទ្យាស្ថានត្បូង និងគ្រឿងអលង្ការថៃបាននិយាយថា លោកពេញចិត្តចំពោះកំណើននៃការនាំចេញរបស់មានតម្លៃទាំងនេះក្នុងរយៈពេល ២ ខែជាប់ៗគ្នានេះ ។ ​

សម្រាប់ទីផ្សារនាំចេញរបស់ថៃ គឺមានការកើនឡើងគួរឲ្យកត់សម្គាល់នៅក្នុងទីក្រុងហុងកុង ដែលកើនឡើង ១៨៤.៤៧ ភាគរយ. ប្រទេសជប៉ុន កើន ៦.០៥ ភាគរយ, អ៊ីតាលី កើន ៤៧.២៧ ភាគរយ, អារ៉ាប់រួម កើន ២២.៥០ ភាគរយ និងសិង្ហបុរី កើនឡើង ៧៣.៩៤ ភាគរយ ។

ដោយឡែក ការនាំចេញទៅសហរដ្ឋអាមេរិក បានធ្លាក់ចុះជិត ១០ ភាគរយ, អាល្លឺម៉ង់ ១៧.៥២ ភាគរយ, ចក្រភពអង់គ្លេស ១៦.១៧ ភាគរយ និងស្វីស ២.៧៨ ភាគរយ ខណៈ​ឥណ្ឌា ធ្លាក់ចុះច្រើនជាងគេរហូតដល់ ៦៤.៨៦ ភាគរយ ។

បច្ចុប្បន្ន ការងើបឡើងវិញនៃសេដ្ឋកិច្ចពិភពលោក ក្នុងអំឡុងឆមាសទី ២ នៃឆ្នាំនេះនៅតែមានភាពយឺតយ៉ាវ ដោយសារអតិផរណាបន្តកើនឡើង និងអស្ថិរភាពសេដ្ឋកិច្ចជាដើម ។

សេដ្ឋកិច្ចសំខាន់ៗនៅក្នុងក្រុមប្រទេស G7 រួមទាំងសហរដ្ឋអាមេរិក ចក្រភពអង់គ្លេស និងអាល្លឺម៉ង់ កំពុងប្រឈមមុខនឹងបញ្ហាយ៉ាងខ្លាំង បើប្រៀបធៀបទៅនឹងប្រទេសដទៃទៀត ។ នេះគឺដោយសារតែបញ្ហាស្ថាប័នហិរញ្ញវត្ថុ សម្ពាធអតិផរណានិងការកើនឡើងនៃការចំណាយហិរញ្ញវត្ថុពីអត្រាការប្រាក់ ក៏ដូចជាគោលនយោបាយគ្រប់គ្រងតឹងរ៉ឹង ដែលប៉ះពាល់ដល់ផលិតកម្ម ការវិនិយោគ និងការប្រើប្រាស់ជាដើម ៕

ប្រែសម្រួល៖ នាង រតនៈ

ប្រភព៖ The Nation Thailand

The post ថៃ នាំចេញត្បូងមានតម្លៃ និងគ្រឿងអលង្ការ ក្នុងទំហំទឹកប្រាក់ ៤.២០ ពាន់លានដុល្លារ appeared first on Kampuchea Thmey Daily.

១. គ្មានអ្វីអាចមកបំបែកពេជ្របានទេ

ទោះបីជាពេជ្រមានភាពរឹងមាំយ៉ាងណាក៏ដោយ វានៅតែអាចបំបែកនិងឆ្កូតបានដូចវត្ថុផ្សេងៗទៀត គ្រាន់តែត្រូវការកម្លាំងខ្លាំងជាងគេប៉ុណ្ណោះ ។

២. ការពាក់គជ់ខ្យងនៅថ្ងៃមង្គលការគឺមិនល្អទេ

គេជឿថាគជ់ខ្យងតំណាងឲ្យទឹកភ្នែកកូនក្រមុំដែលនឹងត្រូវស្រក់ក្នុងជីវិតគូដោយសារកូនកំលោះជាទីស្រលាញ់របស់នាង សូម្បីចំណងខ្សែគជ់នោះក៏តំណាងឲ្យបញ្ហាមួយខ្សែរបស់កូនក្រមុំដែរ ។

៣. ពេជ្រគឺជាថ្មដ៏កម្របំផុត

ពេជ្រពិតជាពិបាកជីកមែន ប៉ុន្តែវាមិនមែនជាថ្មដ៏កម្របំផុតទេ ថ្ម painite ទើបជាថ្មកម្របំផុត ។

៤. ពណ៌ត្រូវបានចាត់ទុកថាជារឿងសំខាន់ក្នុងការកំណត់តម្លៃពេជ្រ

អ្នកប្រហែលជាធ្លាប់ឮពីពេជ្រពណ៌ខៀវ ឬពេជ្រពណ៌ផ្កាឈូកដ៏ថ្លៃបំផុតហើយ ដោយសារតែពេជ្រពណ៌ជាវត្ថុកម្រទើបវាមានតម្លៃថ្លៃមហាសាល ។ យ៉ាងណាក្ដីពណ៌មិនអាចកំណត់តម្លៃពេជ្រទេ ការកំណត់តម្លៃពេជ្រគឺស្ថិតលើទំហំ កម្រិតភ្លឺ និងមុខកាត់របស់វា ។

៥. យើងអាចរំលាយគជ់ខ្យងក្នុងទឹកខ្មេះឬសុរា

ព្រះនាង Cleopatra ធ្លាប់បង្អួតអំពីទ្រព្យសម្បត្តិរបស់ទ្រង់ដោយដាក់គជ់ខ្យងចូលទៅក្នុងស្រារួចផឹកវា ។ អ្នកជំនាញបានឲ្យដឹងថាយើងអាចរំលាយគជ់ខ្យងក្នុងស្រាដោយប្រើពេលយូរ ប្រសិនបើចង់ឲ្យឆាប់រលាយនោះគេត្រូវកិនវាឲ្យក្លាយជាម្សៅសិន ។

៦. Opals នាំមកនូវសំណាងអាក្រក់

Opals គឺជាប្រភេទថ្មមានពណ៌ដូចឥន្ទធនូ កាលពីជំនាន់មុនមនុស្សប្រុសតែងតែចេញទៅធ្វើសង្គ្រាមចោលប្រពន្ធកូន ពួកគេនឹងទុកថ្មនេះឲ្យប្រពន្ធមុនចេញទៅដើម្បីសំណាងល្អនិងសុវត្ថិភាព ក្រោយមកជំនឿនោះប្រែក្លាយជាសំណាងអាក្រក់ទៅវិញ មកទល់បច្ចុប្បន្នជំនឿទាំងពីរក៏សាបសូន្យទៅ ។

៧. មាសមានបីពណ៌

ការពិតមាសមានតែមួយពណ៌ទេគឺពណ៌លឿង ចំណែកឯពណ៌ផ្សេងៗគឺបានមកពីការលាយជាមួយលោហៈដទៃទៀត ។

៨. ចិញ្ចៀនភ្ជាប់ពាក្យត្រូវតែជាពេជ្រ ព្រោះត្បូងផ្សេងទៀតមិនសូវមានសំណាងល្អ

ទោះបីពេជ្រមានតម្លៃថ្លៃ ប៉ុន្តែការស្រលាញ់ពិតនៅតែមានតម្លៃជាងពេជ្រ​ ដូច្នេះហើយត្បូងអ្វីក៏មិនសំខាន់ដែរសំខាន់យើងមានក្ដីសុខពិតប្រាកដ ។

៩. អ្នកត្រូវតែពាក់ចិញ្ចៀនភ្ជាប់ពាក្យ ឬចិញ្ចៀនរៀបការជាប់ជានិច្ច

អ្នកមិនចាំបាច់ពាក្យវារហូតនោះទេ ឲ្យតែអ្នកមានដៃគូនៅក្នុងបេះដូងរហូតទៅគឺគ្រប់គ្រាន់ណាស់ទៅហើយ។

១០. ត្បូងកាន់តែធំកាន់តែថ្លៃ

ចំណុចនេះមិនមែនជាការពិតនោះទេ ត្បូងដែលមានតម្លៃថ្លៃត្រូវតែមានទឹកល្អ និងមុខកាត់ស្អាតផងដែរ។

សូមរំលឹកដែរថារាល់ការបញ្ជាទិញត្បូងឬគ្រឿងអលង្ការត្រូវតែពិនិត្យនិងទិញពីកន្លែងគួរឲ្យទុកចិត្ត ព្រោះឥលូវនេះសម្បូរទៅដោយត្បូងនិងមាសក្លែងក្លាយណាស់ ៕

ប្រែសម្រួល ៖ វារី

ចុចអាន ៖ មកដឹងពីតម្លៃចិញ្ចៀនរៀបការរបស់តារាល្បីលំដាប់អន្តរជាតិ ៥ រូប

The post ពាក្យចចាមអារ៉ាមមិនពិតដ៏ពេញនិយម ១០ រឿង ពីគ្រឿងអលង្ការ appeared first on Kampuchea Thmey Daily.

១. Grace Kelly 

ក្នុងឆ្នាំ ១៩៥៦ តារាហូលីវូដ Grace Kelly បានរៀបការជាមួយព្រះអង្គម្ចាស់ Rainier III ហើយចិញ្ចៀនរៀបការរបស់នាងមានទំហំ ១០.៤៧ ការាត់ច្នៃដោយ Cartier ដែលមានតម្លៃ ៤,០៦០,០០០ ដុល្លារ បើគិតដល់ពេលនេះតម្លៃលោតដល់ជាង ៤៤,៣ លានដុល្លារឯណោះ ។

២. Mariah Carey

ចិញ្ចៀនទំហំ ៣៥ ការាត់វង់នេះបានមកពីអតីតគូស្នេហ៍របស់នាងគឺ James Packer ក្នុងតម្លៃ ១០ លានដុល្លារ បន្ទាប់ពីបែកគ្នាមួយឆ្នាំតារាចម្រៀង Mariah Carey នៅតែពាក់វាជាប់ជានិច្ចរហូតដល់ខែឧសភា ឆ្នាំ២០១៨ ទើបនាងដាច់ចិត្តលក់ក្រោមតម្លៃ ២,១ លានដុល្លារ ។

៣. Beyoncé

យោងតាមលោក Jay-Z ស្វាមីកំពូលតារាចម្រៀង Beyoncé បានឲ្យដឹងថានាងពាក់ចិញ្ចៀនទំហំ ២៤ ការាត់តម្លៃ ៦,៨៩ លានដុល្លារ ប៉ុន្តែមិនចម្លែកទេព្រោះទ្រព្យសម្បត្តិនាងម្នាក់ឯងមាន ៥០០ លានដុល្លារទៅហើយ ។

៤. Kim Kardashian

ក្នុងឆ្នាំ ២០១៣ Kanye អតីតស្វាមីរបស់នាងបានសុំរៀបការជាមួយចិញ្ចៀនទំហំ ១៥ ការាត់តម្លៃ ៤ លានដុល្លារយ៉ាងស្រស់ស្អាត ជាអកុសលដល់ឆ្នាំ ២០១៦ ក្រុមចោរបានប្លន់យកចិញ្ចៀននេះទៅបាត់ ។

៥. Blake Lively

មិនត្រឹមតែជាគូស្នេហ៍ដ៏គួរឲ្យច្រណែនប៉ុណ្ណោះទេ សូម្បីចិញ្ចៀនរៀបការក៏ស្អាតដែរគឺវាមានទំហំ ៧ ការាត់និងតម្លៃដល់ទៅ ២,៥ លានដុល្លារ ។

ចិញ្ចៀនរៀបការតម្លៃថ្លៃមិនបានមកកំណត់ជីវិតរៀបការរបស់នរណាម្នាក់ទេ សំខាន់ឲ្យតែចេះស្រលាញ់គ្នាទោះគ្មានចិញ្ចៀនពេជ្យក៏អាចមានសុភមង្គលដែរ ៕

ប្រែសម្រួល ៖ វារី

ចុចអាន ៖ គ្រឿងអលង្ការត្បូងទទឹមថ្លៃបំផុត ១០ ម៉ូដ ធ្លាប់ដាក់ដេញថ្លៃកន្លងមក

The post មកដឹងពីតម្លៃចិញ្ចៀនរៀបការរបស់តារាល្បីលំដាប់អន្តរជាតិ ៥ រូប appeared first on Kampuchea Thmey Daily.

កាលពីរសៀល​ថ្ងៃ​ទី ២ ខែ​មករា ឆ្នាំ ២០២៣ នៅ​ទីស្ដីការ​ក្រុម​ប្រឹក្សា​អភិវឌ្ឍន៍​កម្ពុជា លោក សុខ ចិន្តា​សោភា រដ្ឋមន្ត្រី​ប្រតិភូ​អម​នាយករដ្ឋមន្ត្រី និងជាអគ្គលេខាធិការ​ក្រុមប្រឹក្សា​អភិវឌ្ឍន៍​កម្ពុជា បាន​ទទួល​ជួប​ប្រតិភូ​តំណាង​ក្រុមហ៊ុន​ផលិត​គ្រឿងអលង្ការ​សម្រាប់​ម៉ាក​ដ៏​ល្បី​មួយ ដែល​បាន​សម្រេច​ជ្រើសរើស​យក​កម្ពុជា ជា​គោលដៅ​វិនិយោគ សម្រាប់​បង្កើត​រោងចក្រ​ផលិត​គ្រឿងអលង្ការ​លម្អ នឹង​ត្រូវ​ផ្គត់ផ្គង់​ដល់​ក្រុមហ៊ុន​មាន​ម៉ាក​ល្បីៗ នៅ​លើ​ពិភពលោក។

ក្នុង​ជំនួប​នោះ​ដែរ ការ​សម្រេច​ចិត្ត​របស់​ក្រុមហ៊ុន​នេះ ដោយ​បាន​សម្លឹង​ឃើញ​ថា កម្ពុជា មាន​វប្បធម៌ និង​អរិយធម៌​យូរអង្វែង ជា​ចំណុច​សំខាន់​សម្រាប់​បន្ស៊ី​គ្នា​ជាមួយ​ផលិតផល​របស់​ខ្លួន ដែល​គ្រោង​នឹង​ផលិត​នៅ​ក្នុង​ព្រះរាជាណាចក្រ​កម្ពុជា។

បន្ថែម​ពី​នោះ ក្រុមហ៊ុន បាន​សិក្សា​អំពី​សក្ដានុពល​វិនិយោគ​នៅ​ព្រះរាជាណាចក្រ​កម្ពុជា តាំងពី​ដើម​ឆ្នាំ ២០១៩ មក​ម្ល៉េះ មុននឹង​សម្រេច​បោះ​ទុន​បង្កើត​រោងចក្រ​ផលិត​គ្រឿងអលង្ការ​នៅ​ប្រទេស​កម្ពុជា ដែល​គ្រោង​នឹង​ចាប់ផ្ដើម​ប្រតិបត្តិការ​វិនិយោគ​នា​ខែ​មករា ឆ្នាំ ២០២៤ ខាងមុខ។ តែយ៉ាងណាក៏ដោយក្រុមហ៊ុន សូម​រក្សា​សិទ្ធិ​មិន​បញ្ចេញ​ឈ្មោះ ​នា​ពេលនេះ​ទេ៕

អត្ថបទ ៖ ពិសី

The post ក្រុមហ៊ុនផលិតគ្រឿងអលង្ការសម្រាប់ម៉ាកដ៏ល្បីមួយ ជ្រើសរើសយក កម្ពុជា ជាគោលដៅវិនិយោគ appeared first on Kampuchea Thmey Daily.

១ The Imperial State Crown

ថ្ងៃទី០១ ខែមករា ឆ្នាំ ១៩៦៧ ម្ចាស់ក្សត្រី Elizabeth បានពាក់ខ្សែក The Imperial State និងខ្សែកពេជ្រ ដើម្បីឡើងគ្រងរាជ្យ​របស់​ទ្រង់។ វាត្រូវបានបង្កើតឡើង​សម្រាប់ការឡើងគ្រងរាជ្យ​របស់ស្តេច George VI ក្នុងឆ្នាំ ១៩៣៧ ។

២ Burmese Rubies

នៅ​ឯ​ពិធី​ជប់លៀង​របស់​ព្រះរាជា​ ដែលប្រារព្ធឡើងនៅសួន Covent Garden នៅថ្ងៃទី ៣០ ខែ​ឧសភា ឆ្នាំ ១៩៣០ ម្ចាស់ក្សត្រី Elizabeth បាន​ពាក់​មកុដ​ត្បូងទទឹម ​ដែល​ជនជាតិ​ភូមា​បាន​ថ្វាយ​ក្នុង​ពិធី​ឡើង​គ្រងរាជ្យ​របស់​ទ្រង់។

៣ The Grand Duchess of Vladimir of Russia Tiara

ចិញ្ចៀន​ពេជ្រ និង​គុជ់​ខ្យង​របស់​ម្ចាស់ក្សត្រី Elizabeth បានបង្ហាញខ្លួននៅថ្ងៃទី ២២ ខែឧសភា ឆ្នាំ ១៩៧៨ ត្រូវបានគេស្គាល់ថាជា Crown Grand Duchess of Vladimir of Russia ដែល​ភ្ជាប់​មក​ជាមួយ​ខ្សែក និង​ក្រវិល​ដែល​ត្រូវគ្នា។ ដើមឡើយ​វា​ជាអំណោយសម្រាប់ម្ចាស់ក្សត្រី Victoria និង​អំបោះ​មួយ​ដែល​តុបតែង​ដោយ​ពេជ្រ និង​គុជ​ដែល​អម​ជាមួយ​អង្ហាការ​នេះ​ ហើយត្រូវបានផ្តល់​ឲ្យុ​ម្ចាស់ក្សត្រី Elizabeth នៅ​ថ្ងៃរៀបការ​របស់​ទ្រង់។

៤​ The Japanese Pearl Choker

The Japanese Pearl Choker និងខ្សែកសំខាន់ៗដែលបានបង្ហាញខ្លួនជាលើកដំបូង នៅថ្ងៃទី ១៦ ខែវិច្ឆិកា ឆ្នាំ ១៩៨៣ ដែល​ផ្តល់​ដោយ​រដ្ឋាភិបាល​ជប៉ុន ​ដល់ម្ចាស់ក្សត្រី Elizabeth ក្នុងទសវត្សរ៍ទី ៨០ ។

៥ Crown Amethyst Suite of Jewels

ដើមឡើយ​ជា​កម្មសិទ្ធិ​របស់​មាតា​របស់​ម្ចាស់ក្សត្រី Victoria ។ ប៉ុន្តែត្រូវបាន​គេ​ឃើញ​ជា​លើក​ដំបូង ​នៅ​ពេល​ម្ចាស់ក្សត្រី Elizabeth ពាក់​នា​ថ្ងៃ​ទី ២៦ ខែមីនាឆ្នាំ ១៩៨៥។

៦ The Brazilian Aquamarine Parure Tiara

ខ្សែក និងក្រវិលដែលធ្វើពីត្បូងពេជ្រនេះ គឺប្រជាជនប្រេស៊ីលបានថ្វាយដល់ព្រះមហាក្សត្រិយានី Elizabeth សម្រាប់ការឡើងគ្រងរាជ្យ ហើយ៤ឆ្នាំក្រោយមក ម្ចាស់ក្សត្រី​បាន​ចាត់តាំង Garrard ឲ្យធ្វើ Tiara ដែលត្រូវនឹងគ្រឿងអលង្ការនេះ។ ម្ចាស់ក្សត្រី Elizabeth ត្រូវ​បាន​គេ​ឃើញ​ពាក់​វានា​ថ្ងៃ​ទី ១៥ ខែ តុលា ឆ្នាំ ១៩៨៦។

៧ Cambridge និង Delhi Durbar Parure និង Girls of Ireland Tiara

ខ្សែកត្បូងមរកតនិងក្រវិលដែលត្រូវគ្នា ពាក់ដោយក្សត្រី Elizabeth នៅថ្ងៃទី ១៤ខែតុលា ឆ្នាំ ១៩៨៩ និងពីមុនជាកម្មសិទ្ធិរបស់ម្ចាស់ក្សត្រីម៉ារី។ មកុដ​ដើម​មាន​គុជ​ធំៗ ដែល​ត្រូវ​បាន​យក​ចេញ​តាម​បញ្ជា​របស់​ម្ចាស់ក្សត្រី Elizabeth ហើយ​បាន​ប្រែក្លាយ​ទៅជា​មកុដ​របស់​គូស្នេហ៍​ខេមប្រ៊ីជ ដែលជាសំណព្វរបស់​ម្ចាស់ក្សត្រី Diana និង Catherine ។

៨ The Russian Fringe Tiara

គ្រឿងអលង្ការ​នេះ ​ពាក់ដោយម្ចាស់ក្សត្រី Elizabeth ក្នុងពិធីឡើងគ្រងរាជ្យជាមួយព្រះអង្គម្ចាស់ Philip ។ វាត្រូវបានបង្ហាញខ្លួនម្តងទៀត នៅក្នុងពិធីជប់លៀងមួយក្នុងប្រទេសអ៊ីស្លង់​ នៅថ្ងៃទី ២៥ ខែមិថុនា ឆ្នាំ ១៩៩០ ជា tiara តុបតែងដោយ​ត្បូងពេជ្រ​ដ៏​អស្ចារ្យបំផុត។

៩ The Victorian Suite of Sapphire and Diamond Set

ខ្សែកពេជ្រ និង​ត្បូងកណ្ដៀង​របស់​ម្ចាស់ក្សត្រី Elizabeth ត្រូវបានគេស្គាល់ថាជា The Victorian Suite of Sapphire and Diamond វាត្រូវបានបង្កើតឡើងក្នុងឆ្នាំ ១៨៥០ ហើយ​ផ្ដល់​ឲ្យ​ទៅ​ម្ចាស់ក្សត្រី Elizabeth ដោយមាតា​របស់​ទ្រង់​គឺព្រះអង្គ George VI សម្រាប់ពិធីមង្គលការមួយ។

១០ The Cullinan V Heart Diamond Brooch

ខ្សែកពេជ្រ Cullinan V Heart ដ៏ស្រស់ស្អាតមានទម្ងន់ប្រហែល ១៩ ការ៉ាត់ ពាក់ដោយម្ចាស់ក្សត្រី Elizabeth កាលពីថ្ងៃទី ៩ ខែមីនា ឆ្នាំ ១៩១១ ដើមឡើយរចនាឡើងសម្រាប់ម្ចាស់ក្សត្រី Mary ក្នុងឆ្នាំ ១៩៨៩៕

ប្រែសម្រួល៖ សាង ស្រីល័ក្ខ

ចុចអាន៖មកស្គាល់ បណ្ដុំគ្រឿងអលង្ការរាជវង្សអង់គ្លេស មានកេរដំណែលរាប់ឆ្នាំ និងជាសម្បត្តិជាតិដ៏អស្ចារ្យ

ចុចអាន៖ទម្លាយទ្រព្យមហាសាល នៃឪពុកកូនក្រមុំដែលរៀបការកក្រើក អាមេរិក និងជាដន្លង David Beckham

The post បង្ហាញឈុតគ្រឿងអលង្ការល្បីៗ ជាវត្ថុសំណព្វរបស់មហាក្សត្រី Elizabeth ធ្លាប់គ្រងកន្លងមក appeared first on Kampuchea Thmey Daily.

កម្ពុជាថ្មី នឹងបង្ហាញនូវម៉ូដ​មកុដ​​ Tiaras​ មានប្រវត្តិច្រើនឆ្នាំ​ និងបានប្រើបន្តពីម្ចាស់ក្សត្រីមួយអង្គទៅមួយអង្គ​ បង្កើត​បាន​ជា​បណ្ដុំ​នៃគ្រឿង​អលង្ការ​រាជវង្សមិនអាចកាត់ថ្លៃបាន។

១ Queen Mary Fringe Tiara

ម្ចាស់ក្សត្រី Elizabeth II និងម្ចាស់ក្សត្រី Anne ទាំងពីរអង្គ​បាន​ពាក់​មកុដ​ម្ចាស់ក្សត្រី Mary Fringe Tiara នៅ​ថ្ងៃ​រៀបការ​របស់​ទ្រង់។ Tiara ដែលមនុស្សជាច្រើនជឿថា ​ជ្រើសរើស​ដោយសារតែ​សារៈសំខាន់នៃមនោសញ្ចេតនារបស់វា និងការរចនាពេជ្រដ៏អស្ចារ្យ ដើម្បីជួយបំពេញបន្ថែមនូវរ៉ូប Norman Hartnell របស់កូនក្រមុំ។

២ The Cartier Halo Scroll Tiara

មកុដ tiara ​ពាក់​ដោយ Duchess of Cambridge ក្នុងថ្ងៃរៀបការរបស់​ទ្រង់ ​គឺ​ខ្ចី​ពីព្រះ​មហាក្សត្រិយានី ហើយ​ដើម​ឡើយ​ជា​អំណោយខួបអាពាហ៍ពិពាហ៍​របស់​ស្តេច George VI ដល់ភរិយា​ឈ្មោះ Elizabeth (ត្រូវបានគេស្គាល់ថាជាមហាក្សត្រីមាតា) ក្នុងឆ្នាំ ១៩៣៦។ មកុដ​នេះ​​មាន​ត្បូងពេជ្រ​ជាង ១,០០០០ ហើយ​ត្រូវ​បាន​ពាក់​ម្ដងម្កាល ​ដោយ​ម្ចាស់ក្សត្រី Margaret ។

៣ The Queen Mary Diamond Bandeau Tiara

ឈុតបង្ហាញម៉ូត bandeau tiara ពាក់ដោយ Meghan, Duchess of Sussex, នៅ​ថ្ងៃរៀបការរបស់នាង​ និង​ត្រូវ​បាន​ពាក់​ដោយ​ជីដូនមួយ​របស់​មហាក្សត្រី​គឺ Queen Mary ក្នុងឆ្នាំ ១៩២៥ ។ ដើម​ឡើយ ​វា​មាន​ផ្នែក​កណ្ដាល​ត្បូង​កណ្ដៀង ប៉ុន្តែ​វា​ត្រូវ​បាន​ផ្លាស់ប្ដូរ​ទៅ​ជា​ពេជ្រ។ មកុដ​នេះ ​ក៏​ត្រូវ​បាន​ពាក់​ដោយ​ព្រះអង្គ​ម្ចាស់ Margaret ដែល​ជា​ប្អូនស្រី​របស់​ព្រះ​មហាក្សត្រិយានី​ផងដែរ។

៤ The Delhi Durbar Tiara

Delhi Durbar tiara គឺជា​ប្រភេទ​មួយ​ក្នុង​ចំណោម​បី ​ដែល​ខ្ចី​ពី​ព្រះ​មហាក្សត្រិយានី​ទៅ​ឲ្យ​កូន​ប្រសា​ស្រី Camilla, Duchess of Cornwall ។ ផលិត​ដោយ Garrard វាត្រូវ​បាន​បង្កើត​ឡើង​ដំបូង​ សម្រាប់​ម្ចាស់ក្សត្រី Mary ក្នុង​ឆ្នាំ ១៩១១ ​នៅទីក្រុង Delhi ដើម្បី​ប្រារព្ធ​ពិធី​ឡើង​គ្រងរាជ្យ​របស់​ស្ដេច George V និង​ម្ចាស់ក្សត្រី Mary ជា​អធិរាជ និង​អធិរាជ​នៃ​ប្រទេស​ឥណ្ឌា។

៥ The Greville Tiara

Greville Tiara​ ត្រូវបានផលិតដោយ Boucheron នៃ Dame Margaret Helen Greville ក្នុងឆ្នាំ ១៩២០។ វាត្រូវបានគេស្គាល់ថាជា Boucheron Honeycomb tiara ហើយត្រូវបានគ្រងដោយ Camilla, Duchess of Cornwall ។ ឥឡូវនេះវាគឺជា​មកុដ tiaras មួយក្នុងចំណោមបី​ និងបានទៅដល់ដៃ Camilla ដែល​បាន​រៀបអភិសេកជាមួយ​ព្រះអង្គម្ចាស់ Charles ក្នុងឆ្នាំ ២០០៥ ។

៦ Cambridge Lover’s Knot Tiara

ត្រូវបានគេស្គាល់ផងដែរថាជា Queen Mary’s Lover’s Knot tiara ក្បាលពេជ្រ និងគុជខ្យងនេះ​ត្រូវបានចាត់ចែង​ដោយម្ចាស់ក្សត្រី Mary ក្នុងឆ្នាំ ១៩១៣ នៅពេលដែលនាងបានសុំ​ឲ្យ​គ្រឿងអលង្ការអង់គ្លេស Garrard ចម្លងខ្សែចង ដែលជាកម្មសិទ្ធិរបស់ជីដូនរបស់នាង គឺម្ចាស់ក្សត្រី Augusta នៃ Hesse-Kassel ។

មរតកនេះត្រូវបានប្រគល់​ទៅ​​ឲ្យម្ចាស់ក្សត្រី Diana នៅពេលទ្រង់រៀបអភិសេកជាមួយព្រះអង្គម្ចាស់ Charles ប៉ុន្តែវាត្រូវបានប្រគល់ជូនម្ចាស់ក្សត្រីវិញ បន្ទាប់ពីប្តីប្រពន្ធទាំងពីរបានលែងលះគ្នាក្នុងឆ្នាំ ១៩៩៦ ។ សព្វថ្ងៃនេះវាជាកម្មសិទ្ធិរបស់ព្រះមហាក្សត្រិយានី ហើយនៅតែជាទីពេញចិត្តរបស់ត្រកូលរាជវង្ស Duchess of Cambridge និងសម្រាប់ខ្សែរាជវង្សដទៃ អាចខ្ចីប្រើ សម្រាប់ឱកាសពិសេសនានា៕

ប្រែសម្រួល៖ សាង​ ស្រីល័ក្ខ

ចុចអាន៖សម្រង់សំដី ពីស្ដេចគ្រឿងអលង្ការ Johnny Dang លើកទឹកចិត្តដល់សហគ្រិន ទើបចាប់ផ្ដើមដំបូង

ចុចអាន៖ជីវប្រវត្តិដ៏កម្សត់ នៃជីវិតកូនប្រុស តារាក្បាច់គុន លី សៀវឡុង ស្លាប់ក្រោមអាថ៌កំបាំង ស្រដៀងនឹងឪពុក

The post មកស្គាល់ បណ្ដុំគ្រឿងអលង្ការរាជវង្សអង់គ្លេស មានកេរដំណែលរាប់ឆ្នាំ និងជាសម្បត្តិជាតិដ៏អស្ចារ្យ appeared first on Kampuchea Thmey Daily.