សេដ្ឋកិច្ច

ក្រុមហ៊ុនផលិតគ្រឿងអលង្ការសម្រាប់ម៉ាកដ៏ល្បីមួយ ជ្រើសរើសយក កម្ពុជា ជាគោលដៅវិនិយោគ

បានផុស

៤ ខែ មុន

នៅ

ថ្ងៃអង្គារ ៣ មករា ២០២៣

ដោយ

ក្រុមហ៊ុនផលិតគ្រឿងអលង្ការសម្រាប់ម៉ាកដ៏ល្បីមួយ បានសម្រេចជ្រើសរើសយក កម្ពុជា ជាគោលដៅវិនិយោគ សម្រាប់បង្កើតរោងចក្រផលិតនូវគ្រឿងអលង្ការលម្អ ដែលនឹងត្រូវផ្គត់ផ្គង់ដល់ក្រុមហ៊ុនមានម៉ាកល្បីៗ នៅលើពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីរសៀលថ្ងៃទី ២ ខែមករា ឆ្នាំ ២០២៣ នៅទីស្ដីការក្រុមប្រឹក្សាអភិវឌ្ឍន៍កម្ពុជា លោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា បានទទួលជួបប្រតិភូតំណាងក្រុមហ៊ុនផលិតគ្រឿងអលង្ការសម្រាប់ម៉ាកដ៏ល្បីមួយ ដែលបានសម្រេចជ្រើសរើសយកកម្ពុជា ជាគោលដៅវិនិយោគ សម្រាប់បង្កើតរោងចក្រផលិតគ្រឿងអលង្ការលម្អ នឹងត្រូវផ្គត់ផ្គង់ដល់ក្រុមហ៊ុនមានម៉ាកល្បីៗ នៅលើពិភពលោក។

ក្នុងជំនួបនោះដែរ ការសម្រេចចិត្តរបស់ក្រុមហ៊ុននេះ ដោយបានសម្លឹងឃើញថា កម្ពុជា មានវប្បធម៌ និងអរិយធម៌យូរអង្វែង ជាចំណុចសំខាន់សម្រាប់បន្ស៊ីគ្នាជាមួយផលិតផលរបស់ខ្លួន ដែលគ្រោងនឹងផលិតនៅក្នុងព្រះរាជាណាចក្រកម្ពុជា។

បន្ថែមពីនោះ ក្រុមហ៊ុន បានសិក្សាអំពីសក្ដានុពលវិនិយោគនៅព្រះរាជាណាចក្រកម្ពុជា តាំងពីដើមឆ្នាំ ២០១៩ មកម្ល៉េះ មុននឹងសម្រេចបោះទុនបង្កើតរោងចក្រផលិតគ្រឿងអលង្ការនៅប្រទេសកម្ពុជា ដែលគ្រោងនឹងចាប់ផ្ដើមប្រតិបត្តិការវិនិយោគនាខែមករា ឆ្នាំ ២០២៤ ខាងមុខ។ តែយ៉ាងណាក៏ដោយក្រុមហ៊ុន សូមរក្សាសិទ្ធិមិនបញ្ចេញឈ្មោះ នាពេលនេះទេ៕

អត្ថបទ ៖ ពិសី